Morgunblaðið - 07.12.1991, Síða 76

76
MORGUNBLAÐIÐ LAUGARDAGUR 7. DESEMBER 1991
©1967 Unlwiil Phm Synd^alc
*
Ast er...
II-?
. . . að heyra hann segja: Ég
elska þig.
TM Reg. U.S. Pat Off.—all rights reserved
® 1991 Los Angeles Times Syndicate
Láttu nú ekki svona, Andrés.
Sýndu mér frekar þessa
spennandi uppfinningn sem
þú taladir um.
Með
morgunkaffmu
Ég hef á ■ tilfinningunni að
þeir séu að leggja á ráðin um
að gera uppreisn.!
Um Foldaskóla í Grafarvogi
Til Velvakanda.
Sú spurning leitar á mig, foreldri
eins nemanda í Foldaskóla, hvort
hann sé boðleg kennslustofnun.
Hveijar eru ástæðurnar? Þær eru
af ýmsum toga og meðal annars
þessar:
Mikil ólæti og þar af deiðandi
ónæði við nám innan veggja skól-
ans. Eftir því sem ég kemst næst
stafa þessi ólæti af agaleysi innan
skólans og virðist sem örfáir ein-
staklingar ráði þar ferðinni. Hver
ætli sé ástæðan fyrir því? Er eitt-
hvað að í sambandi við stjórnun
skólans? Er yfirstjórn skólans ekki
nógu vakandi fyrir því, hvernig
kennsla gengur fyrir sig í skóian-
um? Er yfirstjórn skólans búin að
gefast upp við að vinna bug á því
agavandamáli sem skólann htjáir?
Hefur kennurum mistekist að vinna
nemendur á sitt band og ná til nem-
enda á þann hátt að gagnkvæm
virðing milli nemenda og kennara
sé til staðar? Eg veit að allir kennar-
ar og leiðbeinendur reyna að leggja
metnað sinn í að ná góðum árangri
með sína nemendur, en það hefst
ekki nema yfirstjórn skólans leggi
sig alla fram um að koma á viðun-
andi vinnuaðstöðu fyrir bæði kenn-
ara og nemendur með því að stjórna
skólanum því til þess er jú yfir-
stjórn skólans. Er til dæmis mögu-
leiki á því að sá umframfjöldi nem-
enda í skólanum, en rúmlega 500
nemendum er þar ofaukið, sé einn
þáttur í því að hvorki yfirstjórn
skólans né aðrir sem við skólann
starfa ráði við þennan fjölda? Ég
spyr, því hver er ástæðan fyrir því
að rúmlega 500 nemendum er of-
aukið? Getur verið að yfirstjórn
skólans hafi ekki notað það vald
sem ég trúi að hver yfirstjórn skóla
hafi til að taka af skarið og innrita
aðeins þann fjölda sem skólanum
er ætlað að hýsa? Þá er kannski
spurt á móti. Hvert eiga þau bless-
uð börn að fara sem koma úr öðrum
hverfum þar sem ekki hefur verið
reistur skóli og Foldaskóli myndi
úthýsa? Svarið er einfalt og aug-
ljóst: Byrðin liggur hjá Reykjavíkur-
borg því þar hafa ekki haldist í
hendur framkvæmdir íbúðabygg-
iriga og framkvæmdir við skóla-
byggingar, en framkvæmdir við
skólamannvirki eru ekki í neinu
samræmi við íbúafjölda hverfa í
Grafarvogi. Og á meðan yfirstjórn
skólans segir ekki orð og tekur
endalaust við nemendum í skólann
langt umfram getu, þá er ekki að
furða þótt Reykjavíkurborg sé ekki
að flýta sér við byggingu skóla-
mannvirkja í hverfum Grafarvogs.
Raunin er því sú að yfirstjórn
skólans hefur ekki staðið sig í
stykkinu hvað húsnæðismálin varð-
ar. Kennsluaðstöðu er því svo kom-
ið í dag að mínu mati að vegna
agavandamálsins sem upp er komið
í skólanum er í mörgum tilfellum
ókennsluhæft. Til dæmis held ég
að kennsla sem á að fara fram inn-
an veggja skólans sé farin að flytj-
ast frá skólanum til heimilanna.
Astæðan er sú að þegar ekki er
kennsluhæft í skólanum þá er samt
reynt að halda kennsluáætlun hvað
kennslumagn varðar sem kenna á
yfir veturinn og er því aukning á
heimanámi mikil. Það sem verra er,
þegar nemandinn hefur setið allan
eftirmiðdag og jafnvel fram á kvöld
og fer svo í skólann að morgni, þá
virðist sem ekki sé tími né friður
til að fara yfir heimanám nemenda.
Þetta veldur því að nemendum
finnst þeim sýnt áhugaleysi af skól-
ans hálfu. Og hver er afleiðingin
af slíku? Ahugaleysi nemenda fyrir
náminu eykst ef ekki verður brugð-
ist við þessari vanrækslu skólans.
í framhaldi af ofansögðu um
flutning námsefnis frá skóla til
heimila má nefna, að í desember
hafa staðið yfir próf hjá 7. bekk.
Og þar sem ég þekki vel til undir-
búnings fyrir þessi próf, þá er upp-
riij'un og undirbúningur erfiðari að
því leyti að kennsla hefur ekki ver-
ið sem skyldi. Því er meiri vinna
fyrir nemendur að undirbúa sig fyr-
ir prófin. En á sama tíma er heiman-
ám látið halda sér óbreytt og er
hrein viðbót við prófundirbúning-
inn. Þetta finnst mér að verði að
taka til endurskoðunar hjá skólan-
um. Ég veit að vegna ástandsins,
þ.e. agavandamálsins í Foldaskóla,
eru foreldrar ákaflega óhressir og
vilja úrbætur. Sumir hafa gengið
svo langt, að láta börn sín í aðra
skóla. Það segir sína sögu. Einnig
veit ég að þeir nemendur sem fara
í 8. bekk á næsta ári að loknum
7. bekk við þessar aðstæður eiga
mjög erfitt skólaár framundan á
næsta ári þar sem mikil breyting
verður á námstilhögun og námskr-
öfum. Þetta atriði er alvarlegra en
margur heldur. Margir foreldrar
hugsa eflaust eins og ég að ef ekki
verður breyting til batnaðar í stjórn-
unarmálum Foldaskóla þá verði
þess sterklega krafist að stjórn
verði komið á í skólanum. Að nem-
endafjöldi verði samkvæmt lögum
og getu skólans svo að kennarar
og nemendur fái þann vinnustað
og það andrúmsloft sem bestum
árangri getur skilað í námi. Skólinn
er jú vinnustaður jafnt nemenda
sem kennara. Ég hef haft samband
við Fræðsluskrifstofu Reykjavíkur
og borið þár fram mín mál hvað
þetta varðar, og þar á bæ var það
engin nýlunda að foreldri bæri fram
kvörtun, því kvörtununum vegna
stjórunar Foldaskóla hefði rignt
yfir stofnunina. Hvað Fræðsluskrif-
stofan ætlar að gera veit ég ekki.
En mín tillaga er að gerð verði út-
tekt á skólanum á öllum sviðum og
nefni ég aðeins tvennt í því sam-
bandi hér, þ.e. kennslugetu skólans
með allan þennan fjölda nemenda
við þessar aðstæður og hvernig
stjórnun skólans er háttað.
Foreldri nemanda í Foldaskóla
Þesslr hrlngdu . ..
Myndavél
Myndavél fannst 28. nóv. Fil-
man var framkölluð og á henni
reyndust vera myndir úr sumar-
bústað. Hægt er að fá nánari
upplýsingar í síma 92-46579.
Bíllinn dældaður
Kona hringdi og vildi koma
eftirfarandi orðsendingu á fram-
færi: „Ég vil vinsamlega biðja
þann sem dældaði bílinn minn,
Daihatsu Feroza, að hafa sam-
band eða einhvern þann sem
gæti varpað ljósi á málið. Atvik-
ið átti sér stað á Bakkastæði
gegnt Kolaportinu sunnudaginn
1. des. milli klukkan 15,30 og
15,45. Upplýsingar óskast í síma
672864 eða 73526.”
Barnahúfa
Dökkbiá bómullar barnahúfa
tapaðist mánudaginn 2. des. Hún
tapaðist annað hvort fyrir framan
við Suðurver eða á bílastæðinu við
Ikea eða inn í versluninni. Framan
á húfunni er merki sem á stendur
„Oilily”. Eigandinn er þriggja ára
og saknar húfunnar sárt. Finnandi
hringi í síma 672154.
Peningaveski
Karlmannspeningaveski fannst
nálægt Eirhöfða fyrir nokkru.
Nánari upplýsingar fást í síma
16089
HOGNI HREKKVISI
i I/AÆ-.S4'’M&i'TJ-óf -sifi/N F/kut-í
Yíkveiji skrifar
Hinn 3. desember barst Morgun-
blaðinu bréf ásamt fleirum,
sem í sjálfu sér er ekki í frásögur
færandi, ef póststimpillinn hefði
ekki verið frá 10. október síðastliðn-
um. Bréfið hafði verið sent frá
Garðastræti þannig að ekki var um
að ræða að bréfíð hafi þurft að
fara milli póststöðva. Samt tók það
brefið 61 dag að komast á ákvörð-
unarstað.
Þessi þjónusta, ef þjónustu skyldi
kalla kostaði bréfsendanda 37 krón-
ur, auk ýmissa óþæginda, sem
fylgdu því, hve bréfíð var lengi á
leiðinni, í raun þessa nokkur hundr-
uð metra, sem voru milli sendanda
og viðtakenda. Þjónusta sem þessi
er vart boðleg og sýnir að einhver
pottur er brotinn í þjónustu pósts-
ins.
XXX
Skjaldborg hefur gefíð út bók
um Geirfinnsmálið, sem var
sakamál er varðaði mannshvarf og
fleira frá 19. nóvember 1974. Þetta
mál varð fyrirferðarmikið í fréttum
og hin mesta orrahríð hérlendis,
sem lauk í raun á frægum blaða-
mannafundi, sem þýzkur rannsókn-
alögreglumaður, Schultz, boðaði til
hinn 2. febrúar 1977, er hann hafði
upplýst málið. Málið gekk síðan í
gegnum öll dómstig og voru sak-
borningar að lokum dæmdir í Hæst-
arétti Islands til þungra refsinga.
Þeir, sem þekkja málavöxtu í
þessu magnaða sakamáli, hrökkva
því við, þegar þeir lesa kynningu
forlagsins á bókinni, sem fjallar um
Geirfinnsmálið. Þar segir: „Játning-
ar, lygaspuni, söguburður um sak-
laust fólk breytir ekki þeirri stað-
reynd, að þjóðin á sakborningum í
Geirfínnsmáli skuld að gjalda”. Nú
er Víkverja spurn: Við hvað á for-
lagið með þessum orðum? Væntan-
lega, sé bókin samvizkusamlega í
letur færð, geta lesendur dæmt
sjálfír að loknum lestri og sjá þá
að þessi umsögn er hin mesta firra
og í algjörri mótsögn við staðreynd-
ir.
XXX
að hljómar hjálf einkennilega í
eyrum Víkverja að heyra nýj-
ustu tillögur Hafrannsóknarstofn-
unar um að tvöfalda loðnukvótann,
því að undanfarið hafa loðnuskipin
siglt um allan sjó að leita að loðnu
án þess að finna neitt. En í vor
fundu fískifræðingar enga loðnu
meðan loðnusjómenn sögðust varla
geta siglt um sjóinn, þar sem loðnu-
torfurnar væru svo þéttar, og húð-
skömmuðu fiskifræðingana fyrir
nánasarlegar kvótatillögur. Víkveiji
botnar jafnlítið í þessu máli og rifr-
ildi íslenskra núverandi og fyrrver-
andi ráðherra og embættismanna
um karfatonnin 3.000, sem annað-
hvort voru boðin Evrópubandalag-
inu til veiða eða ekki.