Morgunblaðið - 23.04.1998, Page 6

6 FIMMTUDAGUR 23. APRÍL 1998
MORGUNBLAÐIÐ
FRÉTTIR
Snjóléttur vetur
á Fjöllum
Öllu stolið
úr neyð-
arskýli
Grímsstöðum á Fjöllum. Morgunblaðið.
NÝLIÐINN vetur hefur verið
með eindæmum snjóléttur en
nokkuð harðir frostkaflar
komið og hafa samgöngur
verið greiðar hér yfir öræfin í
vetur. Mikil aukning hefur
orðið á umferð yfir Mývatns-
og Möðrudalsöræfi á síðustu
misserum.
Vegagerðin setti upp neyðar-
skýli á Mývatnsöræfum til ör-
yggis vegfarendum en óvand-
aðir ferðalangai- hafa ekki get-
að á sér setið og stolið öllu úr
því sem hægt var að stela. Var
skýlið íjailægt í bili nú fyrir
nokkrum dögum þar sem það
fær ekki að þjóna sínum tii-
gangi. Þetta er mjög alvarlegt
mál þar sem leið milli byggða er
löng, sem kunnugt er.
Fólk með ungt barn festi
bíl sinn á lokuðuni vegi
Um páskahelgina lagði fólk
niður á Hólasand og ætlaði
niður að Dettifossi þrátt fyrir
að vegurinn sé lokaður við
Grímsstaði. í tvígang kom fólk
gangandi í Grímsstaði til að
biðja um hjálp þar sem það
hafði fest bíl sinn í snjó. Um
hádegi á páskadag komu hjón
gangandi með 4 ára gamalt
barn. Hafði fólkið fest bílinn
daginn áður og hafst við alla
nóttina í bílnum. Umhugsun-
arvert er þegar fólk virðir
ekki lokunarmerki á vegum
sem þessum. Veður var bjart
en kalt og var frostið 12° þessa
nótt.
Ovíst er um afdrif þessa
fólks ef veður hefði eitthvað
spillst þar sem vegurinn er
niðurgrafinn, engar stikur né
nein kennileiti við að styðjast
og enginn vissi af ferðum
þessa fólks.
MARIA Dögg Hjörleifsdóttir, Þórey Gylfadóttir, Dagný Indriðadóttir og Anna María Geirsdóttir f æfingaferðini yfir Vatnajökul.
Grænlandsganga
hefst á laugardag
ÞÆR María Dögg Hjörleifsdóttir,
Þórey Gylfadóttir, Dagný Indriða-
dóttir og Anna María Geirsdóttir,
eru nýkomnar úr níu daga undir-
búningsferð yfir Vatnajökul en
þær stöllur halda til Grænlands á
laugardag, þar sem þær ætla að
glíma við Grænlandsjökul. Farar-
stjóri var Einar Torfi Finnsson.
„Ferðin yfir Vatnajökul gekk
mjög vel og við erum enn ákveðn-
ari en áður að takast á við Græn-
landsjökul," sagði María Dögg.
Lagt var upp frá Breiðamerkur-
jökli og gengið um Esjufjöll og
Grímsfjall og komið niður
Tungnárjökul en ferðinni lauk í
Sigöldu. Veðrið var mjög gott allan
tímann en frost fór mest niður í 25°
yfir nóttina.
Hver dagleið var að meðaltali 30
km en einn daginn náðu þær 55
km. „Við erum í góðu formi og
reynslunni ríkari hvað búnað og
mat varðar og verða gerðar nokkr-
ar minniháttar breytingar áður en
við höldum til Grænlands,“ sagði
María Dögg.
......
Peysuföt
búningar
VORIÐ er tími prófa og áður en
þau skella á nemendum af full-
um þunga fá þeir tækifæri til að
gleðjast lítillega. Útskriftar-
nemendur Menntaskólans í
Reykjavík og 3. bekkur Kvenna-
skólans í Reykjavík gerðu sér
ósvikinn dagamun í gær, MR-
Morgunblaðið/Árni Sæberg
og grímu-
á vordegi
ingar í margvíslegum gervum
og skrautlegum grímubúning-
um á dimmissjón þar sem þeir
heiðruðu meðal annars kennara
sína, en nemendur Kvennaskól-
ans klæddu sig upp í peysuföt
og skyldar flikur og stigu dans
á Ingólfstorgi.
Iðnó verður opnað með
Unglingnum í skóginum
IÐNAÐARMENN vinna baki brotnu að endurbótum á Iðnó.
Veggjatítlur
að eyðileggja
íbúðarhús
NÚ ER verið að leggja lokahönd á
gagngerar endurbætur á Iðnó sem
opnað verður þann 13. maí. Þá hefst
menningarstarf á ný í hinu sögu-
fræga húsi.
Um þessar mundir vinna um 30
iðnaðarmenn baki brotnu við að
ljúka breytingum á húsinu. Það hef-
ur verið endurgert í sinni uppruna-
legu mynd, en Iðnó er nýorðið 100
ára gamalt. Mikið hefur verið vand-
að til endurbyggingarinnar og mik-
ill íburður einkennir allt húsið að
innan.
Leikfélag íslands hefur nú til-
kynnt hver opnunarsýning hússins
verður. Það er vegleg sýning helguð
Halldóri Laxness og nefnist „Úng-
língurinn í skóginum“. Sýningin
byggist á verkum skáldsins, með
aðaláherslu á ljóð hans. Stór hópm-
leikhúsmanna af öllum kynslóðum
tekur þátt í sýningunni. Meðal leik-
ara verða Arnar Jónsson, Guðrún
Gísladóttir, Halldóra Geirharðs-
dóttir, Herdís Þorvaldsdóttir, Ingv-
ar E. Sigurðsson og Róbert Arn-
finnsson. Leikstjóri er Viðar Egg-
ertsson en Pétur Grétarsson semur
tónlist og stýrir hljómsveit.
Klúbbur Listahátíðar
opnaður í Iðnó 16. mai
Sýningin er sérstaklega sett sam-
an í tilefni opnunar Iðnó, en einung-
is eru fyrirhugaðar 3 sýningar á
verkinu þar sem klúbbur Listahá-
tíðar verður opnaður í Iðnó 16. maí.
í Iðnó verður starfrækt íjölbreytt
menningarstarfsemi. Meðal þess
sem á boðstólum verður era mynd-
listarsýningar. I tengslum við opn-
un hússins og framflutning „Úng-
língsins í skóginum“ verður opnuð
sýning á verkum ýmissa listamanna
sem gert hafa málverk og skúlptúra
við Ijóð Laxness.
Auk menningarstarfsemi í Iðnó
verður opnað kaffihús á fyrstu hæð
hússins og veitingastaður á annarri
hæð. Mun Rúnar Marvinsson mat-
argerðarmaður hafa veg og vanda
af þeirri starfsemi.
LÖGMAÐUR í Hafnarfirði hefur
verið fenginn til að leita eftir aðstoð
bæjaryfirvalda fyrir hönd eigenda
gamals húss í bænum þar sem
veggjatítlur hafa hreiðrað um sig.
Hefur dómkvaddur matsmaður sagt
skemmdir í húsinu mjög umfangs-
miklar og meindýraeyðir segir
erfitt að eyða kvikindunum.
Jón Auðunn Jónsson lögmaður
segir að eigendur hússins hafi keypt
það fyrir hálfu Öðru ári. Fyrsta
sumarið hafi þeir orðið varir við
veggjatítlur en lirfur þeirra bora sig
inn í við og hreiðra um sig þar.
„Bjallan er á lirfustigi í tvö ár en er
fieyg á sumrin í tvo mánuði og þá
urðu eigendurnir varir við hana,“
sagði Jón Auðunn. „Niðurstaða
dómkvaddra matsmanna var sú að
tjónið væri mjög umfangsmikið og
að fjarlægja þurfi viðina sem
veggjatítlan hefur borað sig inn í.
Hún holar innan viðinn, étur hann í
rauninni sundur þannig að hann
verður eins og frauð. Burðarbitar
missa burð og hús eyðileggjast á
endanum." Sagði hann ljóst að fjar-
lægja þyrfti þak og milligólf og tals-
vert af veggjunum og því yrði að
eyða til að koma í veg fyrir hugsan-
lega útbreiðslu.
Viðbragða bæjaryfirvalda beðið
Húsið er um 70 ára timburhús og
era þakbitar skemmdir og gólf milli
riss og aðalhæðar. „Bjallan velur
staði þar sem helst er að finna raka
og þess vegna er hún fyrst í þakvið-
um en hefur nú einnig færst niður í
veggina," sagði lögmaðurinn. Hann
kvaðst hafa óskað eftir því við bæj-
arstjóra að hariri kánnaði hvort og
þá hvemig bæjaryfii-völd gætu að-
stoðað í málinu. Hann kvaðst ekki
hafa fengið viðbrögð bæjaryfirvalda
ennþá.
Lítið þekkt hérlendis
Erling Ólafsson dýrafræðingur
sagði bjöllu þessa lítið þekkta hér-
lendis en ummerki eftir veggjatítlur
hefðu þó sést í gömlum húsum.
Hann sagði bjölluna ekki fara út úr
viðnum, hún færi ekki út úr sinni
spýtu. Fullorðna dýrið sagði hann
fleygt og þannig gæti bjallan flogið
úr einu húsi í annað og verpt þar,
kæmist hún út og fyndi viðunandi
skilyrði.