Skagfirðingabók - 01.01.1975, Blaðsíða 167
FLJÓT í SKAGAFIRÐI Á NÍTJANDU ÖLD
félag í Holtshreppi, og eru bændur hvattir til þess að undirrita
þau og breyta eftir þeim, og hreppstjórar rita:
„Hvað nú bráðabyrgðarlög þessi snertir, þá eru þau svo
næg og lipur, að þau einungis fara fram á það, sem er
borgaraleg og kristileg skylda hvers mans, svo þau eng-
anvegin geta álitist að hnekkja frjálsræði fjelagsmar.na;
óskum við því og vonum að sem allra færstir skori sig
undan að skrifa undir þau, því þess almennara og yfir-
gripsmeira sem fjelagið verður þess meiri von er um að
það nái hinum ágjæta til gangi sínum, sem mundi verða
sveitarfjelaginu til hins mesta sóma og farsældar."8
Osagt skal látið, hve lengi þetta félag lifði, eða hvort nokkurn
tíma var meira gert en að stofna það. Hófsemdarfélagsins er hvergi
getið í heimildum síðar, og þess verður ekki heldur vart í ritum,
að Fljótamenn hafi talizt bindindissamir um aðra fram.
c. Lestrarfélag
Hannes Hannesson frá Melbreið getur þess í einni af syrpum
sínum, að laust fyrir aldamótin, nánar tiltekið 1897—1898, hafi
verið stofnað lestrarfélag í Fljótum, og hafi Guðmundur Davíðs-
son á Hraunum og fleiri haft forgöngu um það mál, „en lestrar-
félag þetta lifði aldrei með neinum blóma, hafði fáa meðlimi, og
gat því lítið keypt af bókum. Almenn þátttaka var ekki til stað-
ar.. ,“9
Hér virðist Guðmundur á Hraunum hafa gert tilraun til þess
að breiða út eitt af áhugamálum sínum, en hann var geysimikill
bókamaður og átti sjálfur gott bókasafn, sem hafnaði eftir hans
daga að mestu leyti á Siglufirði, eftir að Skagfirðingar höfðu sleg-
ið hendi á móti því. I Héraðsskjalasafni Skagfirðinga er hins veg-
ar í handriti skrá, sem Guðmundur hefur ritað yfir safnið, og eru
þar skráð á 7. þúsund númer.
Guðmundur segir svo frá sjálfur, að til hafi verið í Fljótum tvö
165