Morgunblaðið - 15.05.1999, Side 1

STOFNAÐ 1913
107. TBL. 87. ÁRG.
LAUGARDAGUR 15. MAÍ 1999 PRENTSMIÐJA MORGUNBLAÐSINS
Serbnesk yfírvöld saka NATO um mannskæða árás á þorp í Kosovo
Hundrað Kosovo-búar
sagðir hafa beðið bana
Bclgrad, Brussel, Washington. Reuters.
ATLANTSHAFSBANDALAGIÐ rannsakaði í gær ásakanir Serba um að
flugvélar þess hefðu gert mannskæða árás á þorpið Korisa í suðvesturhluta
Kosovo í fyrrinótt. Að minnsta kosti hundrað manns er sagt hafa fallið í
árásinni og 50 særst. James Rubin, talsmaður bandaríska utanríkisráðu-
neytisins, útilokaði ekki að mannfallið hefði orðið vegna loftárása NATO en
sagði að einnig væri hugsanlegt að serbneskar hersveitir hefðu gert
sprengjuárásir á þorpið.
áp
FRÉTTAMENN skoða dráttarvélar sem eyðilögðust í árás á þorpið
Korisa í Kosovo sem er sögð hafa orðið hundrað manns að bana.
Serbar sökuðu NATO um árásina, en embættismenn bandalagsins
sögðust ekki geta staðfest að flugvélar þess hefðu ráðist á þorpið.
Segjast vissir
um að sigra
Borís Jeltsín
Júgóslavneska fréttastofan Tan-
jug hafði eftir serbneskum al-
mannavamayfírvöldum í Pristina,
höfuðstað Kosovo, að 100 manns
hefðu beðið bana og 50 særst í
árásinni en búist væri við að tala
látinna myndi hækka. Fréttamenn
fengu að skoða eyðilegginguna í
Korisa og sögðust hafa séð líkams-
hluta á víð og dreif í þorpinu og
nokkur illa brunnin lík.
Einn íbúa þorpsins sagði frétta-
mönnunum að hátt í 700 flóttamenn
hefðu verið í þorpinu þegar árásin
var gerð. Þeir hefðu verið í felum í
skógum í grenndinni í tíu daga en
ákveðið að snúa heim og gista í þorp-
inu um nóttina.
„Þeir vörpuðu þrisvar sinnum á
okkur sprengjum úr flugvélum sín-
um. Þetta var hryllilegt," sagði
þorpsbúinn og kvaðst sannfærður
um að 150 manns hefðu fallið í
árásinni.
„Serbar gerðu harðar sprengju-
árásir á svæðinu“
Talsmaður NATO, Jamie Shea,
sagði að flugvélar NATO hefðu farið
í 679 árásarferðir yfír Júgóslavíu í
fyrrinótt og fleiri en nokkru sinni
fyrr síðan lofthemaðurinn hófst 24.
mars. Hann kvaðst ekki geta stað-
fest að flugvélar bandalagsins hefðu
gert árás á Korisa.
James Rubin réð fjölmiðlunum frá
því að trúa strax ásökunum Serba
um að flugvélar NATO hefðu valdið
mannfallinu. „Við vitum að Serbar
gerðu harðar sprengjuárásir á svæð-
inu,“ sagði hann. „NATO var með
hernaðaraðgerðir á þessum slóð-
um ... en við vitum ekki hvaða tjóni
flugvélamar kunna að hafa valdið.
Við rannsökum þetta mál eins ræki-
lega og við getum.“
Eigi NATO sök á mannfallinu i
Korisa er þetta mannskæðasta árás
bandalagsins á óbreytta borgara í
Júgóslavíu til þessa. NATO hefur
viðurkennt ýmis mistök í hemaðar-
aðgerðunum, meðal annars að hafa
gert árásir á íbúðahverfi, farþega-
lest, rútu og bflalest flóttamanna,
auk árásarinnar á kínverska sendi-
ráðið í Belgrad fyrir viku.
Fer Ahtisaari til Belgrad?
Stjómvöld í Belgrad segjast hafa
flutt nokkrar hersveitir frá Kosovo
en sendiherra Júgóslavíu í Grikk-
landi sagði í gær að ekki kæmi til
greina að flytja fleiri hermenn þaðan
fyrr en NATO hætti loftárásunum.
Viktor Tsjemomyrdín, sendimað-
ur rússnesku stjómarinnar í Kosovo-
málinu, kvaðst í gær ætla að fara aft-
ur til Belgrad í næstu viku til að
ræða friðartillögur sínar við
júgóslavneska ráðamenn. Hann
sagði ýmislegt benda til þess að frið-
arumleitanimar myndu bera árang-
ur en lagði áherslu á að loftárásum
NATO yrði fyrst að linna.
Rússnesk fréttastofa hafði eftir
Tsjemomyrdín að hann myndi fara
til Belgrad ásamt Martti Ahtisaari,
forseta Finnlands, sem er nú talinn
geta gegnt mikilvægu hlutverki í
friðarumleitununum. Ahtisaari sagði
hins vegar eftir fund með Kofi Ann-
an, framkvæmdastjóra Sameinuðu
þjóðanna, að „mjög ólíklegt" væri að
hann færi til Belgrad. Háttsettur
evrópskur stjórnarerindreki sagði að
finnski forsetinn myndi ekki fara
þangað nema Rússar og Vesturveld-
in næðu samkomulagi um hlutverk
NATO í öryggissveitunum sem ráð-
gert er að senda til Kosovo til að
framfylgja hugsanlegu friðarsam-
komulagi.
■ Saklaust fórnariamb/34
Barak
gæti náð
i • •• • /
kjon a
mánudag
Jerúsalem. Reuters, Morgunblaðið.
EHUD Barak, leiðtogi Verka-
mannaflokksins í Israel, hefur
aukið forskot sitt á Benjamin
Netanyahu og líkurnar á því að
hann verði kjörinn forsætisráð-
herra í fyrstu atrennu á mánu-
daginn kemur hafa aukist veru-
lega, ef marka má skoðanakönn-
un sem birt var í gær.
Samkvæmt Gallup-könnun,
sem birt var í dagblaðinu Maarfv,
er munurinn á fylgi Baraks og
Netanyahus 13 prósentustig;
48,5% sögðust ætla að kjósa
Barak og 35,5% Netanyahu.
Barak þarf aðeins að bæta við sig
nokkrum þúsundum atkvæða ef
arabíski frambjóðandinn Azmi
Bishara dregur sig í hlé og lýsir
yfír stuðningi við hann, ef marka
má könnunina.
Barak þarf að fá meirihluta
atkvæðanná til að ná kjöri á
mánudag en takist honum það
ekki þarf að kjósa milli hans og
Netanyahus 1. júm'. Þrír aðrir
eru í framboði, en fylgi þeirra er
lítið. Samkvæmt Gallup-könnun-
inni ætla 4,6% að kjósa Yitzhak
Mordechai, frambjóðanda Mið-
flokksins, 2,5% Bishara og 2,1%
þjóðernissinnann Benny Begin.
6,8% höfðu ekki gert upp hug
sinn.
Bishara ákveður sig í dag
Búist er við að Bishara tilkynni
f dag að hann dragi sig í hlé og
fari svo eykst fylgi Baraks í
49,9%, ef marka má Gailup-könn-
unina. Barak þarf því aðeins að
tryggja sér atkvæði nokkurra
þúsunda kjósenda, sem hafa ekki
enn gert upp hug sinn, til að fá
meirihluta atkvæðanna. Chemi
Shalev, stjórnmálaskýrandi Ma-
arív, sagði að verulegar líkur
væru á því að Barak næði kjöri á
mánudaginn.
Moskvu. Reuters.
ANDSTÆÐINGAR Borís Jeltsíns
Rússlandsforseta í dúmunni, neðri
deild þingsins, kröfðust þess í gær
að hann yrði sviptur embættinu fyr-
ir „glæpsamlega" óstjóm á átta ára
valdatíma sínum. Þingmönnum var
heitt í hamsi þegar þeir ræddu
hvort ákæra ætti forsetann til emb-
ættismissis og andstæðingar hans
sögðust vongóðir um að málshöfð-
unin yrði samþykkt í dúmunni í dag.
„Embættissviptingin myndi vera
besta vísbendingin um að landið sé
orðið lýðræðislegt. Valdið er orðið
glæpsamlegt," sagði Stanislav
Govorukhín, vinstrisinnaður þing-
maður.
„Eg er viss um að þingmennirnir
eru nógu hugrakkir til að fella
Jeltsín," sagði Gennadí Zjúganov,
leiðtogi kommúnista.
Gorbatsjov mætti ekki
Umræðan um málshöfðunartil-
löguna þótti einkennast af glund-
roða. Míkhaíl Gorbatsjov, síðasti
forseti Sovétríkjanna, hunsaði
beiðni andstæðinga Jeltsíns um að
hann kæmi fyrir dúmuna til að bera
vitni gegn forsetanum. Þingmenn-
imir fengu ekld heldur tækifæri til
að spyrja Pavel Gratsjov, fyrrver-
andi vamarmálaráðherra, um þátt
Jeltsíns í stríðinu í uppreisnarhér-
aðinu Tsjetsjníu 1994-96 þar sem
hann mætti ekki á þingfundinn. Að-
eins fimm af 29 „sérfræðingum",
sem boðið var að svara spumingum
þingmannanna, komu fyrir dúmuna.
Andstæðingar Jeltsíns vilja að
hann verði ákærður fyrir að hefja
stríðið í Tsjetsjníu, valda hmni Sov-
étríkjanna 1991, fremja „þjóðar-
morð“ á Rússum með efnahags-
stefnu sinni, beita hervaldi til að
kveða niður uppreisn þingmanna í
Moskvu 1993 og eyðileggja rúss-
neska herinn.
Jeltsín verður ákærður til emb-
ættismissis ef dúman samþykkir
eitthvert ákæruatriðanna með
a.m.k. 300 atkvæðum af 450.
Gennadí Seleznjov, forseti dúmunn-
ar, spáði því að a.m.k. 312 þingmenn
myndu greiða atkvæði með því að
Jeltsín yrði ákærður fyrir að hefja
striðið í Tsjetsjníu.
Þótt málshöfðunin verði sam-
þykkt era litlar líkur á því að Jeltsín
verði sviptur embættinu. Tveir
æðstu dómstólar landsins og efri
deild þingsins þurfa einnig að greiða
atkvæði um ákærana og talið er
mjög lfldegt að henni verði hafnað.
<
Reuters
ARABÍSKIR stuðningsmenn Ehuds Baraks, leiðtoga Verkamannaflokksins í ísrael, halda á mynd af honum á
kosningafundi hans f bænum Kfar Manda í gær, þremur dögum fyrir kosningarnar í landinu.