Morgunblaðið - 28.04.2000, Side 33

MORGUNBLAÐIÐ
FÖSTUDAGUR 28. APRÍL 2000 33
LISTIR
Kátur karlakór
TOIVLIST
Oddvitinn, Akureyri
KARLAKÓR AKUREYR-
AR-GEYSIR
Á efnisskránni voru 22 lög sem
áttu það sameiginlegt að vera eft-
ir bítlana John Lennon og Paul
McCartney og útsett fyrir kór og
hljómsveit af stjórnandanum
Roari Kvam. Miðvikudagskvöldið
19. apríl.
EITTHVAÐ er það við þessa tón-
list sem gerir hana jafn vinsæla og
raun ber vitni. Bítlalögin eru svo
sem ekkert sérstaklega flókin en
laglínurnar og hljómasamsetning-
in eru alltaf jafn frábær og hafa
verið tónlistarmönnum ótæmandi
uppspretta undanfarna fjóra ára-
tugi. Stórar sinfóníuhljómsveitir
spila bítlalög, óperusöngvarar
spreyta sig á þeim með misgóðum
árangri og stundum heyrast þau í
fáguðum barokk-búningi. Frábær-
ir sönghópar á borð við hina
bresku King’s Singers hafa gert
bítlalögunum ágæt skil og svo
mætti lengi telja.
Utsetningar Roars létu vel í
eyrum og greinilegt að hann kaus
að feta þar mjög hefðbundnar
slóðir; var í einu og öllu mjög trúr
hinum upprunalega bítlahljómi.
Ymsar skemmtilegar hugmyndir
mátti þó heyra inn á milli s.s. eins
og í „Girl“, „She’s leaving home“
og „Strawberry fields forever" þar
sem indversk áhrif voru allt í einu
ríkjandi. Það er auðvitað alltaf
álitamál hvort einhver ein leið sé
öðrum betri í þessu tilliti en mér
hefði fundist spennandi að heyra
meira af „tilraunum" í líkingu við
það sem áður er nefnt.
Hluti Karlakórs Akureyrar-
Geysis var mættur til leiks ásamt
söngvurunum Helenu Eyjólfsdótt-
ur og Pálma Gunnarssyni og tíu
manna hljómsveit.
Skemmtanagildi efnisskrárinn-
ar fór ekki á milli mála og satt að
segja langt síðan ég hef séð svona
kátan karlakór! Það er hins vegar
alveg ljóst að miklu meiri samæf-
ingu hefði þurft, ekki síst vegna
textanna, sem voru oftar en ekki
dálítið grautarlegir. Það er ekki
gæfulegt þegar heill kór (með fá-
einum undantekningum þó) grúfir
sig yfir nótnablöðin til að reyna að
klóra sig fram úr texta. Þá er
nefnilega svo hætt við að allt
„swing“ detti úr músíkinni og sam-
bandið við stjórnandann rýkur út í
veður og vind. Dæmi um hið gagn-
stæða var t.d. flutningur kórsins á
„Yesterday"; allir kunnu textann
og söngurinn fékk fyrir vikið allt
annað yfirbragð. Mjög fallega
gert.
Leikur hljómsveitai’innar var
ágætur í það heila og stundum
mjög þéttur og finn. Kristján
Edelstein gítarleikari átti t.d.
nokkra ansi góða „bítl“-spretti!
Annars var hljómsveitin fullhávær
á köflum og kaffærði kórinn, en af
einhverjum ástæðum var jafnvæg-
ið betra eftir hlé, kannski vegna
þess að kórinn sótti í sig veðrið.
Pálmi Gunnarsson söng sérlega
vel hvort sem var í mjúkum ballöð-
um eins og „The long and winding
road“ eða kröftugri lögum s.s.
„Lady Madonna". Helena Eyjólfs-
dóttir söng nokkur lög, þ.á m.
„Fool on the hill“ þar sem djúp og
þýð rödd hennar fékk að njóta sín.
TVeir kórfélagar komu einnig fram
sem einsöngvarar; Jóhann Möller
stóð sig vel í „All my loving" en
senunni stal ungur og bráðefnileg-
ur tenór, Kjartan Smári Höskulds-
son, með verulega sjarmerandi
flutningi á „When I’m sixty-four“.
Flytjendur allir uppskáru mikla
gleði áheyrenda, sem fjölmenntu á
tónleikana. Bítlarnir trekkja alltaf
að og það gera líka íslenskir karla-
kórar. Með fullri virðingu fyrir
þeim síðarnefndu þá finnst mér
löngu kominn tími til að aðstand-
endur þeirra fari að huga að nýju
og fersku verkefnavali. Islenskir
karlakórar eru margir hverjir að
syngja það sama ár eftir ár. I þetta
sinn var það ágætis tilbreyting að
heyra bítlalög í stað „Brennið þið
vitar“ og „Islands hrafnistumenn"
en svo er það öll hin músíkin sem
bíður... Og það verður gaman að fá
að heyra jafn voldugt hljöðfæri og
góður karlakór getur vissulega
verið glíma við verðug viðfangs-
efni.
Rósa Kristín Baldursdóttir
Sýning á
málverk-
um hjá
Ófeigi
ROSWITHA Ceglars Wollschlaeg-
er opnar sýningu á málverkum
sínum í Listhúsi Ofeigs að Skóla-
vörðustíg 5 á laugardag kl. 14.
Roswitha stundaði nám í málara-
list í fjögur ár í listaskóla í Kiel ár-
in 1978-1982 en flutti til Flens-
borgar árið 1993 og er hún í stjórn
Menningarfélags Flensborgar.
Roswitha hefur haldið fjölmarg-
ar einkasýningar í Þýskalandi og
einnig tekið þátt í földa samsýn-
inga, en þetta er í fyrsta sinn sem
hún sýnir á erlendri grundu.
Listakonan mun vera hér á landi
meðan á sýningunni stendur en
hún stendur aðeins í eina viku.
Opið er á opnunardaginn frá kl.
14-16 sunnudaginn 30. apríl kl. 14-
18. en virka daga 10-18. Við opn-
unina mun Kawal flautukvartett
flytja tónlist.
Mégane Classic er öruggari, stærri og kraftmeiri
Mégane Classic kostar frá 1.398.000 kr.
Renault Méganc Classic er fallegur bíll í millistærð en fasst þó á svipuðu verði og lítill fólksbíll.
Sem dæmi um stærðina má nefna farangursrými Classic sem er hvorki meira né minna en
510 lítrar. Þá er Classic bæði öruggari og kraftmeiri en bflar í sama stærðarflokki. Classic
fæst til dæmis bæði með 95 ha. 1400 vél og 107 ha. 1600 vél ef þú vilt enn mciri kraft.
Prófaðu Renault Mégane Classic; stærri, kraftmeiri og öruggari bfl.
RENAULT