Morgunblaðið - 31.07.1999, Blaðsíða 32

Morgunblaðið - 31.07.1999, Blaðsíða 32
32 LAUGARDAGUR 31. JÚLÍ 1999 MORGUNBLAÐIÐ ERLENT Taívanar ekki teknir í sátt KÍNVERJAR gerðu í gær lít- ið úr tilraunum Taívana til að draga úr ummælum Lees Teng-huis, forseta Taívans, um samskipti landanna og sögðu þá hafa gengið bak skuldbindingum um að halda í heiðri stefnuna um eitt Kína. Taívanar höfðu fyrr um dag- inn lýst því yfir að þeir stefndu enn á sameiningu við Kína og hvöttu stjórnvöld í Peking til að hunsa ekki við- ræður, sem boðað hafði verið til haust um málið. Clinton hrósar Wesley Clark BILL Clinton Bandaríkjafor- seti neitaði í gær fregnum þess efnis að hann hefði verið ósátt- ur við frammistöðu Wesleys Clarks, æðsta yfirmanns her- afla Atlantshafsbandalagsins (NATO), og kvaðst leiður ef fréttir um að Clark myndi láta af störfum fyrr en ætlað var hefðu gefið slíkt í skyn. „Ég hef afar mikið álit á honum," fullyrti Clinton sem þekkt hef- ur hershöfðingjann í þrjátíu ár. Ný stafræn myndavél TALSMAÐUR japanska leik- fangaframleiðandans Tomy heldur á nýjustu afurð fyrir- tækisins, sem er ör- smá staf- ræn ljós- myndavél en taka má fimmtán myndir í senn og geyma í minni. Jafnframt fylgir kapall svo færa megi myndirnar yfir í tölvur. IRA kennt um morð í Belfast ÍRSKA lýðveldishernum (IRA) var í gær kennt um morð á 22 ára gömlum kaþ- ólskum Belfast-búa, sem skot- inn var til bana á fimmtudags- kvöld. Þóttu verksummerki benda til að um IRA-aftöku hefði verið að ræða. Talsmaður Sinn Féin, stjórnmálaarms IRA, sagði hins vegar ekki hægt að fullyrða neitt um hver hefði staðið að baki morðinu. Teldust það slæm tíðindi fyrir friðarumleitanir á N-írlandi hafi IRA verið þar að verM. Enginii eldur í vél Kennedys RANNSÓKN á flaki flugvélar Johns F. Kennedys bendir ekki til að kviknað hafi í vélinni eða hún hðast í sundur í flugi, að sögn Bandarísku flugörygg- isstofnunarinnar (NTSB) í gær. Sagði jafnframt í umsögn stofnunarinnar að ekkert hefði fundist sem koma hefði átt í veg fyrir að vél eða hreyfill flugvélarinnar starfaði eðli- lega. Fjöldamorðin í Atlanta vekja óhug meðal bandarísku þjóðarinnar Myrti fjölskylduna til að fírra hana þjáningum Allanla, Washington. AP, The Daily Telegraph. LÖGREGLA í Atlanta í Georgíu- ríki í Bandaríkjunum hefur staðfest að Mark Barton, 44 ára verðbréfa- miðlari í Bandaríkjunum myrti eig- inkonu sína og tvö börn áður en hann myrti níu manns og særði tólf með skammbyssuskothríð á skrif- stofum tveggja verðbréfafyrirtækja í fyrradag. Þá beitti hann tveimur öflugum skammbyssum til ein- hverrar mannskæðustu vinnustaða- árásar sem gerð hefur verið í Bandaríkjunum. Hefur atvikið vak- ið mikinn óhug í landinu en í bréfi er fannst hjá líkum eiginkonu Bartons og börnum lýsir hann morðunum sem „björgun frá þján- ingum til lífstíðar". Sjö hinna særðu voru enn í lífs- hættu á sjúkrahúsi í Atlanta í gær. Eftir að Barton hafði framið morðin hljóp hann út í bíl sinn og ók á brott. Hann var stöðvaður, nokkrum klukkustundum síðar, í norðurhluta borgarinnar, en þá skaut hann sjálfan sig til bana. Bill Campbell, borgarstjóri í Atlanta, greindi frá því að Barton hefði stundað sjálfstæð verðbréfavið- skipti á Netinu. Skömmu áður en hann framdi morðin varð verðfall á bréfum á mörkuðum í New York og er getum að því leitt að Barton hafi tapað umtalsverðu fé. Lögreglan greindi frá því að 27 ára eiginkona Bartons og tvö börn, 11 og sjö ára, hefðu fundist myrt í íbúð fjölskyldunnar í suðurhluta borgarinnar, og að af ummerkjum að dæma hefðu þau verið barin til bana. Taldi lögreglan líklegt að fjöl- skyldan hafi verið myrt fyrir nokkrum dögum. Barton hafði hreint sakavottorð, i m _—_ -jfil _ÍÉ| " '"[ ÍWm HL. ¦¦¦ il^B#^l_» í _l ¦ r" í V l 1 SS^ !l i i 8m SBIfcf ,:¦:' mt, - '". 9; : *x^nfay~mmíimr~ir r % r T^^KL™-*-.—---.¦. wd. AP LÖGREGLUMENN umkringdu bfl Bartons á bensínstöð í úthverfi Atlanta á fimmtudagskvöld, þar sem Barton svipti sig lílí. en fyrir sex árum voru fyrrverandi eiginkona hans og móðir hennar myrtar á tjaldstæði í Alabamaríki. Tveim mánuðum áður hafði Barton keypt líftrygg- ingu fyrir eiginkonu sína, sem hann hafði verið kvæntur í fimmt- án ár. Barton lá undir sterkum grun um morðin, en var ekki handtekinn og fékk forræði yfir tveim börnum þeirra hjóna. Morðin í Atlanta á Mark Barton fimmtudag voru framin um klukkan þrjú síð- degis (klukkan 19.00 að íslenskum tíma) og í um fimm klukkustundir höfðu yfirvöld enga hugmynd um hvert morðinginn hefði farið. Sér- sveitir leituðu að honum í Buck- head-fjármálahverf- inu, þar sem verð- bréfafyrirtækin tvö hafa skrifstofur. Að lokum var Barton stöðvaður á bensínstöð í úthverfi, en svipti sig lífi áður en lögregla náði að handsama hann. Myrti fjölskyldu sína með hamri I bréfi sem Barton skildi eftir sig á heimili sínu í úthverfi Atlanta hvatti hann lögregluna til þess að taka sig af lífi ef hún mögulega gæti og gaf til kynna að morðin hefðu verið framin vegna reiði sinn- ar. „Ég hef ekki í hyggju að lifa miklu lengur, aðeins nógu lengi til að myrða sem flesta af þeim er reyndu að eyðileggja líf mitt," sagði í bréfinu. I handskrifuðum bréfum sem Barton hafði skilið eftir hjá Leigh Ann, eiginkonu sinni, og börnunum Matthew og Michelle, sem fundust liggjandi í rúmum sínum umkringd leikföngum, sagði: „Það fylgdi þessu lítill sársauki. 011 létust þau innan fimm mínútna. Eg sló þau með hamri er þau sváfu og hélt þeim því næst á grúfu ofan í baðkeri til að ganga úr skugga um að þau myndu ekki vakna við sársauka". I bréfi Bartons sagði ennfremur að hann hafi myrt börn sín til að forða þeim frá því að þjást seinna meir. Þá sagðist hann hafa myrt eiginkonu sína vegna þess að hún hafi verið ein meginástæðan fyrir dauða hans sjálfs. „Nú vildi ég að ég hefði ekki myrt hana," sagði í bréf- inu. !i'| ' ...... ... ¦¦¦ V...J Hitamistur í New York MIKIÐ hitamistur lá yfir New York-borg í gær. Það lá eins og mara yfir háhýsunum á Manhattan, sem hér sjást í bakgrunni þar sem þessi mað- ur var á göngu í almennings- garði í Brooklyn-hverfi borg- arinnar snemma morguns í gær. Hitinn í New York hefur farið yfir 32 stig á celsíus sext- án daga í júlímánuði og var jafnvel enn hærri í gær. Spá veðurfræðingar því að hitinn muni fara upp í allt að 38 gráður áður en hann fer lækk- andi eftir helgi. Talið er að sjötíu og þrjú dauðsföll í þrett- án ríkjum Bandaríkjanna að undanförnu megi rekja til hitabylgjunnar sem riðið hefur yfir landið síðan um miðjan júlí. Jeltsín vill leysa deiluna um Júgóslavíu Hyggst endurnýja tengslin Moskvu. Reuters. BORÍS Jeltsín Rússlandsforseti sagði í gær að hann vildi endurnýja vináttu- tengslin við Vesturlönd og koma sam- skiptunum í það horf sem þau voru í fyrir loftárásir NATO á Júgóslavíu. „Við þurfum að jafna ágreininginn um Júgóslavíu, koma vináttutengslun- um við Bandaríkin, Þýskaland, Frakkland og önnur ríki í samt lag," sagði Jeltsín á fundi í Kreml með yfir- manni lífeyrissjóðs russneska ríkisins. „Þetta er markmið okkur í heimsmál- Rússnesk stjórnvöld rufu tengslin við Atlantshafsbandalagið eftir að það hóf loftárásirnar á Júgóslavíu og þær urðu til þess að samskipti Rússlands og Vesturlanda kólnuðu til muna. Þetta er í fyrsta sinn sem Jeltsín hvet- ur til fullra sátta við Vesturlönd. Júgóslövum verði hjálpað Sergej Stepashín, forsætisráðherra Rússlands, sagði áður en hann hélt til Sarajevo á leiðtogafundinn um mál- efni Balkanlandanna að nú væri kom- inn tími til að rétta íbúum Júgóslavíu hjálparhönd í stað þess að refsa þeim. „Þetta eru milljónir manna, sem lifa við erfiðar aðstæður, og það er virki- leg hætta á hörmungum á meðal þeirra í haust og vetur." Stepashín fór til Sarajevo með ígor ívanov, utanríkisráðherra Rússlands, sem varaði Bandaríkjamenn við því fyrr í vikunni að þeir gætu valdið nýju vígbúnaðarkapphlaupi við Rússa ef þeir reyndu að berja aðrar þjóðir til hlýðni. Fækka ber gjaldþrotum LiOndon. Reuters. EVRÓPUSAMBANDIÐ hefur í hyggju að setja ný lög til að refsa þeim sem draga það von úr viti að greiða fyrir vörur og þjónustu. Mark- miðið með lögunum er að fækka gjaldþrotum fyrirtækja vegna slíks greiðsludráttar. Guardian sagði í gær að lögin gerðu fyrirtækjum kleift að leggja nógu háa vexti til að tryggja að þau verði ekki fyrir tjóni. Gert er ráð fyrir því að vextirnir verði 8,5% og í flestum tilvikum verði hægt að innheimta þá mánuði eftir að reikn- ingarnir berast viðskiptavinunum.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.