Morgunblaðið - 08.04.1993, Síða 50

50
MORGUNBLAÐIÐ FIMMTUDAGUR 8. APRÍL 1993
Danskur frímerkjasali auglýsir á íslandi
Aður dæmdur fyrir vafasam
ar auglýsingar í Danmörku
Kaupmannahöfn. Frá Sigrúnu Davíðsdóttur, fréttaritara Morgunblaðsins.
FYRIR rúmri viku síðan birtist í Morgunblaðinu auglýsing frá
danskri frímerkjaverslun, NF-International i Hjörring. í auglýs-
ingunni eru tilboð um góð kaup á frímerkjapökkum frá fyrirtæk-
inu. NF stendur fyrir Nordjysk Frimærkehandel, sem hefur ver-
ið kærð fyrir danska neytendaumboðsmanninum. Eigandinn Björn
Thomsen hefur verið dæmdur fyrir verslunarréttinum danska
og var rekinn úr félagi danskra frímerkjakaupmanna fyrir fimm
árum vegna auglýsinga í líkingu við íslensku auglýsinguna.
í umræddri auglýsingu voru
frímerkjapakkar boðnir til sölu.
Gefið er í skyn að í þeim kunni
að leynast afar verðmæt og sjald-
gæf frímerki. Auk þess eru sér-
stök boð um íslensk frímerki, sem
reyndar eru í bland við merki frá
öðrum löndum. Meðal annars er
boðinn pakki með fimmtíu þúsund
frímerkjum frá íslandi og öðrum
löndum. Skráð verð er sagt 1,2
milljónir, en með afslætti eru
merkin seld fyrir tæpar þijátíu
þúsund krónur.
Auglýsingar með villandi
yfirbragði
Þegar Morgunblaðið hafði sam-
band við danska frímerkjasala og
-safnara könnuðust þeir við um-
rædda frímerkjasölu. I viðtali við
blaðið sagði Lars Boes formaður
félags danskra frímerkjakaup-
manna að umrædd frímerkjasala
gæti tæpast talist traustvekjandi,
því ef verðið stæðist, væri varla
hægt að reka frímerkjaverslun.
Um auglýsingar frímerkjasölunn-
ar mætti almennt segja að í þeim
væri gefin hugmynd um eitthvað
annað en lofað væri. Vegna slíkra
auglýsinga var eigandinn Björn
Thomsen rekinn úr samtökum
danskra frímerkjakaupmanna.
Áður auglýsti frímerkjasalan í
Danmörku á svipaðan hátt og hún
gerir nú á íslandi. Vegna þessa
var hún kærð til danska neytend-
aumboðsmannsins fyrir villandi
auglýsingar. Hjá embætti hans
fengust þær upplýsingar að aug-
lýsingar fyrirtækisins hefðu þótt
lofa all miklu meiru en kaupin
fólu í sér í raun. Á sínum tíma
bárust umboðsmanninum einnig
óskir um að auglýsingar fyrirtæk-
isins þar yrðu athugaðar.
Lars Boes sagði að undanfarin
ár hefði ekki borið á frímerkja-
auglýsingunum á dönskum mark-
aði. Hins vegar vissi hann til að
fyrirtækið hefði auglýst í Frakk-
landi og einnig hefðu borist fyrir-
spurnir frá Bandaríkjunum og
Suður-Ameríku frá fólki, sem
hafði keypt pakka frá fyrirtækinu
og taldi sig fá annað í þeim en
lofað var. Boes sagði hins vegar
að ef auglýsingarnar væru lesnar
í kjölinn þá væri engu lofað, að-
eins talað um að hugsanlega væru
verðmæt frímerki í pökkunum.
Varðandi verðið sagði Boes að
ekki kæmi fram hvaða verðskrár
væri miðað við í auglýsingunni,
svo erfitt væri að byggja á upp-
gefnu verði. Um verð á íslenskum
frímerkjum almennt sagði Lars
Boes að verðið héldist nokkuð
stoðugt, líkt og á dönskum frí-
merkjum. Hins vegar virtist verð-
þróunin ekki vera hagstæð, svo
vafasamt væri að fullyrða nokkuð
um verðskrárverð, eins og gert
væri í umræddri auglýsingu og
gæði merkjanna skiptu miklu
máli. Sjálfur miðaði hann við
meðalverð líkt og aðrir frímerkja-
kaupmenn í Félagi danskra frí-
merkjakaupmanna. Engir aðrir
danskir frímerkjasalar auglýstu
eins og umrædd frímerkjasala og
ótrúlegt væri hvað hægt væri að
nota sama auglýsingabragðið
lengi.
Málaferli og dómar
Fyrir tveimur árum keyptu
fréttamenn danska útvarpsins
pakka frá umræddu fyrirtæki, en
hann var auglýstur í auglýsinga-
hefti, sem borið var í öll hús.
Verðmæti pakkans var sagt vera
sem svaraði um fimmtíu þúsund
ÍSK, en söluverðið var fimm þús-
und ÍSK. Pakkinn var svo metinn
af sérfræðingum, sem, álitu að
verðmæti hans væri á bilinu 500-
1.000 ÍSK, því í pakkanum var
mikið af tvítökum og illa fömum
frímerkjum. Við það tækifæri
sagði Knud Mohr þáverandi for-
maður danskra frímerkjasafnara
að auglýsingin væri villandi, þetta
væri óábyrg sölumennska og að
kaupandi ætti í erfiðleikum með
að fá peningana til baka, ef hann
sæi eftir kaupunum.
Björn Thomsen fór þá í mál við
Knud Mohr og því máli er enn
ólokið. Knud Mohr vildi ekki tjá
sig um frímerkjasöluna, en Jens
Arnesen lögmaður sambans dan-
skra frímerkjasafnara sagði að frá
því að Björn Thomsen hóf við-
skipti sín 1980 hefðu mörg klögu-
mál komið upp gegn honum og
verslun hans. Árið 1987 var hann
og verslunin dæmd í verslunar-
réttinum danska fyrir að hafa
brotið í bága við markaðsfærslu-
lög. Hann var dæmdur í sem sam-
svarar fimmtíu þúsund ÍSK sekt
og verslunin sömuleiðis. Jens Ar-
nesen sagðist halda að fyrirtækið
væri ekki umsvifamikið í Dan-
mörku, en hann vissi til að þeir
seldu í gegnum póst í Svíþjóð,
Noregi og Belgíu. Hann sagðist
halda að fyrirtækið hefði formlegt
aðsetur í Belgíu, hugsanlega til
að komast hjá dönskum lögum
um heiðarlega viðskiptahætti.
Byggður verður nýr leikskóli fyrir Skúlagötusvæðið
Borgarráð frestar ákvörðun
um kaup á húsum o g lóðum
BORGARRÁÐ hefur frestað ákvörðun um kaup á fasteign-
um við Lindargötu og Veghúsastíg undir leikskóla og vísað
erindinu til umsagnar nefndar borgarinnar um húsfriðun
og til umhverfismálaráðs. Kaupverð Lindargötueignanna
er 14 milljónir og er seljandi Film hf. Kaupverð Veghúsa-
eignanna er 11 milljónir og seljandi er Veghús hf.
Varptími fugla er að hefjast
Minna um ólög-
legar fuglaveiðar
NOKKUR brögð munu að því
að vorveiði á gæs sé stunduð
en hún er ólögleg. Þá er
veiðitíma á öndum og skörf-
um lokið.
Að sögn Sverris Schevings
Thorsteinssonar, formanns Skot-
veiðifélags íslands, er nokkuð
um að menn stundi vorveiði á
gæs en hann sagði að minna
væri um ólöglega veiði á seinni
árum. Sverrir sagði það mikið
siðleysi að veiða fugla á varptím-
anum og væri slíkt hvergi liðið í
heiminum.
Hræ á víðavangi
Aðspurður sagði Sverrir að
Skotveiðifélagið vítti eindregið
þá veiðimenn sem skytu fugl og
skildu eftir á víðavangi, eins þó
um ófriðaða fugla væri að ræða.
Ef eyða þyrftí varg bæri veiði-
mönnum að urða fuglana. Sverr-
ir sagði að góður veiðimaður
veiddi aldrei meira en hann hefði
not fyrir og gengi vel um þar
sem hann veiddi.
í erindi Hjörleifs Kvarans, fram-
kvæmdastjóra lögfræði- og stjórn-
sýsludeildar, til borgarráðs kemur
fram að framkvæmdastjóri Dag-
vistar bama og byggingadeild
borgarverkfræðings telja ákjósan-
legt að kaupa fasteignimar og
breyta hluta þeirra í leikskóla fyr-
ir Skúlagötusvæðið. Þá segir að
viðræður hafi farið fram við eig-
endur og að tekist hafí samkomu-
lag um um kaup á eignunum. Um
er að ræða fasteignimar við Lind-
argötu 24 og 26, en á þeim lóðum
standa timburhús sem verður rifið
og steinhús sem stendur til að
breyta í leikskóla. Þá eru tvær
Ióðir við Veghúsastíg 3 og 5 ásamt
húseign sem nýtast mun væntan-
legum leikskóla.
Fram kemur að byggingadeild
hefur áætlað að nýr leikskóli af
þeirri stærð sem gert er ráð fyrir
á þessum stað kosti um 60 milljón-
ir, en kostnaður við breytingar og
brottflutning húsa er talinn 49
milljónir.
„Ef kaupverði fasteignanna, 25
milljónum, er bætt við kostnaðinn
við breytingar má gera ráð fyrir
að leikskólinn kosti 74 milljónir
eða 14 milljónum meira en nýr
leikskóli. Vert er þó að hafa í
huga að kostnaður við lóð hefur
ekki verið 'reiknaður með í bygg-
ingarkostnaði nýrra leikskóla.“
Morgunblaðið/Kristinn
Sigri fagnað
RÆÐULIÐ Fellaskóla hafði svo sannarlega ástæðu til að fagna þeg-
ar það stöðvaði sigurgöngu Árbæjarskóla í mælskukeppni grunn-
skóla Reykjavíkur á mánudag. Árbæjarskóli hefur farið með sigur
af hólmi í keppninni tvö undangengin ár. Að þessu sinni sigraði hins
vegar Fellaskóli með 1431 stigi gegn 1412 stigum Árbæjarskóla og
töluðu sigurvegaramir gegn því að íslendingar væru skemmtilegir.
Að ofan hampar sigurliðið verðlaununum:_ (f.v.) Inga Björk Ingadótt-
ir, Hrafnhildur Benediktsdóttir, Sandra Ásgeirsdóttir sem var kosin
ræðumaður keppninnar og Heijólfur Guðbjartsson liðsstjóri.
Valt á annað hundr-
að metra á snjósleða
Kirkjubæ.
SEIÐMÖGNUÐ ævintýraþráin dregur menn um fjöll og
heiðar um allan þann mjallhvíta fannahjúp sem umlykur
land allt hér á Vestfjarðarkjálkanum. En sl. föstudag fóru
hinir vöskustu ævintýrakappar á sex snjósleðum með hinum
margumdeilda ferjubáti Fagranesi inn í bæ á Snæfellsnes-
strönd héðan frá Isafirði í leiðangur um allar norðurstrand-
ir og alla leið norður að hinu fræga óðali Hornbjargsvita
Kapparnir fóru frá Bæjum kl.
15.30 um daginn og voru komnir
úr allri reisunni kl. 20.30 um kvöld-
ið. Á sunnudaginn var svo lagt í
aðra ferð, Norðurdalsheiði í Jökul-
fjörðum út í Grunnavík og til baka
upp á Bjarnarnúp inn allt Snæfell
upp á hæstu fannatinda þeirra
fjalla.
En sem syrti mjög að með blinda-
þoku vildi það óhapp til að einn
vélsleðinn hvarf allt í einu ofan
fyrir brúnaröndina í botni Ytra-
skarðs á Snæfjallaströnd og valt
þar niður á annað hundrað metra.
Þá ekki sást betur til vegar en svo
að um algjöra blindu var að ræða.
Datt snjóhengja þar undan snjósleð-
anum svo að maður og sleði skopp-
uðu þar niður snarbratta snjóbreið-
una sem þó að einstaka heppni
mátti telja að ekki varð slys af.
Bæði maður og sleði náðust
óskemmd upp á fjallabrúnina aftur.
Tannlæknir Isfirðinga, Viðar Kon-
ráðsson, var sá sem í þessu lenti
og var komin til vinnu sinnar eld-
snemma á mánudagsmorgun með
allar sínar tennur og limi heilar.
- Jens í Kaldalóni.
Húsavík
*
Askorun um endur-
bætur á flugvellinum
Húsavík.
BÆJARSTJÓRN Húsavíkur sam-
þykkti samhljóða á fundi sínum
fimmtudaginn 1. apríl sl. eftir-
greinda ályktun flutt af bæjar-
stjóra, Einari Njálssyni:
„Vísað er til greinargerðar Flug-
málastjómar 8. mars 1993 vegna
fundar fulltrúa Flugmálastjómar
og bæjarráðs Húsavíkur 17. febrúar
1993. Á fundinum var farið yfir
ástand flugvallarins eins og það er
í dag og möguleika ti! lagfæringar
á því og framtíðaruppbyggingu
vallarins. Húsavíkurflugvöllur er í
flokki 1 af áætlunarflugvöllum, en
í þeim flokki eru flugvellir með
2.000 metra flugbraut eða lengri.
Á fundinum kom fram að kostnaður
við 2.000 m braut sem fyrirhugað
var að byggja á Húsavíkurflugvelli
er um 400 millj. en kostnaður við
að byggja 1500-1700 m braut með
klæðningu er þjóni innanlandsflugi
er um 100 millj. Einnig kom fram
að fjármagn Flugmálastjórnar til
uppbyggingar 26 flugvalla í landinu
er um 400 millj. króna árlega.
Húsavíkurflugvöllur hefur verið
ónothæfur við sérstakar aðstæður
nokkur undanfarin ár eða síðan
Flugmálastjórn tók þá ákvörðun að
setja leirofaníburð á flugbrautina
úr námu á Tjörnesi. Þetta ástand
er óviðunandi og öryggisleysið sem
óbreyttar aðstæður skapa leiðir til
þess að umferð sem verið hefur um
flugvöllinn leitar annað.
I ljósi þess sem að framan segir
skorar Bæjarstjórn Húsavíkur á
Flugmálastjórn að nú þegar verði
hafinn undirbúningur að því að
byg'g)a UPP 1500-1700 m braut er
þjóni innanlandsfluginu með örygg-
issvæðum og bundnu slitlagi, þ.e.
„klæðningu". Þessu verki verði lok-
ið á árinu 1995.
Jafnframt skorar bæjarstjórnin á
Flugmálastjórn að beita sér fyrir
því að engum leiðum verði lokað
til frekari uppbyggingar flugvallar-
ins ef síðar skapast verkefni og
rekstrargrundvöllur fyrir þotuflug-
völl sem sé a.m.k. 2.000 m á lengd.
I því sambandi vill bæjarstjórnin
minna á að Húsavíkurflugvöllur er
almennt talinn vel staðsettur hvað
snertir aðflugsskilyrði.“
Undir þessa ályktun taka allir
Þingeyingar og vonast eftir að við-
komandi yfirvöld bæti fyrir það
ófremdarástand sem nú er og skap-
aðist af manna völdum eftir 30 ára
flug á völlinn án þess að hann
væri ófær nema vegna snjóa.
- Fréttaritari.