Morgunblaðið - 15.05.1999, Blaðsíða 70

70 LAUGARDAGUR 15. MAÍ 1999
MORGUNB LAÐIÐ
FRÉTTIR
Opið hús á
Elliðavatni
SKÓGRÆKTARFÉLAG Reykja-
víkur hefur undanfarin ár unnið
að undirbúningi þess að á Elliða-
vatni verði stofnað fræðasetur í
steinhlöðnu íbúðarhúsi sem
Benedikt Sveinsson lét byggja á
árunum 1860-1862 en það hefur
nokkuð sérsakt byggingarsögu-
legt gildi. Þess má geta að það er
fæðingarstaður Einars Bene-
diktssonar, þjóðskálds og at-
hafnamanns.
Til þess að gefa sem flestum
kost á að kynna sér þessa fyrir-
ætlun hefur Skógræktarfélagið
ákveðið að hafa opið hús á El-
liðavatni laugardaginn 15. maí
kl. 14-17.
Með stofnun fræðasetursins á
gestum að gefast kostur á því að
kynnast náttúrufari og sögu
Heiðmerkur í sem víðustu sam-
hengi. Boðið verður upp á fjöl-
breyttar sýningar sem hver um
sig hafí ákveðið þema. Má þar
nefna fjölskrúðugt fuglalíf, sögu
og fornmiiyar, lífríki vatnsins,
plöntur og skógrækt og jarð-
fræði.
Samkvæmt reynslu t.d. í Dan-
mörku þá hafa svona fræðasetur
komið að góðum notum í kennslu
í umhverfís- og náttúrufræðum á
öllum skólastigum. Einnig má
geta þess að nú er unnið að gerð
fræðslustíga sem munu tengja
stofuna við umhverfíð. Við þessa
stíga verða sett fræðsluskilti um
það sem fyrir augu ber á göng-
unni. Kostnað við gerð fræðslu-
skiltanna og uppsetningu þeirra
greiðir Sparisjóður vélsljóra og á
hann þakkir skildar fyrir það
framtak, segir í fréttatilkynn-
ingu.
STEINHLAÐNA íbúðarhúsið við Elliðavatn.
„Harmar lít-
ilsvirðingu“
MORGUNBLAÐINU hefur borist
eftirfarandi ályktun frá Verkalýðs-
félaginu Víkingi:
„Félagsfundur í verkalýðsfélag-
inu Víkingi 12. maí harmar þá lítils-
virðingu sem kjarasamningum
verkafólks hefur verið sýnd með
hækkunum launa í ýmsum starfs-
greinum langt umfram gerða kjara-
samninga. Þessi þróum gefur ekk-
ert annað til kynna en að með ráð-
um og vilja sé verið að undirstrika
það að tvær þjóðir eigi að búa í
landinu.
Steininn tók þó úr þegar úrskurð-
ur kjaradóms var birtur daginn eft-
ir alþingiskosningamar, vel að
merkja á sunnudegi sem hingað til
hefur verið frídagur. Það eitt að úr-
skurður kjaradóms var settur í salt
fram yfir kosningar sýnir að sam-
viska þeirra sem við hinum úr-
skurðuðu launum tóku er ekki upp á
það besta. Þegar einstakir hópar
geta fengið laun sín hækkuð um
sömu tölu á mánuði og almennt
verkafólk hefur í heildarlaun er
ekki hægt að búast við öðru en
hressilega verði tekið á stöðu þeirra
sem minnst mega sín í þjóðfélaginu,
fyrsta verk nýrrar ríkisstjórnar
hlýtur að vera að hækka bætur til
örorku- og ellilífeyrisþega, atvinnu-
leysisbætur og laun almenns verka-
fólks um í það minnsta sömu pró-
sentutölu og þeir sem munu verma
ráðherrastóla í nýrri ríkisstjóm
fengu til sín í úrskurði kjaradóms."
30 ára afmæli
Húmanistahreyf-
ingarinnar
HALDIÐ verður upp á 30 ára af-
mæli Húmanistahreyfingarinnar,
með hátíð á Ingólfstorgi, í dag kl.
15. „Á dagskrá verða m.a. ávörp,
Ijóð, tónlist og önnur skemmtun.
Grillað verður á torginu, eldgleyp-
ar, andlitsmálarar og aðrir málarar
láta til sín taka,“ segir í fréttatil-
kynningu.
Þar segir ennfremur: „Húman-
istahreyfingin starfar nú í 70 lönd-
um. Á íslandi hefur hreyfingin
starfað í 20 ár. Á þessum tíma hefur
hún staðið fyrir margs konar starf-
semi: námskeiðum og ráðstefnum
um ýmis efni s.s. ofbeldi, bætt sam-
skipti, mannréttindi og fátækt.
Hreyfingin hefur einnig skipulagt
herferðir s.s. „Dagur án ofbeldis",
„Gegn atvinnuleysi“ og „Heilbrigð-
isþjónusta er mannréttindi". Hún
hefur gefið út hverfisblöð víða um
Reykjavík og mótað sína pólitísku
tjáningu með stofnun Húmanista-
flokksins.
Hreyfíngin var stofnuð sem and-
svar við kreppu sem sjá mátti fara
vaxandi í heiminum, þjóðfélögum, í
mannlegum hópum og hjá einstak-
lingum.
Kreppu sem við getum nú séð í
aukningu ofbeldis, fíkniefnaneyslu
og lífsflótta einstaklinga."
Gengið um
Astjarnar-
svæðið
FJÓRÐA gönguferð vorsins á
vegum Grænu smiðjunnar
verður sunnuaginn 16. maí. Þá
verður gengið um Ástjamar-
svæðið við Hafnarfjörð undir
leiðsögn Trausta Baldursson-
ar og Guðríðar Þorvarðardótt-
ur.
Gangan hefst klukkan 13.30
og boðið er upp á rútuferð frá
Umferðarmiðstöðinni í
Reykjavík klukkan 13 fyrir þá
sem vilja.
Opið hús
á dýra-
læknastofu
DÝRALÆKNASTOFAN í Lyngási
18 í Garðabæ hefur tekið miklum
stakkaskiptum undanfama mánuði
og hefur stofan verið stækkuð úr
rúmum 70 fermetrum upp í tæpa
240 fermetra, samkvæmt því sem
segir í fréttatilkynningu. „Hún
skartar nú móttöku með biðstofu og
sölubás, rúmgóðu skoðunarherbergi
þar sem 2 dýralæknar geta skoðað
samtímis, skurðstofu, blóðrann-
sóknaraðstöðu, röntgentækjum og
sónarskoðun," segir þar.
„Sunnudaginn 16. maí milli kl.
13-18 er opið hús fyrir þá sem vilja
skoða og kynna sér aðstöðuna. Fer-
fætlingamir eru velkomnir með,“
segir þar ennfremur.
Stofan er opin alla virka daga
milli kl. 14 og 18. Símatímar,
tímapantanir og vitjanabeiðnir eru
alla virka daga kl. 11-12.
Radisson S4S
SAGA HOTEL REYKJAVlK
Hagatorg 107 Reykjavík Iceland
fana&ueiU
(ýkÍHýÍH
Dagana 15. og 16. maí verður haldin í Sunnusal
Radisson S.A.S. Hótel Sögu, glæsileg sýning á
fjölbreyttu úrvali af vörum sem tilheyra stanga-
veiðinni. Margvísleg tilboð í gangi.
Heiðursgestur sýningarinnar er Stangaveiðifélag
Reykjavíkur 60 ára, sem verður með sölu-
og kynningarbás.
Opnunartímar: Laugardagur 15. maí kl. 13-19 og
sunnudagur 16. maí kl. 11-19.
Aðgangseyrir kr. 300.- en frítt fyrir börn yngri en
12 ára í fylgd með fullorðnum. Hver miði gildir
sem happdrættismiði sem dregið verður úr í
sýningarlok. Tugir glæsilegra veiðivinninga.