Morgunblaðið - 31.07.1999, Blaðsíða 18
18 LAUGARDAGUR 31. JÚLÍ 1999
LANDIÐ
f
MORGUNBLAÐIÐ
Húsfyllir á fyrirlestri Guðrúnar Sveinbjarnardóttur um fornleifarannsóknir í Reykholti
Morgunblaðið/Sigríður
EFTIR fyrirlesturinn var uppgröfturinn í Reykholti skoðaður undir
leiðsögn fornleifafræðinga.
Fyrirsj áanlegt að
stækka þarf upp-
graftarsvæðið
Reykholti - MIKIL aðsókn var á
fyrirlestur Guðrúnar Sveinbjarn-
ardóttur fornleifafræðings sem
haldinn var á vegum Snorrastofu í
Reykholti í fyrrakvöld. Um 75
manns mættu til að hlýða á hana
greina frá gangi uppgraftarins á
gamla bæjarstæðinu í Reykholti.
Eins og fram kom í fjölmiðlum í
síðustu viku hafa komið í ljós
hleðslur nyrst í uppgraftarsvæð-
inu, sem m.a. vekja upp spurning-
ar um meint virki umhverfís bæ
Snorra Sturlusonar, sem greint er
frá í Sturlungu. Komið hefur verið
niður á hellur norðan við þessar
hleðslur og ganga þær inn í svörð-
inn við enda uppgraftarsvæðisins.
Pá hefur einnig fundist hvera-
hrúður á steinum á þessu svæði
sem vekja upp stórar spurningar.
Guðrún gat þess að 1964 fannst
gufustokkur sem liggur frá hvern-
um Skriflu með stefnu í átt að
bæjarstæðinu, og var hann rann-
sakaður lítillega það ár og aftur
1984. Ekki er þó tímabært að
draga ályktanir út frá þessu. Við-
arleifar hafa einnig komið í ljós á
þessu svæði og verða frekari sýna-
tökur og rannsóknir gerðar á
þeim.
Guðrún útskýrði hvernig leitast
hefur verið við að grafa svæðið í
stóru samhengi til að fá heildar-
mynd, en framhald vantar til norð-
urs af uppgraftarsvæðinu til að sjá
hvort meint virki er útveggur eða
innveggur.
Saga bygginga og rannsókna á
staðnum var rakin og sú þróun
sem orðið hefur við uppgröftinn í
sumar. Eftir fyrirlesturinn var
gengið að svæðinu og notið leið-
sagnar þeirra fornleifafræðinga
sem við uppgröftinn starfa. Að
lokum var skoðuð sýning í safnað-
arsal Reykholtskirkju, en hún er
unnin í samvinnu Snorrastofu og
Þjóðminjasafns og er þar gefin
mynd af fornleifarannsóknum í
Reykholti í máli og myndum.
Morgunblaðið/Jón Sigurðsson
Vinnuskólinn á Blönduósi
Þau gera bæinn
fallegan
lönduósi - Krakkarnir í vinnuskólanum
á Blönduósi gerðu sér glaðan dag í blíð-
unni fyrir skömmu og grilluðu sér pyls-
ur og fóru í hverskonar leiki. Hér var
um nokkurskonar skólaslit að ræða þar
sem yngri hluti hópsins var að ljúka
störfum en eldri krakkarnir halda
áfram því þakkláta starfi að gera bæinn
fagran.
Hátíð sína héldu krakkarnir að sjálf-
sögðu í samræmi við hlutverk sitt í Fa-
grahvammi niður við Biöndu. Blanda
lokkaði til sín í Ieik nokkra krakka og
voru stelpurnar þar fremstar í fiokki og
böðuðu þær sig í ánni við mikinn fögn-
uð viðstaddra. Þótt gáskafuliur leikur
lífsglaðra barna undir eftirliti í lygnri
vík í jökulánni Blöndu sé hin besta
skemmtun þá hefur margur krakkinn
fengið skell á rassinn fyrir að umgang-
ast ána á ónærgætinn hátt. Það má
segja að það hafi til skamms tíma verið
liður f uppeldi barna á Blönduósi að
kenna þeim að virða þetta straumþunga
fljót og skilja.
Hvassaleiti 15 - raðhús
Opið hús
Voaim að fá í sölu mjög gott raðhús í þessu vinsæla hverfi. Húsið er
238,1 fm á þremur hæðum og með innbyggðum bílskúr sem er 20 fm.
Verð 17,9 millj.
Húsið verður til sýnis í dag, laugardag, frá kl. 14 og 17.
Lundur fasteignasala, Suðurlandsbraut 10,
Reykjavík, sími 533 1616, fax 533 1617
Morgunblaðið/Arnór
Ný brú yfír Flóku
NÚ ER Iokið við að reisa nýja
brú yfir Flóku og tengja veg og
brú. Bygging brúarinnar er
hluti af framkvæmdum við
Borgarfjarðarbrautina, frá
Kleppjárnsreykjum að Bæjar-
sveitarvegi.
Að sögn Birgis Guðmundsson-
ar hjá Vegagerðinni í Borgar-
nesi er gert ráð fyrir að fram-
kvæmdin kosti 150 milljónir
króna og verði lokið í haust.
Sjálf vegargerðin kostar 100
milljónir, en lagning brúarinnar
yfir Flóku 50 milljónir. Hér sést
nýja brúin og eins og sjá má er
hún myndarlegt mannvirki f
samanburði við þá gömlu.
Morgunblaðið/Egill Egilsson
Gróðursett
í minning-
arreit á
Flateyri
Flateyri - Fyrsti áfangi gróðursetn-
ingar í Minningargarðinum á Flat-
eyri var haldinn laugardaginn 24.
júlí. Gróðursettar voru á þriðja
hundrað þriggja ára plöntur af ýms-
um tegundum. Fáir voru mættir til
starfa í fyrstu en þegar leið á daginn
var kominn álitlegur hópur sem fór
létt með að gróðursetja 400 plöntur í
eindæma veðurblíðu.
Heildarstærð reitsins verður 7-
8000 fm og verður göngustígur upp
að kirkjugarðinum og þar að auki
tveir göngustígar inni í reitnum.
Reiturinn er skipulagður sem úti-
vistarsvæði og seinna meir verður
komið fyrir tjörn og leiktækjum.
Ekki verður meira gert í sumar, að-
eins er eftir að gróðursetja 100
plöntur. Stefnt er að því að ljúka
reitnum á næstu þrem sumrum og
að þeim tíma loknum verði búið að
gróðursetja 10.000 plöntur.
Garðar Páll
GRÖFUPRAMMI við dýpkun
Grindavíkurhafnar.
Dýpkað inn-
an Grinda-
víkurhafnar
Grindavík - Þessa dagana er verið
að dýpka innan Grindavíkurhafnar.
Það er fyrirtækið „Skanska
Dredging“ sem sér um þessar dýpk-
unarframkvæmdir.
Formaður hafnarnefndar er Sig-
urður Gunnarsson og hann hafði
þetta að segja um framkvæmdirnar.
„Þeir voru að dýpka við Svíragarð-
inn og tóku kerið í burtu og grófu vel
meðfram þannig að nú ættu stærri
loðnuskipin að komast þarna að.
Möguleiki er orðinn á því að útskip-
un á mjöli fari fram þarna líka því
Samherji ætlar að setja upp útskip-
unargræjur með haustinu. Þá hefur
verið samið við „Skanska Dredging"
um frekari dýpkanir innan hafnar-
innar. Verið er að endurbyggja Kvía-
bryggjuna en tímabært var að laga
hana og svo kemur þriðja flotbryggj-
an en við hana eru 12 ný legupláss.
Það er því að lagast aðstaðan fyrir
allar stærðir báta og stefnt er að því
að þessi höfn verði í fremstu röð
hvað varðar alla þjónustu,“ sagði
Sigurður.
I