Morgunblaðið - 31.07.1999, Qupperneq 29

MORGUNBLAÐIÐ
LAUGARDAGUR 31. JÚLÍ 1999 29
LAUGARDALURINN
Ahersla á tengingu
við starfsemi
í Laugardalnum
Jón Ólafsson, stjórnarformaður Norðurljósa, vill
reisa í Laugardalnum 5800 fermetra Tómstunda-
hús, sem sinni fjölbreytilegum tómstunda-
þörfum fólks, einkum unglinga.
NORÐURLJÓS hf. stendur að baki
umsókn um að reisa 5.800 fm Tóm-
stundahús í Laugardal á lóðinni
vestan við væntanlega lóð Lands-
símans. Aðstandendur umsóknarinnar segja
að starfsemi Tómstundahússins muni falla vel
að þeirri starfsemi sem fram fer á útivistar-
svæðinu í Laugardal. Aform þeirra ganga út á
að í húsinu verði rekið kvikmyndahús með
átta sölum, barnagæsla, veitingastaðir, keilu-
salur, biljarðsalur og fleira.
I greinargerð um áformin, sem send hefur
verið borgaryfirvöldum, segir að í rekstri
hússins sé áformað að höfða með fjölbreyti-
legum hætti tO þarfa og óska mismunandi
aldurshópa en þó sérstaklega til unglinga.
„Við þekkjum það sem búum í Reykjavík
að unglingarnir safnast mikið saman í bænum
og hafa lítið við að vera. Þama held ég að sé
kominn mjög skemmtilegur flötur á því að
þetta myndi dreifast úr miðbænum þama
uppeftir. Þarna er engin byggð, sem raskast
af því að krakkarnir séu þar. Eg held að þetta
sé heilbrigðara og skemmtilegra umhverfi
fyrir unglingana til að eyða skemmtilegum
sumarkvöldum heldur en að vera niðri í bæ,“
segir Jón Ólafsson stjómarformaður Norður-
ljósa, í samtali við Morgunblaðið.
„Unglingurinn þarf vettvang til að skil-
greina sig sjálfur,“ segir í greinargerðinni.
„Hann þarf að skemmta sér og vera með öðr-
um unglingum, þar sem hvorki er litið á hann
sem bam né fullorðinn og hann virtur sem
einstaklingur. Til þess þarf hann annan vett-
vang en götur og torg borgarinnar. Tóm-
stundahúsinu er ætlað að vera slíkur vett-
vangur," segir í greinargerðinni. „Tóm-
stundahúsið yrði vímuefnalaus griðastaður,
samkomustaður, skemmtistaður og vettvang-
ur skoðanaskipta þar sem unglingurinn er
virtur og þessu tímabili ævinnar gert jafnhátt
undir höfði og þeim sem á undan og eftir
fara.“
I greinargerðinni segir að Tómstundahúsið
muni auka tii muna þá fjölbreytni sem Laug-
ardalssvæðið í heild bjóði börnum, unglingum
og fullorðnum. „Fólki ér akkur í því að geta
gert margt á svipuðum slóðum sem skemmti-
legt er og fróðlegt fyrir fjölskylduna og á það
ekki síst við um unglingana. I öðru lagi er
sjaldnast hægt að treysta á gott veður hér á
landi. Því er ljóst að myndarleg aðstaða inn-
andyra mun gera fjölskyldum kleift að skipu-
leggja samfelldan ánægjutíma í Laugardaln-
um, óháð veðri,“ segir þar.
8 kvikmyndasalir,
keilusalur, leikjasalir og fleira
Fyrirhugað er að byggja 5800 fermetra hús
á tveimur hæðum. I því yrði stórt anddyri
með upplýsingamiðlun, miðasölu sýningarað-
stöðu og fleiru. Leikaðstaða og eða bama-
gæsla fyrir börn í umsjón sérmenntaðs
starfsfólks; 2-4 veitingastaðir; kvikmyndahús
með átta sölum og um 2400 sætum; keilusalur
og biljarðsalur; leikjasalir með leikjaaðstöðu
og leiktækjum af ýmsu tagi; verslun með tón-
list, myndbönd, tölvuleiki og bækur; aðstaða
tO leiksýninga, tónlistarflutnings og umræðu-
funda unglinga; aðstaða tfi skákmóta og
skyldrar Tómstundaiðju og kennslu- og fyrir-
lestrasalur. Gert er ráð fyrir bílastæðum á
samtals 7200 fermetra svæði og muni þau
samnýtast með annarri starfsemi í Laugar-
dalnum.
Fram kemur að lögð verði áhersla á stíl-
hreina hönnun húss og lóðar sem falli vel að
grunnformum og svipmóti umhverfisins. Gert
er ráð fyrir að húsið opnist út að Fjölskyldu-
og húsdýragarðinum. Hugmyndin er sú að
nýta hæðarmismuninn í landinu, þannig að
hluti aðstöðunnar verði niðurgrafinn. „Tryggt
verður að varfæmi og virðing fyrir umhverf-
inu verði sjálfsagður þáttur í allri starfsemi
Tómstundahússins sem og ákvörðunartöku,"
segir í greinargerðinni.
Um það hvort húsið yrði opið fram á nætur
sagði Jón að afgreiðslutíminn yrði ákveðinn í
samráði við borgaryfirvöld. „En kvikmynda-
hús hafa almennt síðustu sýningar klukkan
11,“ sagði Jón. „Þetta er eitthvað sem verður
unnið í nánu samstarfi við borgaryfirvöld
þannig að það sé sómi að þessu fyrir alla.“
Sambærileg hús víða í heiminum
Jón sagðist fyrst hafa sótt um lóð fyrir
starfsemi af þessu tagi meðan Markús Óm
Antonsson var borgarstjóri. „Upphaflega
sótti ég um lóð þar sem Verslunarháskólinn
er. Markús Örn var búinn að gefa mér nokk-
uð afgerandi svar um að ég fengi lóðina en af
því varð ekki.“
Jón sagðist hafa séð rekstur sambærilegra
húsa og Tómstundahússins víða í heiminum.
„Það er mikið um svona hús í Ameríku og rétt
hjá þar sem ég bý í London er nýtt og stór-
glæsfiegt svona hús, sem festi mig enn betur í
trúnni á að þetta væri sniðugt að gera.“
Jón sagði að hugsunin væri sú að einn aðili
annaðist rekstur á húsinu sem slíku en hver
og ein eining verði á höndum annarra. „Við
ætlum ekki að eiga og reka allt sem þama er
heldur að búa til þessa hefidarmynd og koma
henni saman og sjá síðan um reksturinn á
húsinu sem slíku og tryggja að aðdráttarafl
þess sé gott. Svo er það þeirra sem kunna
best að reka þessar einingar að koma að
rekstri þeirra.“
Jón var spurður hvort umsóknin væri í
nafni hins nýstofnaða fyrirtækis Norðurljósa,
Skífunnar eða hans persónulega. Hann sagði
að þetta væri angi af Norðurljósum. „En
þetta gæti orðið hús sem væri í eigu annarra
en okkar, t.d. fagfjárfesta. Við emm ekki að
hugsa um að eiga steypu heldur að búa tfi
rekstur og þessa umgjörð, sem ég held að sé
mjög nauðsynlegt að fá inn í borgina.“
Aðspurður sagði Jón of snemmt að segja tfi
um hver yrði kostnaður við byggingu Tóm-
stundahússins en sagði að arðsemisútreikn-
ingar lægju fyrir og kvaðst bjartsýnn á að
rekstur af þessu tagi ætti framtíð fyrir sér
hér á landi eins og annars staðar. Hann lagði
áherslu á að hér væri um að ræða starfsemi
sem samræmist vel núgfidandi skipulagi
Laugardalsins sem íþrótta- og útivistarsvæði.
Hönnun hússins bíður ákvörðunar borgar-
yfirvalda en A1 Arkitektar Vesturgötu 2 em
skrifaðir fyrir þeirri greinargerð um bygging-
aráformin sem hér hefur verið vitnað til.
SÉÐ FRÁ Glæsibæ yfir lóðina þar sem rætt er um að nýjar höfuðstöðvar Landssímans rísi.
Ferill lóðaumsóknanna
í borgarkerfinu
FERILL umsókna um hús
undir höfuðstöðvar
Landssímans og Tóm-
stundahús f Laugardal
hefur verið þessi:
Hús Landssímans
Á fundi borgarráðs 30. mars
1999 var lagt fram á fundi borg-
arráðs bréf skrifstofustjóra borg-
arverkfræðings frá 16. sama
mánaðar ásamt drögum að sam-
komulagi við Landssímann ásamt
fyrirheiti um úthlutun bygging-
arréttar á lóð við Suðurlands-
braut. Samþykkt var að láta
vinna forsögn að deiliskipulagi á
Laugardalssvæðinu þar sem tek-
ið verði tillit til ákvæða í sam-
komulagi borgarinnar og Lands-
símans jafnframt því sem á öðr-
um lóðum á svæðinu gildi hlið-
stæðir skilmálar og á lóð Lands-
simans. Borgarráðsfulltniar
sjálfstæðismanna létu bóka að
sem fyrst verði sýndar á
deiliskipulagstillögu hugmyndir
um uppbyggingu á reit Lands-
síamns.
„Að okkar mati er það algjört
skilyrði fyrir uppbyggingu á
þessum reit að staðsetning bygg-
inga, bflastæða og og frágangur
lóða og aðkoma falli vel að nán-
asta umhverfi í Laugardalnum,“
segir í bókuninni.
Á fundi skipulags- og umferð-
arnefndar 12. aprfl 1999 var lögð
fram samþykkt borgarráðs varð-
andi fyrirheit um úthlutun bygg-
ingarreitar á lóð Landssímans í
Laugardal ásamt drögum að
samkomulagi Reykjavíkurborgar
og Landssímans.
Á fundi 28. júní 1999 var málið
á ný tekið til meðferðar í skipu-
lags- og umferðarnefnd en um-
fjöllun frestað.
19. júlí kom málið enn fyrir í
nefndinni og þá var samþykkt
með 3 atkvæðum gegn 2 atkvæð-
um sjálfstæðismanna að auglýsa
breytingu á deiliskipulagi Laug-
ardals. I bókun höfnuðu fulltrúar
sjálfstæðismanna algjörlega hinu
nýja deiliskipulagi og hörmuðu
að það væri hvorki í takt við tím-
ann né endurspeglaði jákvæða
framtíðarsýn.
Á fundi borgarráðs 20. júlí
1999 komu málefni Laugardals-
ins til umfjölhinar þegar Júlíus
Yífill Ingvarsson, fúlltrúi sjálf-
stæðismanna, lagði að nýju fram
tillögu sína um víkingaaldargarð
á svæðinu. Málinu var vísað frá
með fjórum atkvæðum meirihlut-
ans.
Á fundi ráðsins 23. júh' kom
samþykkt skipulags- og umferð-
arnefndar frá 19. júlí til umfjöll-
unar í borgarráði. Þar var sam-
þykkt gegn atkvæðum sjálfstæð-
ismanna að auglýsa skipulagstil-
löguna sem breytingar á aðal-
skipulagi Reykjavfkur annars
vegar og hins vegar sem breyt-
ingu á deiliskipulagi Laugardals.
Saga hugmynda
um Tómstundahús
22. febrúar 1995 var á fúndi
skipulagsnefndar lagt fram bréf
Gests Jónssonar f.h. Jóns Ólafs-
sonar þar sem sótt er um lóð fyr-
ir kvikmyndahús. Ekki er tiltek-
inn ákveðinn staður í bréfinu en
óskað eftir viðræðum við borgina
um hvort og þá hvaða lóðir standi
til boða. Eins og fram kemur í
viðtali við Jón Ölafsson í þessari
umfjöllun hafði hann f borgar-
stjóratíð Markúsar Arnar Antons-
sonar falast í þessu skyni eftir
lóðinni við Listabraut þar sem
Verslunarháskólinn stendur nú.
Gestur sendi nýtt erindi 13.
janúar 1997 og vísaði til við-
ræðna við borgina og sótti um
lóð með fimm hugmyndum að
staðarvali. Þar var um að ræða
Tryggvagötu austan tollhúss-
ins, Suðurlandsbraut vestan við
Glæsibæ og hús TBR og þrír
möguleikar við Reykjanes-
braut.
Á fundi borgarráðs 30. mars
1999 var bréf Gests lagt fram.
Borgarráð samþykkti með 4 at-
kvæðum gegn 3 að fela borgar-
stjóra að taka upp viðræður við
Bíó um þarfir fyrirtækisins og
hvernig þær hugmyndir, sem
umsóknin byggist á, falli að notk-
un og skipulagi Laugardalsins.
Borgarráðsfulltrúar Sjálfstæðis-
flokksins lýstu sig í bókun algjör-
lega andvíga úthlutun lóðarinnar
í þessu skyni.
Á borgarráðsfundi 23. júlí síð-
astliðinn var svo lögð fram um-
sókn Bíós frá 16. þessa mánaðar
um lóð í Laugardal fyrir tóm-
stundahús ásamt teikningum og
greinargerð fyrir Tómstunda-
húsi.