Morgunblaðið - 28.01.2000, Blaðsíða 16

16 FÖSTUDAGUR 28. JANÚAR 2000
MORGUNBLAÐIÐ
AKUREYRI
Landnám og kristnitaka verkefni þemadaga í Giljaskóla
Skemmti-
legt í
skólanum
NEMENDUR Giljaskóla hafa síð-
ustu daga verið að vinna við þema-
verkefni sem tengist árþúsundi og
er litið til baka í túnann um 1000 ár.
Helstu verkefni þemadaganna eru
þar af leiðandi landnám og kristni-
taka og er horft til þessara þátta frá
ýmsurn sjónarhomum. Börnunum
er skipt niður í hópa þvert á aldur
þannig að böm á ýmsum aldri vinna
saman að verkefnunum. Alls er unn-
ið við ellefu verkefhi og em þau afar
fjölbreytileg. Meðal þess sem unnið
er að er goðatrú, kristnitaka, einn
hópur er að útbúa bænahús, annar
skoðar skipakost og siglingar og
enn annar húsakost og í því skyni er
útbúið hlóðareldhús. Þá em fþróttir
fornmanna til umfjöllunar, sem og
leikir til foma, en þeir sem þann hóp
fylla útbúa taflborð og skera menn
út í tré. Tónlist og dansi em gerð
skil og myndmennt einnig svo fleiri
dæmi séu tekin af því sem hinir at-
orkusömu nemendur Giljaskóla hafa
verið að vinna að í vikunni.
í einni skólastofunni var hópur
barna í 1. til 6. bekk að vinna að
ýmsu því er tengist goðafræði.
Bömin höfðu gert ótal teikningar
sem sýndu atburðina Ijóslifandi en
þau höfðu líka búið til eins konar
leikbrúður, þannig mátti sjá Hel
sitja í sæti sínu og Fenrisúlfurinn
gnæfði í öllu súiu veldi uppi á borði
við hlið hins eineygða Óðins. Þær
Silja og Vigdís vom að leggja loka-
hönd á gerð einnar slíkrar brúðu.
„Þetta er Baldur,“ sögðu þær og
klipptu í óða önn niður hár til að
setja á höfuð hans. Þeim þótt hár
hans nokkuð sítt en kennarinn benti
á að allar hetjur hefðu verið með sítt
hár og létu þær gott heita. „Við er-
um búnar að klæða hann í föt, mála
beltið hans og fullt fleira," sögðu
vinkonumar. „Það er miklu
skemmtilegra í skólanum þegar em
þemadagar," bættu þær svo við.
Morgunblaðið/Kristján
Silja og Vigdís í óðaönn að klippa niður hár á Baldur en að baki þeim má
m.a. sjá Óðin og Fenrisúlfinn ógurlega.
Landnám og kristnitaka eru helstu verkefni nemenda í Giljaskóla á
þemadögum sem staðið hafa yfir þar í vikunni. Hér em ungar stúikur að
mála veggmynd.
Dæmdur fyrir
árás á konu
KARLMAÐUR á fimmtugsaldri ,
sem gegnir embætti sóknarprests á
Möðruvöllum í Hörgárdal ,hefur í
Héraðsdómi Norðurlands eystra
verið dæmdur í 45 daga fangelsi ,
skilorðsbundið til tveggja ára, fyrir
líkamsárás. Þá var honum gert að
greiða brotaþola tæplega 160 þús-
und krónur auk vaxta sem og sakar-
kostnað.
Höfðað var mál á hendur mannin-
um fyrir líkamsárás fyrr í þessum
mánuði, með því að hafa um mið-
nætti miðvikudagskvöldið 8. sept-
ember síðastliðinn og aðfaranótt 9.
september ráðist að konu í sumar-
bústað að Snorrastöðum í Borgar-
firði, tekið hana hálstaki, barið höfði
hennar við gólf auk þess að sparka í
kvið hennar, bak og fætur. Síðar eft-
ir að hún hafði veitt honum kinnhest
tók hann hana aftur hálstaki og
lamdi höfði hennar ítrekað í gólfið,
sneri upp á handlegg hennar og
sparkaði í hana jafnframt því sem
hann dró hana fram og til baka á
ökklunum. Hlaut konan áverka í
kjölfar árásarinnar.
Málsatvik eru þau að maðurinn og
konan dvöldu í nokkra daga í sumar-
bústaðnum, en urðu ósátt umrætt
kvöld og kom til átaka þeirra á milli.
Fljótlega að þeim loknum yfirgaf
maðurinn bústaðinn en konan dvaldi
þar áfram um nóttina, en ók í Borg-
ames daginn eftir og leitaði þar
læknis.
Maðurinn viðurkenndi fyrir dómi
að til átaka hefði komið milli þeirra,
en hann kvað lýsinguna á þeim hins
vegar fjarri lagi, en vildi ekki lýsa
þeim að öðru leyti en hann teldi kon-
una eiga upptökin að þeim.
Framburður konunnar
lagður til grundvallar
Dómnum þótti mega leggja fram-
burð konunnar til grundvallar og
taldi því sannað að maðurinn hefði
veist að henni með þeim afleiðingum
að hún hlaut áverka af. Konan gerði
kröfu um skaða- og miskabætur að
upphæð tæplega 900 þúsund krónur.
í Héraðsdómi Norðurlands eystra
þóttu miskabætur hæfilega ákveðn-
ar 80 þúsund krónur en samtals með
rökstuddum bótakröfum nemur
upphæðin um 160 þúsund krónur.
75 ára afmæli
Akureyrardeildar
Rauða krossins
AKUREYRARDEILD Rauða kross
Islands verður 75 ára á morgun,
laugardaginn 29. janúar og af því
tilefni gefst bæjarbúum og nær-
sveitarmönnum tækifæri á að
kynnast starfseminni í húsnæði
deildarinnar að Viðjulundi 2 frá
kl. 13 til 17 á afmælisdaginn og
þiggja þar veitingar um leið.
Það var að frumkvæði Stein-
gríms Matthíassonar, þáverandi
héraðslæknis, að Rauða kross fé-
lag var stofnað á Akureyri, 29.
janúar 1925. Markmið félagsins
hefur allt frá upphafi verið fyrst
og fremst að hlúa að þeim sem
eiga um sárt að binda og veita sem
flestu fólki tækifæri til einhverrar
reisnar, þótt eymd og hörmungar
hafi steðjað að. Félag eins og
Rauði krossinn byggir að miklu
leyti á öflugu sjálfboðaliðastarfi
sem og velvild og stuðningi al-
mennings.
Jeppa-
málið
óupplýst
LÖGREGLAN á Akureyri
hefur enn ekki upplýst hver
það var sem tók jeppann sem
fór í gegnum rúðu á Hár-
snyrtistofunni Zone við
Strandgötu ófrjálsri hendi í
fyrrakvöld.
Jeppinn, sem er sjálfskipt-
ur, hafði Verið skilinn eftir af
eigandanum í gangi við fisk-
búðina sem stendur á bak við
Zone. Þar var hann tekinn óf-
rjálsri hendi, ekið fram fyrir
hús en skilinn þar eftir í
bakkgír með fyrrgreindum af-
leiðingum. Starfsfólki og við-
skiptavinum Zone varð ekki
meint af en nokkrar skemmd-
ir urðu á húsnæðinu.
Kirkjustarf
LAUFÁSPRESTAKALL: Kirkju-
skóli á morgun, laugardaginn 29.
janúar kl. 11. í Svalbarðskirkju.
Kyrrðarstund kl. 21 á sunnudags-
kvöld, 30. janúar. Kirkjuskóli i
Grenivíkurkirkju kl. 13.30 á laug-
ardag.
MOÐRUVALLAPRESTAKALL:
Sameiginleg kvöldguðsþjónusta
fyrir allt prestakallið verður í
Möðruvallakirkju í Hörgárdal
næstkomandi sunnudag, 30. jan-
úar, og hefst kl. 20.30. Kór
kirkjunnar syngur, organisti Birgir
Helgason.
Snæfell dregur saman seglin í Hrísey
Pökkunarstöðin
flutt til Dalvíkur
SÍÐASTI vinnudaginn í pökkunar-
stöð Snæfells í Hrísey var í fyrradag
og hafa vélar og tæki þegar verið
fluttar til Dalvíkur, þar sem Snæfell
hefur reist um 700 fermetra húsnæði
undir pökkunarstöðina. Stefnt er að
því að prufukeyra tækjabúnaðinn í
nýja húsinu á þriðjudaginn í næstu
viku.
Að sögn Gunnars Aðalbjörnsson-
ar, rekstrarstjóra Snæfells á Dalvík,
er síðasti vinnudagurinn hjá Snæfelli
í Hrísey nk. mánudag hjá því fólki
sem er á þriggja mánaða uppsagnar-
fresti en þeir starfsmenn sem eru
með lengri uppsagnarfrest munu
vinna í laxareykingunni og öðrum til-
fallandi verkefnum.Við flutning
pökkunarstöðvarinnar til Dalvíkur
missa Hríseyingar 12 heil störf í
burtu en að sögn Gunnars hafa 8
starfsmenn verið ráðnir í pökkunar-
stöðina á Dalvík. „Hríseyingar vilja
ekki koma í vinnu til Dalvíkur."
Hlutafélag um laxareykinguna
Gífurlegur titringur varð í Hrísey
sl. haust þegar spurðist út að Snæfell
hefði ákveðið að færa pökkunarstöð
félagsins til Dalvíkur. Eftir að það
var svo gert opinbert, héldu heima-
menn borgarafund þar sem stjórn
KEA, sem aðaleigandi Snæfells, var
harðlega gagnrýnd. Auk þess skor-
Morgunblaðið/Kristján
Snæfell hefur reist um 700 fermetra húsnæði á Dalvík undir pökkunar-
stöðina sem þangað hefur verið flutt frá Hrísey. Hér er Guðmundur Sig-
fússon múrameistari að leggja í gólfið á nýja húsinu.
uðu Hríseyingar á forsvarsmenn
KEA að koma til fundar við heima-
menn, sem þeir og gerðu.
Önnur starfsemi á vegum Snæ-
fells í Hrísey hefur falist í ýmiss kon-
ar vinnslu í smáum stíl í frystihúsinu
og í því að reykja lax til útflutnings.
Stefnt er að því að stofna sérstakt
hlutafélag á allra næstu dögum um
laxareykinguna. Gert er ráð fyrir að
Snæfell muni eiga minnihluta í því
hlutafélagi í upphafi en félagið stefn-
ir svo að því að draga sig út úr
rekstrinum í Hrísey í framtíðinni.
Tónleikar
í Akur-
eyrar-
kirkju
SIGRÚN Eðvaldsdóttir fiðlu-
leikari og Philip Jenkins píanó-
leikari halda tónleika á vegum
Tónlistarfélags Akureyrar í
Safnaðarheimili Akureyrar-
kirkju á morgun, laugardaginn
29. janúar, kl. 17.
Þau flytja þrjár sónötur eftir
Mozart, Beethoven og Prokof-
ieff.
Sigrún Eðvaldsdóttir er einn
af okkar snjöllustu fiðluleikur-
um og starfar nú sem konsert-
meistari Sinfóníuhljómsveitar
íslands.
Philip Jenkins gegnir stöðu
yfirprófessors í píanódeild
Royal Scottish Academy of
Music and Drama í Glasgow.
Hann kenndi um árabil við
Tónlistarskólann á Akureyri og
komu þá margir innlendir og
erlendir listamenn til tónleika-
halds með honum á vegum
skólans og Tónlistarfélags Ak-
ureyrar. Má þar m.a. nefna
fiðluleikarann Ionu Brown.
Meðan hann dvaldi hér á Akur-
eyri lék Philip Jenkins allar
píanósónötur Mozarts á kynn-
ingum sem Tónlistarfélag Ak-
ureyrar stóð fyrir. Einnig
fluttu þau Guðný Guðmunds-
dóttir fiðluleikari hér á Akur-
eyri allar sónötur Beethovens
fyrir fiðlu og píanó.