Morgunblaðið - 28.01.2000, Blaðsíða 25

MORGUNBLAÐIÐ
ÚR VERINU
Loðnan
dreifðari
en áður
FREKAR rólegt var á loðnumiðun-
um fyrir austan land í gærmorgun.
Veiði gekk illa árla dags og svo virt-
ist sem loðnan hefði dreift sér en
seinnipartinn fór að rofa til á ný.
Viðar Karlsson, skipstjóri á Víkingi
AK, segir að ástandið sé eðlilegt og
vonast til að loðnan verði komin að
Hornafirði innan viku.
Hólmaborg SU fékk um 400 tonn
í fyrsta hali um miðjan dag í gær,
en skipið var út af Litla dýpi. „Þetta
hefur verið frekar dapurt undan-
farnar klukkustundir en virðist
vera að lagast," sagði Þorsteinn
Kristjánsson skipstjóri við Morgun-
blaðið. Hann sagði að hvesst hefði í
fyrrinótt en veðrið hefði lagast eftir
því sem liðið hefði á gærdaginn.
Sjö önnur skip voru á sama bletti
og Hólmaborgin og öll með flottroll.
„Hún kemur fljótt í trollið hitti
maður á hana en það er ekki hægt
að kasta nót hérna,“ sagði Þor-
steinn og bætti við að þeir væru að
trolla niður á 130 faðma.
Við Hornafjörð innan viku
Víkingur AK veiðir loðnuna í nót
og landaði um 900 tonnum af loðnu í
bræðslu á Akranesi í fyrradag en
var væntanlegur aftur á miðin í nótt
sem leið. Þetta var fyrsti túr skips-
ins sem var frá veiðum í hálfan
mánuð vegna vélarbilunar. „Það er
ekkert óeðlilegt ef eitthvað breyt-
ist, að það komi leiðinda vika,“ segir
Viðar Karlsson, skipstjóri á Vík-
ingi, um stöðuna á miðunum. „Þetta
er allt mjög hefðbundið. Hún er að
brjótast inn í heita vatnið og koma
inn að ströndinni. Þessu fylgja erf-
iðir dagar en við ætlumst til að hún
verði komin við Hornafjörð innan
við viku, fyrir 5. febrúar."
Loðnan var komin suður í Beru-
fjarðarál og var auk þess fyrir utan.
„Hún hverfur þegar hún kemur
syðst á svæðið, dreifir sér þannig að
við sjáum hana ekki og yfirleitt vit-
um við ekkert um hana síðustu dag-
ana en vel má vera að hægt sé að
fara aftur norður á meðan.“
Meiri kvóti væntanlegur
Loðnuveiðin hefur annars gengið
mjög vel í janúar og í gær hafði ver-
ið tilkynnt um landanir á samtals
um 130.000 tonnum. Á vertíðinni í
heild hafa borist rúmlega 212.500
tonn og eru því eftir um 360.000
tonn af upphafskvótanum en gera
má ráð fyrir að kvótinn verði auk-
inn fljótlega.
-----------
Hrekjast
undan
hafísnum
Á ANNAN tug rækjuskipa hraktist
undan hafís norður af Húnaflóa
fyrr í vikunni. Skipin eru nú að
veiðum norður af Grímsey og bíða
þess að komast aftur að á vestara
veiðisvæðinu en þar hefur afli verið
að glæðast að undanförnu.
Að sögn Hrólfs Ólafssonar, skip-
stjóra á rækjutogaranum Nökkva
HU, var allur rækjuflotinn, alls 10
til 12 skip, að veiðum norður af
Grímsey í gær. Nokkur skip voru
íyrr í vikunni á veiðum norður af
Húnaflóa en urðu frá að hverfa
vegna hafíssins. „Aflabrögðin á
rækjunni hafa ekki verið mjög
burðug að undanförnu. Hins vegar
hefur veiðin aðeins verið að glæðast
á vestara veiðisvæðinu að undan-
förnu. Þar höfum við líka fengið
mun stæi-ri og betri rækju og erum
því hálfsvekktir yfir því að þá skuli
svæðið lokast vegna íss. En hins
vegar getur ísinn verið jafn fljótur
að hopa eins og hann er að koma og
vonandi getum við farið aftur á
þetta svæði eftir helgi,“ sagði
Hrólfur.
FÖSTUDAGUR 28. JANÚAR 2000 25
Ferskir vindar leika um heimilið
ÚTSALAN ER HAFIN
stendur til 13. febrúar
habitat Heimaerbest,
Borgaðu ekki meira en þú þarft
fyrir símtöl til útlanda
DaBml tjm veröl
Bandaríkin Frjáls fjarskipti 23 kr./mín. Landssíminn 35 kr./mín. (52% hærra verð)
Danmörk 23 kr./mín. 30 kr./mín. (30% hærra verð)
Frakkland 27 kr./mín. 36 kr./mfn. (33% hærra verð)
ftalfa 27 krJmín. 42 kr./mín. (56% hærra verð)
Japan 45 kr./mín. 66 kr./mín. (47% haerrá verð)
Astralíá 23 kr./mín. 58 kr./mín. (152% hærra verð)
FRJÁLS'J^'FJARSKIPTI
Frjáls fjarskipti hf. ♦ Skúlagötu 19*101 Reykjavlk * Slmi 53 50 500 * Fax 552 5051 * halloOhallo.is * www.hallo.is
...en gerðu samt kröfur um raunveruleg gæði.
Þú hringir í 00 eins og venjulega og velur svo
erlenda númerið. Sama verð allan sólarhringinn.
Engin áskriftargjöld! Enginn stofnkostnaður!
Þú greiðir aðeins mínúturnar.
Skráðu þig í síma 53 50 500 eða á hallo.is!
Ódýr samtöl til útlanda