Morgunblaðið - 07.12.1991, Page 43

rm HHaiíH33CI .? H JOAaHAOJAJ QlQAJaM'JOHOM
MORGUNBLADIÐ LAUGARDAGUR' 7. DESEMBER 199T
Bæjarráð Ólafsfjarðar:
Björgunar-
þyrla verði
keypt hið
allra fyrsta
BÆJARRÁÐ Ólafsfjarðar hefur
skorað á ríkisstjórn Islands að
kaupa hið fyrsta björgunarþyrlu
fyrir Landhelgisgæsluna.
Á fundi bæjarráðs Olafsfjarðar á
þriðjudag var samþykkt eftirfarandi
áskorun.
„Bæjarráð Ólafsfjarðar skorar á
ríkisstjórnina að framfylgja vilja
Alþingis, að kaupa hið fyrsta full-
komna björgunarþyrlu fyrir Land-
helgisgæsluna. Bæjarráð minnir á
mikilvægi slíks björgunartækis fyr-
ir sjómenn og íbúa þeirra lands-
hluta sem búa við erfiðar samgöng-
ur. Bæjarráð telur það óviðunandi
að íslendingar séu háðir erlendum
þjóðum í þessum efnum.”
Fatasöfn-
un hætt
VINÁTTUFÉLAG íslands og Króa-
tíu hefur hætt fataöfnun í bili vegna
gífurlegs framboðs á fatnaði. Að-
standendur söfnunarinnar þakka
stuðninginn og benda á póstgíró-
reikning nr. 400025 til hjálpar fólk-
inu í Krótatíu.
Morguijblaðið/Þorkell
Jóladagar í Perlunni
í Vetrargarðinum í Perlunni verða haldnar barnaskemmtanir á
sunnudögum fram til jóla. Á dagskránni er meðal annars skemmtiat-
riði, tónlist og söngur. Barnabókahöfundar lesa úr verkum sínum,
kynntar verða helstu barnaplöturnar í ár og barnakór Kársnesskóla
syngur jólalög. Jafnframt verða íslenskar handverkskonur og góð-
gerðasamtök með jólavarning til sölu, auk þess sem jólasveinar koma
í heimsókn. Einnig geta börnin tekið þátt í jólagetraun Perlunnar.
Dagskráin stendur yfir milli 14-17 og er aðgangur ókeypis.
Þjóðsögur og ævintýri
Ásdísar Ólafsdóttur
ÚR SAGNABRUNNI heitir bók
sem Vaka-Helgafell hefur gefið
út og hefur að geyma þjóðsög-
ur, sagnir og ævintýri Ásdísar
Ólafsdóttur, sem kennd var við
Vallakot í Reykjadal í Suður-
Þingeyjarsýslu.
í kynningu útgefanda segirm.a.:
„Ásdís var kunnur sagnaþulur á
sinni tíð en aðeins hefur varðveist
brot þeirra sagna og ævintýra er
hún kunni, að stænstum hluta frá-
sagnir sem Baldvin Jónatansson
þjóðsagnasafnari á Húsavík skráði
eftir henni um síðustu aldamót.
Guðrún Reykdal og Þ. Ragnar
Jónasson tóku saman efni bókar-
innar og bjuggu sögurnar til prent-
unar en í bókinni eru að auki þátt-
ur um lífsferil Ásdísar. Á þessu
ári eru liðin 160 ár frá fæðingu
hennar.
Ásdís Olafsdóttir var ein þeirra
kvenna frá liðinni öld sem höfðu
einstaka frásagnarhæfileika og
kunnu ógiynni sagna og ævintýra.
Á efri árum var hún til heimilis
hjá syni sínum, Jóhannesi Reykd-
al, trésmíðameistara í Hafnarfirði.
Herma heimildir að á þeim árum
hafi Reykvíkingar stundum sent
eftir henni mann og hest til þess
að fá hana til að segja sögur af
þeirri leikni sem henni var lagin.”
Bókin Úr sagnabrunni er 160
Ásdís Ólafsdóttir
síður að stærð, prentuð og bundin
í Prentsmiðjunni Odda hf.
Blástur og vísnasöng-
ur í Listasafni Islands
BLÁSARAKVINTETT Reykjavíkur heldur aðra tónleika sína á
þessum vetri þriðjudaginn 10. desember, en í vetur fagnar kvint-
ettinn 10. starfsári sínu. Þema tónleikanna er þjóðlög og áhrif
þeirra á tónskáld frá ýmsum löndum.
Kór Átthagafélags Strandamanna.
Átthagafélag Strandamanna:
Aðventutónleikar
AÐVENTUTÓNLEIKAR Kórs
Átthagafélags Strandamanna
verða í Bústaðakirkju sunnudag-
inn 8. desember klukkan 16.
Kórinn mun ásamt bamakór og
einsöngvurum flytja ljölbreytta
■ SNARA ástarinnar er ný bók
Victoriu Holt sem Vaka-Helgafell
hefur gefið út. Á bókarkápu segir
svo um efni bókarinnar: „Örlögin
spunnu Davínu Glentyre flókin vef
og lögðu margar gildrur á leið henn-
ar. Hún barðist við snöru réttlætis-
ins, sökuð um að hafa myrt föður
sinn að yfirlögðu ráði. í baráttu við
Davínu við að sanna sakleysi sitt
var lögð fyrir hana önnur snara —
sú sem ástin býr saklausu og hreinu
hjarta. Davína leitar gæfunnar í
framandi landi með skugga fortíðar
yfír sér. En gildrurnar leynast
víða.” María Jónsdóttir þýddi sög-
una á íslensku. Bókin er prentuð
og bundin í prentsmiðjunni Odda hf.
■ EINLEIKUR fyrir Hörpu í
liimanríki verður fluttur sunnu-
daginn 8. desember kl. 21.00 í
Kramhúsinu við Bergstaða-
stræti. Höfundur er Sjón leikari
er Harpa Arnardóttir.
dagskrá. Undirleik annast Laufey
Kristinsdóttir á píanó og Pavel
Smid á orgel, ásamt trompet- og
þverflautuleikurum. Stjórnandi
kórsins er Erla Þórólfsdóttir.
Kaffisala verður í safnaðarheim-
ilinu eftir tónleikana.
Á dagskránni verða ungverkir
dansar frá 17. öld í búningi ung-
verska tónskáldsins Ferenc Farkas
og leikin vera sex íslenzk lög, sem
Páll P. Pálsson útsetti fyrir kvint-
ettinn fyrr á árinu. Lögin eru
ýmist gömul þjóðlög eða frumsam-
in lög, sem öll hafa unnið sér sess
í hjarta þjóðarinnar. Þá verður
flutt „Choros” eftir brasiliska tón-
skáldið Heitor Villa-Lobos. Verkið
er byggt á laglínum og hrynjandi
suður-amerískrar þjóðlagatónlist-
ar.
Eftir hlé fær kvintettinn sænska
vísnasöngvarann og gítarleikar-
ann Jan-Olof Anderson til liðs við
sig. Verkefnalisti Jan-Olofs spann-
ar tónlist frá Elísabetartímanum
enska og allt til okkar daga. Á
tónleikunum mun kvintettinn vera
í undirleikshlutverki, er Jan-Olof
Anderson flytur tónleikagestum
lög eftir Bellmann, Sjöberg og
fleiri höfunda.
Eggert feldskeri:
Sýnir f öt
úr íslensku
selskinni
EGGERT Jóhannsson, feld-
skeri, heldur sýningu á jökk-
uni úr selskinni í verslun
sinni, Skólavörðustíg 38,
milli kl. 13.-18. næstkomandi
sunnudag.
Þennan dag gefst fólki kost-
ur á að skoða og máta nýja
hönnun úr íslensku selskinni
sem sútað er samkvæmt nýrri
aðferð. Þannig eru skinnin mun
mýkri og léttari en áður. Mikill
metnaður hefur verið lagður í
gerð jakkanna að sögn Eggerts
og nefndi hann sem dæmi að
silkifóður væri handsaumað í
þá. Jakkarnir eru hannaðir af
Eggert.
Sýndir verða jakkar fyrir
dömur og herra.
Verðlaunasaga Ið-
unnar Steinsdóttur
^ Morgunblaðið/KGA
Blámi og Isafold árita Jóladagatal
Blámi og ísafold ætla að vera í Bókaverslun ísafoldar í Austur-
stræti í dag, laugardag 7. desember, á milli kl. 14 og 16 og árita
Jóladagatal Sjónvarpsins og bókina Stjörnustrákurinn. Þau verða
einnig við afhendingu jólatrésins frá Oslóborg á Austurvelli á sunnu-
dag kl. 16. Myndin var tekin nýlega þegar Blámi og Ísafold voru í
fjársjóðsleit í Bókaverslun ísafoldar. Fyrir utan gluggann má sjá
kerlinguna Bínu.
V AKA-HELG AFELL hefur
gefið út bókina Gegnum þyrni-
gerðið eftir Iðunni Steinsdóttur
en bókin var útnefnd verð-
launabók Verðlaunasjóðs ís-
lenskra barnabóka 1991.
í kynningu útgefanda segir
m.a.: Þyrjiigerðið er nýstárlegt
ævintýri og er hvort tveggja
skemmtilegt aflestrar og spenn-
andi. Sagan gerist fyrir langa
löngu en lesandinn sér fljótt að
atburðirnir eiga sér hliðstæðu í
samtíð okkar. Á bókarkápu er
sagan kynnt þannig: „Hvað er á
seyði í dalnum góða þar sem allir
höfðu búið saman í sátt og sam-
lyndi? Einn vorbjartan dag kom
illmennið Óþyrmir til sögunnar.
Með kyngimögnuðu þyrnigerði
skipti hann dalnum í Áusturdal
og Vesturdal. Fólkið þráði að
INNLENT
Iðunn Steinsdóttir
þyrnigerðið félli og dalbúar sam-
einuðust á ný og dag einn fóru
óvæntir atburðir að gerast.”
Barna- og unglingasagan Gegn-
um þyrnigerðið er prentuð og
bundin hjá G. Ben. prentstofu hf.
Káputeikningar eru eftir Búa
Kristjánsson.