Morgunblaðið - 17.12.1998, Blaðsíða 16

16 FIMMTUDAGUR 17. DESEMBER 1998
MORGUNBLAÐIÐ
LANDIÐ
Breytingar fyrirhugaðar hjá Búlandstindi á Djúpavogi
Aukín áhersla
á saltfískvinnslu
Djúpavogi - Útgerðarfélagið Vísir
hf. í Grindavík keypti nýlega 51%
hlutafjár í Búlandstindi á Djúpa-
vogi. Binda heimamenn á Djúpavogi
miklar vonh' við samstarf fyrirtækj-
anna en rekstur Búlandstinds hefur
gengið erfiðlega undanfarið og hefur
verið um litla atvinnu að ræða í
landi. Huggjast nýir eigendur
breyta því með öflugri saltfísk-
vinpslu.
Ákveðnar hafa verið breytingar á
fískiskipaflotanum. Til stendur að
selja togarann Sunnutind og eru sjó-
menn uggandi um sinn hag vegna
fyrirhugaðrar sölu. Að sögn Péturs
H. Pálssonar, stjórnarformanns
Búlandstinds, er sá kvíði ástæðulaus.
Tvö aðskilin fyrirtæki
„Þær breytingar sem fram undan
eru geta tekið tíma. Við hyggjumst
gera út frá Djúpavogi tvö línuskip í
stað skipanna tveggja sem nú eru
þar, þ.e. Sunnutinds og Mánatinds.
Er þar um 28 sjómannapláss að
ræða fyrir utan afleysingamenn. Við
höfum góðan mannafla á Djúpavogi
og er það mjög jákvætt hve margir
heimamenn eru í áhöfn þar.“
Pétur segir að tvö aðskilin fyrir-
tæki verði rekin varðandi útgerð og
vinnslu en þau myndu laga sig
hvort að öðru. Verður sérstaklega
horft til þess að sú samvinna komi
báðum til góðs. Kvótastaða Bú-
landstinds hf. er 3.000 þorsk-
ígildistonn en Vísis er 5.500 þorsk-
ígildistonn.
„Við vonumst th að eiga góða sam-
vinnu við heimamenn í framtiðinni
og hlökkum til að takast á við ný
verkefni fyrh' austan,“ sagði Pétur
H. Pálsson, nýr stjórnarformaður
Búlandstinds hf.
Morgunblaðið/Guðrún Vala Elísdóttir
FÓLK gekk í kringum jólatréð, jafnt ungir sem aldnir.
Kveikt á jólatrénu á Vegamótum
Eyja- og Miklaholtshreppi -
Kveikt var á jólatrénu við þjón-
ustumiðstöðina Vegamót á
Snæfellsnesi nýlega. Það var
Ólöf Eyjólfsdóttir, dóttir eig-
endanna, sem kveikti jólaljósin,
en Kristín Erna Leifsdóttir,
starfsmaður, hélt tölu og stóð
fyrir fjöldasöng og dansi í
kringum jólatréð.
Ibúar í Eyja- og Miklaholts-
hreppi, ásamt íbúum úr Kol-
beinsstaðahreppi og Staðar-
sveit, íjölmenntu og létu ekki
úrhellisrigningu aftra sér frá
söng og dansi. Gestum var síð-
an boðið upp á kaffi og smákök-
ur.
Það eru hjónin Hrefna Birk-
isdóttir og Eyjólfur Gísli Garð-
arsson sem eiga og reka þjón-
ustumiðstöðina ásamt Guð-
mundi Birkissyni. Þau tóku við
rekstrinum síðastliðið vor, en
þar er verslun, veitingasala,
bensínsala og bifvélaverkstæði.
KRISTÍN Erna Leifsdóttir, Guðmundur Birkisson og
Hrefna Birkisdóttir við afgreiðslu.
Morgunblaðið/Silli
ÁSGEIR Ólafsson, Rannveig Ólafsdóttir og Jón Ingi Valdimarsson
við jólahlaðborð í Hlöðufelli.
Nýr rekstraraðili
í Hlöðufelli
Húsavík - hjónin Rannveig Ólafs-
dóttir og Jón Ingi Valdimarsson
hafa tekið við rekstri veitinga-
staðarins Hlöðufells á Húsavík og
munu reka þar almenna veitinga-
þjónustu. Jón Ingi er lærður
þjónn og honum til aðstoðar í
eldhúsi verður Ásgeir Ólafsson,
matreiðslumeistari.
Hlöðufell á sér langa sögu. Hús-
ið var upphaflega byggt 1907 og
var þá vörugeymsluhús Verslunar
A&P Krisljánssonar. Þá var húsið
ein hæð, ris og kjallari. Síðan var
byggð vestan við húsið stór og
mikil hlaða sem var svo síðar
meir sameinuð vörugeymsluhús-
inu og úr var gerð verslun. f hús-
inu hefúr um dagana verið Ijöl-
breytt starfsemi, hlaða í vestur-
enda, en í austurenda kjötverkun-
arhús, vörugeymsla og verslun á
efri hæð en í kjallara var eitt sinn
fjárhús og hænsnabú.
Á árinu 1962 var svo öllu hús-
inu breytt í samkomuhús sem
fékk nafnið Hlöðufell og flest ár-
in síðan hefur það verið rekið
sem veitinga- og samkomuhús.
Núverandi eigendur ætla að reka
húsið með svipuðum hætti og
verið hefur þó nýjum eigendur
fylgi ávallt einhverjar breytingar
og nú er þar að finna fjölbreytt
jólahlaðborð.
Það má telja allsérstakt að ung
hjón í góðum stöðum í Reykjavík,
Rannveig verslunarstjóri í Tísku-
fataversluninni Sautján, og Jón
Ingi, sem einn af hljómsveitar-
meðlimum Greifanna, taki sig
upp og flytji norður yfir lieiðar.
Húsvíkingar bjóða nýja bæjarbúa
velkomna.
Morgunblaðið/Ólafur Jens Sigurðsson
Aðventuhátíð
á Ingjaldshóli
Iiellissandi - Fáar athafnir eru bet-
ur sóttar í kirkjum landsins en að-
ventuhátíð og aftansöngur á að-
fangadag. Söfnuður Ingjaldshóls-
kirkju hefur árum saman staðið fyr-
ir aðventuhátíð og hefur kirkjukór-
inn oftast haft frumkvæði að því.
Að þessu sinni fór aðventuhátíðin
fram í safnaðarheimili kirkjunnar
og var vel sótt að venju. Fermingar-
börn fluttu efni sem tengdist jólum
og aðventu. Leikskólabörn sungu
nokkur lög en hápunktur hátíðar-
innar var flutningur kirkjukórsins,
nokkurra einsöngvara sem aldrei
höfðu spreytt sig áður á slíku og
fermingarbarna og nemenda tón-
listarskólans á jólaleiknum Hljóðu
jólaklukkurnar, undir stjórn org-
anistans Kay Wiggs Lúðvíksson.
Var þeim öllum klappað lof í lófa að
leik loknum.
Handverk og
tónlist í Hvoli
Hvolsvelli - Kvennakórinn Ljós-
brá, kirkjukór Hveragerðiskirkju
og handverksfólk í Rangárvalla-
sýslu stóðu fyrir tónleikum og
handverkssýningu í Félagsheimil-
inu Hvoli á Hvolsvelli.
Kórarnir buðu upp á sannkall-
aða jólastemningu, sungu jóla-
sálma og jólalög og buðu jóla-
smákökur og kakó. Einnig kom
fram ungur og efnilegur söngnem-
andi, Magnea Gunnarsdóttir, og
söng nokkur lög. Jörg Sonderman
er stjórnandi kóranna en undir-
leikari var Gyða Halldórsdóttir.
Handverksfólk í Rangárþingi
sýndi ýmsan jólavarning, muni
gerða úr tré, leir, gleri og skart-
gripi unna úr íslensku grjóti.
Margir gátu því slegið tvær
flugur í einu höggi. Fengið sér frí
frá jólabakstrinum, hlýtt á söng
og um leið fest kaup á handunnum
jólagjöfum úr héraðinu.
Morgunblaðið/Steinunn Ósk Kolbeinsdóttir
GESTIR á tónleikunum: fremst á myndinni er Karl Halldórsson, svo Guðfinna Helgadóttir, Margrét Isleifs-
dóttir, Guðmundur Gunnarsson, Guðrún Sigurjónsdóttir og Sæmundur Holgersson.