Morgunblaðið - 18.03.1997, Qupperneq 10

10 ÞRIÐJUDAGUR 18. MARZ 1997
MORGUNBLAÐIÐ
FRETTIR
Morgunblaðið/Ásdís
í FYRSTA sæti í eðlisfræðikeppninni var Krisfján Rúnar
Kristjánsson úr MR og Kári Ragnarsson úr MH var í fyrsta
sæti í stærðfræðikeppninni.
Stærðfræðikeppni og eðlisfræði-
keppni framhaldsskólanema
Kári og Kristján
Rúnar unnu
Tveimur bjargað er bátur sökk á Vestfjarðamiðum
Skyndileg slag-
síða kom á bátinn
Flateyri. Morgunblaðið.
Morgunblaðið/Halldór Sveinbjörnsson
GUÐMUNDUR Karvel Pálsson segist staðráðinn í að halda
áfram til sjós þrátt fyrir óhappið á laugardag.
ÚRSLIT voru kynnt í stærðfræði-
og eðlisfræðikeppni framhaldsskóla-
nema á háskóladegi sl. sunnudag
og afhenti Björn Bjarnason mennta-
málaráðherra verðlaunin.
Keppnirnar eru opnar öllum nem-
endum framhaldsskólanna. 827
nemendur úr 21 skóla mættu til
leiks í forkeppni stærðfræðikeppn-
innar og af þeim kepptu 26 til úr-
slita sl. laugardag. í forkeppni eðlis-
fræðinnar tóku þátt 178 ungmenni
og_12 komust í úrslit.
I fimmtán efstu sætunum í stærð-
fræðikeppninni voru:
1. Kári Ragnarsson, MH, 2. Hann-
es Helgason, Flensborg, 3. Stefán
Freyr Guðmundsson, Flensborg, 4.
Marteinn Þór Harðarson, Flensborg,
5.-6. Pétur Runólfsson, Fjölbrauta-
skóla Suðurlands, 5.-6. Sveinn B.
Sigurðsson, MR, 7. Gunnar Gunnars-
son, MR, 8. Þórdís Linda Þórarins-
dóttir, MH, 9. ívar Meyvantsson,
MR, 10. Stefán Ingi Valdimarsson,
MR, 11.-12. Borghildur Rósa Rún-
arsdóttir, MR, 11.-12. Finnbogi
Óskarsson, Flensborg, 13. Brynjar
Grétarsson, Flensborg, 14.-15.
Bjöm Bennewitz, MR og 14.-15.
Þorvaldur Amar Þorvaldsson, MR.
Tíu efstu keppendunum verður
boðið að taka þátt í tíundu norrænu
stærðfræðikeppninni sem fram fer
9. apríl nk. Að henni lokinni verður
landslið íslands valið sem keppir á
Ólympíuleikunum í stærðfræði í Mar
del Plata, Argentínu, næsta sumar.
í efstu sjö sætunum í eðlisfræði-
keppninni vora:
1. Kristján Rúnar Kristjánsson,
MR, 2. Jónas Kári Blandon, MR,
3. Jón Eyvindur Bjarnason, MR, 4.
Jón Thoroddsen, MR, 5. Sveinn B.
Sigurðsson, MR, 6. Guðlaugur Jó-
hannesson, Fjölbrautaskóla Suður-
lands, og 7. Birgir Bjöm Sævars-
son, Flensborg.
Fimm íslendingar fara á
Ólympíuleikana í eðlisfræði í
Kanada í júlí í sumar. Þar sem tveir
þeir efstu verða orðnir tvítugir þeg-
ar leikarnir verða haldnir og þar
með orðnir of gamlir til að taka
þátt, hefur þeim í 6. og 7. sætinu
verið boðið að fara út í þeirra stað.
Ólympíuleikarnir í eðlisfræði
sumarið 1998 verða haldnir hér á
landi. Von er á um 300 keppendum
frá 60 löndum og er undirbúningur
þeirra þegar hafinn.
MANNBJORG varð þegar Blossi
GK 60, sex tonna plastbátur, sökk
skyndilega á laugardaginn er hann
var á landstími úr línuróðri 10 sjó-
mílur vestnorðvestur af Gelti úti
fyrir Súgandafirði. Tveir skipveijar
voru á Blossa og tókst þeim að
komast um borð í gúmmíbjörg-
unarbát. Var þeim síðan bjargað
um borð í Jónínu frá Flateyri sem
kom á slysstaðinn skömmu síðar,
eftir að hafa heyrt neyðarkall frá
Blossa. Jónína kom síðan með skip-
brotsmennina til Suðureyrar, en
Blossi, sem hafði marað í kafi ein-
hvern tíma, sökk fljótlega.
Slagsíða og skuturinn í kaf
Eigandi Blossa GK 60, sem var
plastbátur af gerðinni Viking 800,
var Guðmundur Karvel Pálsson frá
Suðureyri og var hann jafnframt
skipstjóri í þessari afdrifaríku sjó-
ferð sem hann fór ásamt Örvari
Jóhannssyni, einnig frá Suðureyri,
en báðir eru reyndir sjómenn.
Guðmundur Kjarvel hefur
stundað línuútgerð á smábátum frá
Reykjanesi og Suðureyri í tíu ár
áfallalaust. Hann sagði að þessi
sjóferð hefði í engu verið frábrugð-
in öðrum framan af. „Við lögðum
línuna í ágætisveðri og vorum bún-
ir að draga um fjögurleytið. Aflinn
var góður, á að giska fimm tonn,
mest af því steinbítur. Þegar búið
var að ganga frá á dekki var stefn-
an tekin í land í norðaustankalda.
Þegar siglt hafði verið í stuttan
tíma kom skyndilega slagsíða á
bátinn og hann fór að sökkva að
aftan og taka þar inn á sig sjó.
Vélin, sem er aftast í bátnum, drap
fljótlega á sér og hann fór að síga
hratt niður á skutinn.“
„Þegar hér var komið sögu gerð-
ust hlutirnir hratt. Ég sendi strax
út neyðarkall á rás 16 og við sjó-
settum björgunarbátinn. Aður en
við yfirgáfum bátinn hafði Jónína
frá Flateyri, sem er 100 tonna línu-
veiðiskip, staðfest í talstöðina að
hún hefði heyrt neyðarkallið og
væri á leið til okkar. Við yfirgáfum
síðan Blossa, en þá var skuturinn
allur kominn á kaf en framendinn
stóð ennþá upp úr. Við biðum síðan
á reki í gúmmíbátnum í 30 minút-
ur þar til Jónínan kom og bjargaði
okkur. Það var mikill léttir og gerði
vistina í björgunarbátnum bæri-
lega að vita af aðstoð á leiðinni.
Við dóluðum síðan á svæðinu við
Blossa sem maraði í kafi innan um
fiskikör og annað brak. Fleiri bátar
komu síðan fljótlega á vettvang
og var þá farið með okkur til
Suðureyrar. Einhver tilraun var
gerð til þess að taka Blossa í tog
þar sem hann maraði í kafi en
hann sökk skömmu síðar.“
Orsök slyssins óljós
Það er nokkuð ljóst, segir Guð-
mundur, að erfítt verði að upplýsa
hvað olli slysinu þar sem ekki tókst
að bjarga bátnum. „Mér fínnst þó
líklegast á þessari stundu að þilið
milli lestar og vélarrúms hafí gefíð
sig. Við vorum með nokkuð af laus-
um steinbít aftast í lestinni og lagð-
ist hann með nokkrum þunga á
lestarþilið þegar farið var að keyra
í land. Miðað við hversu atburðarás-
inn varð hröð þykir mér einna lík-
legast að þilið hafí hreinlega gefið
sig og steinbíturinn þar með flætt
óhindrað aftur I vélarrýmið".
Ekki hættur til sjós
Guðmundur segist síður en svo
vera hættur til sjós eftir þetta slys.
„Nú er bara spurningin um að
fínna sér annan bát til þess að
geta haldið áfram þar sem frá var
horfið. Maður nær ekki úr sér hroll-
inum fyrr en maður kemst aftur á
sjóinn og því fyrr því betra,“ sagði
Guðmundur og vildi að lokum færa
áhöfninni á Jónínu og öðrum þeim
er að björguninni stóðu bestu
þakkir fyrir þeirra framlag við
björgunina.
Morgunblaðið/Ásdís
ÝMISLEGT var gert til að stytta gestum Háskóla íslands stundir á háskóladaginn. M.a. söng Há-
skólakórinn í húsakynnum Tæknigarðs.
Háskóladagur sl.
sunnudag
Vel sóttar
rannsókna-
kynningar
FJÖLDI fólks lagði Ieið sína í
Háskóla íslands á háskóladegi
sl. sunnudag. Þar voru m.a.
kynntar rannsóknir í raunvís-
inda- og verkfræðideildum, auk
þess sem Endurmenntunar-
stofnun og Rannsóknaþjónusta
Háskólans kynntu starfsemi
sína.
Tónlist og verðlaun
Dagskráin hófst í Háskóla-
bíói með ávarpi Sveinbjörns
Björnssonar háskólarektors.
Þá lék Sinfóníuhljómsveit
áhugamanna píanókonsert,
forseti íslands, Ólafur Ragnar
Grímsson, flutti ávarp, Björn
Bjarnason menntamálaráð-
herra afhenti verðlaun í stærð-
fræðikeppni og eðlisfræði-
keppni framhaldsskólanema og
Háskólakórinn söng.
Þá var fjöldi rannsóknakynn-
inga og fyrirlestra á vegum
raunvísindadeildar, Raunvís-
indastofnunar, Líffræðistofn-
unar, verkfræðideildar og
Verkfræðistofnunar. Aðsókn
að fyrirlestrunum og kynning-
unum var yfirleitt mjög góð og
aðstandendur ánægðir, að
sögn Magnúsar Guðmundsson-
ar, deildarstjóra upplýsinga-
deildar HÍ. í aðalbyggingu fór
fram kynning á námi í Háskóla
íslands, þar sem nemendaráð-
gjafar svöruðu spurningum
áhugasamra gesta, _sem komu
víða að af landinu. Asta K.
Ragnarsdóttir námsráðgjafi
giskaði á að gestirnir hefðu
verið á bilinu 2.000 til 3.000
manns. Flestir voru þeir nem-
endur á síðasta ári í framhalds
skóla, sem spurðu mjög mark-
visst, að sögn Ástu.
Reyndist
ekki vera
nauðgun
TILKYNNT var um hugsanlega
nauðgun á veitingastað við Lækjar-
götu aðfaranótt sunnudags. Dyra-
vörður kom að pari í samförum og
virtist stúlkan meðvitundarlaus.
Við nánari athugun virtist ekki
um nauðgun að ræða, og bendir allt
til þess samkvæmt upplýsingum frá
lögreglu að parið hafí verið gripið
skyndilegri þörf til ástarleikja og
valið svið skemmtistaðarins til að
svala löngunum sínum.
Eftir nokkra stund hafi stúlkan
hins vegar hnigið í ómegin, sennilega
vegna ölvunar, en ástmaður hennar
annað hvort ekki veitt því athygli
eða fundist ástæðulaust að hætta.
Nærstaddir sjónarvottar hafí hins
vegar verið á öðru máli og skorist í
leikinn. Málið var leyst á staðnum.
Fékk hæl í gegmim fótinn
Kona var flutt á slysadeild eftir
að hafa fengið háan hæl á skó ann-
arrar konu í gegnum vinstri fótinn
á einum veitingastaðanna.
Ölvaður maður veittist að dyra-
vörðum veitingastaðar við Frakka-
stíg á föstudagskvöld. Hann var
handtekinn og vistaður í fanga-
geymslu. Loks var stúlku ekið á
slysadeild eftir að veist var að henni
á veitingahúsi við Fischersund.