Morgunblaðið - 31.07.1999, Blaðsíða 72

72 LAUGARDAGUR 31. JIJLÍ 1999
MORGUNBLAÐIÐ
KAREN Björk Björgrinsdóttir og Adam unnusti hennar gera það gott
í stórsýningunni Burn the Floor.
MATHEW og Nicole Cutler eru um þessar mundir í öðru sæti á heimslista dansara. Þetta er glæsilegt par
með mikla útgeislun.
Tignarleg, hröð
og spennandi
ÞAÐ er vaiinn maður á hveijum stað í glæsisýningunni Burn the Floor
sem er allt í senn metnaðarfuli, hröð, falleg og erótísk danssýning.
DANS
Danssýningin
Burn the Floor
Fimmtudaginn 15. júlí síðastliðinn
var frumsýnd í Englandi glæsidans-
sýningin Burn the Floor, sýning sem
er ailt í senn tignarleg, spennandi,
full af hraða og kynþokkafull. Burn
the Floor er talin dýrasta dansupp-
færsla sem nokkurntíma hefur verið
sett upp og er kostnaðurinn talinn
hlaupa á milljónum enskra punda.
HUGMYNDIN að þessari sýningu
kviknaði í fímmtugsafmæli hins sí-
unga rokkara Elton John, sem hann
hélt uppá í mars árið 1997. Þar var
tæplega hálftímalöng samkvæmis-
dansasýning sem heillaði svo einn
gesta Eltons Johns að hann gat ekki
hætt að hugsa um þessa sýningu.
Hugmynd hans að Burn the Floor
þróaðist áfram í huga hans og varð
að þeirri stórsýningu sem nú hefur
litið dagsins Ijós. Þessi maður er
Ástralinn Harley Medcalf sem er tal-
inn einn færasti og bezti framleið-
Skólavörðustíg 21 • sími 551 4050 • Reykjavík
andi í Ástralíu. Hann hefur sett upp
fjöldann allan af sýningum sem farið
hafa sigurfór um heiminn. Harley
Medcalf hefur- einnig séð um ótal
tónleikaferðir heimsþekktra lista-
manna eins og t.d. Elton John, Billy
Joel, Kenny G, Queen og Boyz II
Men og svo mætti lengi telja.
Smærri tónleika hefur hann einnig
skipulagt og haft veg og vanda af og
þá með fólki eins og Frank Sinatra,
Marlene Deitrich, Bob Dylan, Alanis
Morrisette og The Cranberries. Af
þessari upptalningu má sjá að hér er
á ferðinni einn vinsælasti hönnuður
og tónleikaframleiðandi í heiminum í
dag.
Heimsþekktir
listamenn
Harley Medcalf hefur fengið til
liðs við sig fjöldann allan að heims-
þekktum listamönnum, dansahöf-
undum, dönsurum, ljósamönnum og
hljómlistarmönnum til að gera
draum sinn að veruleika. Ber þar
fyrstan að nefna leikstjórann Ánt-
hony Van Laast en hann hefur sett
upp og samið dansa íyrir ótal marg-
ar sýningar og tónleika út um allan
heim og m.a. starfað við hið merka
óperuhús Covent Garden í London.
Fyrir sjónvarp hefur hann starfað
mikið og þá helzt í sambandi við kon-
unglegar uppfærslur; konungleg af-
mæli og svo framvegis. Aðstoðarleik-
stjóri og einn aðaldansahöfundurinn
í Bum the Floor er hin heimsþekkta
og virta Lindsey Hillier-Tate, en hún
er margfaldur Evrópu-og heims-
meistari í sígildum samkvæmisdöns-
um, bæði sem áhugamaður og at-
vinnumaður. Lindsey er mjög eftir-
sóttur þjálfari og dómari út um allan
heim og kennir mikið í Þýzkalandi,
Danmörku Japan, Hong Kong,
Bandaríkjunum og Rússlandi. Tón-
listarstjóri sýningarinnar er Stephen
Brooker og er hann talinn fremstur
meðal jafningja sinna á Bretlandi og
hefur hann stjórnað fjölda heims-
þekktra hljómsveita s.s. Konunglegu
fílharmoníusveitinni og mörgum
fleiri. Búningahönnuður er Bonita
Bryg en hún hóf ótrúlegan dansferil
sinn er hún vann 5 ára námsstyrk í
Konunglegu dansakademíunni. Þar
hlaut hún kennslu hjá þekktustu
kennurum ballettsins m.a. Dame
Marie Rambert, Dame Margot
Fonteyn, Phyllis Baddels og Irinu
Baronovu. Hún stundaði seinna
klassískan ballet að mestu, ásamt því
að stunda rússneska og pólska þjóð-
dansa við Konunglega ballettháskól-
ann undir leiðsögn margra frábærra
kennara s.s. Sir Fredrick Ashton og
Dame Ninette De Valois. Hún varð
meðlimur konunglega ballettflokks-
ins og dansaði þar m.a. með hinum
heimsfrægu dönsurum Fonteyn og
Nureyev en varð að hætta í flokkn-
um sökum hryggmeiðsla sem hún
hlaut. Síðan þá hefur hún komið að
alls kyns hönnun og samið dansa fyr-
ir margskonar sýningar og þá einna
helzt í sjónvarpi.
Islendingur í Manchester
United dansaranna!
í sýningunni taka þátt 44 dansar-
ar, sem eru í fremstu röð í heimin-
um. Dansararnir eru frá 12 löndum
og m.a. einn dansari frá íslandi. Það
er Karen Björk Björgvinsdóttir, en
hún dansar í sýningunni ásamt
unnusta sínum Adam Reeve. Karen
hefur verið búsett í Englandi undan-
farin ár, þótt ung sé að árum, en hún
er einungis nýorðin 18 ára. í
Englandi hefur hún stundað dans-
nám og hefur henni gengið mjög vel.
Karen Björk hefur unnið til nokk-
urra íslandsmeistaratitla og keppt
fyrir íslands hönd á heimsmeistara-
mótum. I samtali við Morgunblaðið
sagði hún þessa sýningu vera ein-
staklega glæsilega og hvergi til
sparað. „Æfmgatímabilið hefur ver-
ið geysilega erfítt, en jafnframt
ákaflega spennandi og skemmtilegt,
við æfðum 12-14 klukkutíma á dag.
Þetta er allt öðruvísi en að vera í
danskeppni, því hér eru pörin að
vinna saman en ekki sífellt að keppa
við hvert annað. Hér er líka allt nýtt
fyrir okkur og þetta er tækifæri sem
manni gefst einungis einu sinni á
lífsleiðinni svo það var eins gott að
grípa það. Anthony, leikstjórinn
okkar, sagði á fyrstu æfíngunni að
við værum nokkurskonar Manchest-
er United dansaranna og í stað þess
að keppa við hvert annað ættum við
að vinna saman sem eitt lið til að
skapa einstaka sýningu sem myndi
ekki aðeins sýna okkar eigin dans og
hæfileika heldur í raun heim dans-
ins! Svo fáum við líka tækifæri til að
tjá okkur öðruvísi og vera með öðru-
vísi dansa en við erum vön og það er
líka rosalega skemmtilegt!“ Karen
sagði að þessi sýning væri einstak-
lega íburðarmikil og glæsileg í alla
staði og hefðu gestir á frumsýning-
unni tekið henni ákaflega vel með
löngu klappi og húrrahrópum. „Ég
hef aldrei séð önnur eins fagnaðar-
læti ... þetta var æðislegt!“ sagði
Karen Björk Björgvinsdóttir. Karen
sagði að mikið af frægu fólki hefði
verið á frumsýningunni t.d. Barry
Humphrey (sá sem leikur Dame
Edna), hann sagði að sýningin væri
hin leikræna útgáfa af VIAGRA!
Eins var Harry Connick Jr. á svæð-
inu og hreifst ákaflega af sýning-
unni. Karen var nýkomin til Ástral-
íu, eftir 18 tíma flug, þegar Morgun-
blaðið náði tali af henni og framund-
an var sýning í Perth, þar sem yfír
sex þúsund miðar voru löngu upp-
seldir.
Margt heimsfrægra samkvæmis-
dansara er í sýningunni, eins og fyrr
er sagt og ber þar hæst Jason Gilk-
inson og Peta Roby frá Ástralíu, en
þau hafa unnið til fjölda verðlauna,
urðu m.a. heimsmeistarar í 10 döns-
um, hafa unnið heimsbikarinn
o.s.frv. Mathew og Nicole Cutler eru
búin að vera í fremstu röð síðan þau
byrjuðu að dansa saman árið 1994 og
eru í öðru sæti á heimslistanum í dag
í suður-amerískum dönsum í flokki
áhugamanna. Eins er þarna fjöldi
annarra heimsþekktra dansara.
Heimshornaflakk
Einungis voru nokkrar sýningar á
Englandi til að byrja með því hópur-
inn hélt allur til Ástralíu s.l. sunnu-
dag þar sem fjölmargar sýningar
eru fyrirhugaðar og er mikill áhugi
fýrir þessari sýningu þar, segir Kar-
on Maskill, fjölmiðlafulltrúi Burn
the Floor. Hópurinn ferðast um
Ástralíu í rúman mánuð. Til Evrópu
kemur sýningin ekki fyrr en í lok
október og verður þá sýnt í
Manchester, Kaupmannahöfn og
víðar. í janúar á næsta ári fer sýn-
ingin til Bandaríkjanna og þaðan til
Japan, svo þetta verður sannkölluð
heimsreisa. Telja menn víst að þessi
sýning komi til með að vekja gífur-
legan áhuga á samkvæmisdönsum
um allan heim og er nokkuð ljóst að
hún kemur til með að hljóta mikla
athygli hvar sem hún kemur. Fyrir
þá sem vilja afla sér frekari upplýs-
inga um þessa sýningu, þá vil ég
benda þeim á slóðina sem er:
www.burnthefloor.com.
Burn the Floor
í Manchester
Ferðaskrifstofan - Úrval Útsýn
ætlar að sjá til þess að íslendingar
geti komist á þessa stórsýningu með
því að efna til hópferðar til
Manchester 5.-8. nóvember n.k.
Margrét Óskarsdóttir, hjá Úrval -
Útsýn sagði í samtali við Morgun-
blaðið að þessi ferð væri hugsuð fyr-
ir þá sem vildu sameina innkaupa-
og skemmtiferð fyrir jólin og sjá
þessa glæsilega danssýningu sem
Burn the Floor er. „Hvar er heppi-
legra að sjá Manchester United
dansaranna en í Manchester borg
sjálfri?" sagði Margrét að lokum.
Jóhann Gunnar Arnarsson