Morgunblaðið - 19.09.2000, Blaðsíða 23

MORGUNBLAÐIÐ
VIÐSKIPTI
ÞRIÐJUDAGUR 19. SEPTEMBER 2000 23
Kaupþing opnar verðbréfafyrirtæki í Stokkhólmi
I hjarta norræna
fj ármálamarkaðsins
Hlutabréfamarkaðurinn á Norðurlöndum
Kauphallir Markaðsvirði Markaðsv.(%) Velta Veíta (%)
Kaupmannahöfn 164.650 13,9 68.316 10,0
Helsinki 416.800 35,3 150.792 22,0
Osló 74.386 6,3 66.430 9,7
Reykjavík 6.265 0,5 812 0,1
Stokkhólmur 520.107 44,0 397.526 58,1
1.182.208 6S3.876
Arnór Gisli Ólafsson
Jóhann G. Jóhannsson, forstöðumaður Kaupþings í Stokkhólmi.
KAUPTHING Investment Bank
Stockholm var formlega opnaður
fyrir síðustu helgi og er þetta eina
verðbréfafyrirtækið í eigu Islend-
inga sem starfar í Skandinavíu.
Kaupthing Stockholm mun sinna
alþjóðlegri fjárfestingu með miðl-
un íslenskra og alþjóðlegra verð-
bréfa. Þá mun Kaupthing Stock-
holm einnig sinna fyrirtækja-
þjónustu þar sem áhersla verður
lögð á að tengja saman íslensk og
skandinavísk fyrirtæki. Jafnframt
hefur fyrirtækið sett á stofn fyrsta
norræna hlutafjársjóðinn sem
íslenskt fjármálafyrirtæki rekur
og verður sjóðurinn rekinn í
samvinnu við Kaupþing í Reykja-
vík.
Höfuðborg fjármálalífsins
á Norðurlöndum
Jóhann G. Jóhannsson, forstöðu-
maður Kaupþings í Stokkhólmi,
sagði í ræðu að mikil tækifæri
væru fólgin í því að tengja saman
íslenska og skandinavíska verð-
bréfamarkaði og þjóðhagslega
hagkvæmt væri að tengja saman
norrænu hagkerfin. Skandinavía
væri mjög spennandi markaður og
opnaði nýja möguleika fyrir ís-
lenska fjárfesta. I máli Jóhanns
kom fram að það væri engin tilvilj-
un að Kaupþing hefði ákveðið að
opna verðbréfafyrirtæki í Stokk-
hólmi en ekki í Kaupmannahöfn
eða Osló, Stokkhólmur væri orðinn
höfuðborg fjármálalífsins á Norð-
urlöndunum; í borginni væri OM
Stockholmsbörsen, verðbréfahöll
Svíþjóðar, þar sem fram færi
meira en helmingur af öllum hluta-
bréfaviðskiptum sem eiga sér stað
á Norðurlöndunum.
Verðbréfamarkaðurinn í Stokk-
hólmi á sér langa sögu en fyrsta
byggingin yfir verðbréfahöllina
var reist ápið 1778 og var í upp-
hafi mest verslað með vörur,
víxla og tryggingar en raunveru-
leg viðskipti með verð- og hluta-
bréf hófust nokkru seinna eða um
1863 með konunglegri tilskipun
um að verðbréfahöllinni í Stokk-
hólmi væri heimilt að versla með
hlutabréf og skuldabréf. Sænski
markaðurinn er nú með 44% af
heildarverðmæti alls norræna
verðbréfamarkaðsins og veltan er
einnig langmest í Stokkhólmi eða
58% af heildarveltu verðbréfa. Þá
sagði Jóhann að það væri einnig
mikill kostur að lagaleg og fé-
lagsleg umgjörð væri sambærileg
Kauphöllin í Ósló
Stefnt
að hluta-
fjárútboði
Ósló. Morgunblaðið.
STEFNT er að því að bjóða út hluta-
bréf í Kauphöllinni í Osló í byrjun
næsta árs í opnu hlutafjárútboði, að
því er fram kemur í fréttatilkynn-
ingu frá Kauphöllinni. Nýtt frum-
varp til laga um kauphallir verður
lagt fram á norska þinginu nú í haust
og samhliða hefst undirbúningur að
einkavæðingu Kauphallarinnar í
Ósló. Með hlutafjárútboðinu á næsta
ári er stefnt að því að gera Kauphöll-
ina að almenningshlutafélagi, ef sam-
þykki þingsins fæst. Eitt eða fleii-i
verðbréfafyrirtæki munu sjá um út-
boðið, að því er fram kemur í tilkynn-
ingunni, og hefur kauphöllin i þeim
tilgangi haft samband við alla kaup-
hallaraðila. Einnig kemur til greina
að erlent fyrirtæki komi að útboðinu.
auk þess sem markaðurinn í
Stokkhólmi væri vel skipulagður
og skilvirkur verðbréfamarkaður
og fyrirtækjahefð væri þar rót-
gróin. Stjórnvöld í Svíþjóð hefðu
lagt sig fram um að skapa fjár-
málastofnunum þægilegt starfs-
umhverfi en bankaeftirlit væri
engu að síður mjög öflugt og fjár-
málafyrirtæki í Svíþjóð störfuðu
samkvæmt ströngustu reglum
Evrópusambandsins.
Þá skipti ekki síður máli að
markaðurinn í Stokkhólmi væri í
fararbroddi í vaxtargeirum eins og
til að mynda í hátækni og fjar-
skiptum. Nefna mætti fyrirtæki á
borð við Eriesson sem væri í
fremstu röð á sínu sviði. Þá væri
að finna mörg alþjóðleg fyrirtæki í
lyfja- og líftækniðnaði í Svíþjóð
eins og AstraZeneca, Pharmacia &
Upjohn og Gambro.
Liður í alþjóða-
væðingu Kaupþings
Opnun útibús í Stokkhólmi er
enn einn liðurinn í fyrirhugaðri al-
þjóðavæðingu Kaupþings en Kaup-
þing er nú með starfsemi í fjórum
löndum utan Islands: í Lúxem-
borg, New York, Færeyjum og nú
síðast í Stokkhólmi þar sem starfa
sjö manns en alls starfa nú hjá
Kaupþingi um 220 manns í fimm
löndum. Kaupþing var upphaflega
stofnað árið 1982 en fyrirtækið
hefur verið í fullri eign sparisjóð-
anna frá árinu 1996.
Jóhann segir að meginhlutverk
Kaupþings Stokkhólmi sé að
tengja íslenska hagkerfið við það
skandinavíska og flytja út og
kynna íslensk fjárfestingartæki-
færi í Skandinavíu. Þá muni Kaup-
þing í Stokkhólmi markaðssetja
Island og starfa sem öflugur full-
trúi landsins í Skandinavíu jafn-
framt því sem unnið verði að því
að kynna skandinavíska markað-
inn á Islandi.
Með tilkomu Kaupþings í
Stokkhólmi skapist einnig skil-
yrði til þess að bæta við fjármála-
þekkingu frá stærri markaði og
byggja upp tækniþekkingu frá
markaði sem er í fremstu röð í
hátækniiðnaði.
Sjóður um fjárfestingar
í hátækniiðnaði
Meginstarfsemi Kaupþings í
Stokkhólmi má að sögn Jóhanns
skipta í fjóra flokka, þ.e. rekstur
áhættufjárfestingarsjóða, fyrir-
tækjaráðgjöf, verðbréfamiðlun og
rekstur annarra sjóða og er tekið
mið af þessari skiptingu í skipuriti
fyrirtækisins í Stokkhólmi. Rekst-
ur hátæknisjóðsins Alpha I fellur
undir áhættufjárfestingarsjóði.
Sigurður Einarsson, forstjóri
Kaupþings, segir að markaðurinn í
Stokkhólmi sé ekki síst áhugaverð-
ur vegna þess að í Svíþjóð sé að
finna mjög þróaðan hátækniiðnað,
s.s. fyrir þráðlaus fjarskipti, síma-
fyrirtæki og tæknifyrirtæki tengd
þeim iðnaði og það sé geiri sem
Kaupþing vilji gjarna hasla sér
völl á. í þeim tilgangi hafi menn
stofnað hátæknisjóðinn Alpha I
með um 350 milljónum sænskra
króna sem mun einmitt fjárfesta í
fyrirtækjum úr þessum geira.
Fyrstir til að stofna
norrænan hlutabréfasjóð
Fyrirtækjaráðgjöf Kaupþings í
Stokkhólmi tekur meðal annars til
skráningar og útboða auk ráðgjaf-
ar við samruna og yfirtökur. Verð-
bréfasviðið mun aftur á móti sjá
um miðlun íslenskra verðbréfa í
Skandinavíu og miðlun skandinav-
ískra bréfa á Islandi auk þess sem
það mun kynna íslensk fjárfesting-
artækifæri í Skandinavíu.
Með stofnun Nordic Growth
Fund, sem er norrænn verðbréfa-
sjóður, ríður Kaupþing á vaðið og
stofnar fyrst íslenskra fjármála-
fyrirtækja norrænan hlutabréfa-
sjóð en sjóðurinn verður rekinn í
samvinnu við Kaupþing í Reykja-
vík.
Sjóðurinn mun fjárfesta í nor-
rænum hlutafélögum, sænskum,
finnskum, dönskum, norskum og
íslenskum, sem skráð eru á mark-
aði.
Lögð verður áhersla á að kaupa
í fyrirtækjum sem talin eru eiga
góða vaxtarmöguleika og miðað
verður við að fjárfestingar sjóðsins
í fyrirtækjum frá hverju Norður-
landanna fyrir sig verði nokkurn
veginn í réttu hlutfalli við stærð
landanna á hinum norræna fjár-
magnsmarkaði. I upphafi verður
lögð áhersla á að fjárfesta í fyrir-
tækjum sem starfa á sviði þráð-
lausra fjarskipta og í hátækni-, líf-
tækni- og lyfjaiðnaði. Sjóðstjóri
Nordic Fund verður Tarkan Cong-
er en hann hefur starfað í verð-
bréfamiðlun Kaupþings frá árinu
1999 sem sérfræðingur í alþjóða-
viðskiptum með áherslu á Norður-
lönd.
Wal-Mart skipað
að hækka vöru-
verð í Þýskalandi
WAL-MART verslunarkeðjunni,
ásamt tveimur samkeppnisaðil-
um, hefur verið fyrirskipað af
samkeppnisyfirvöldum að
hækka verð á ákveðnum vörum
í Þýskalandi. Samkeppnisyfir-
völd sökuðu Wal-Mart um að
standa fyrir verðstríði í smásölu
á vörum eins og mjólk, sykri og
hveiti, sem neyddi samkeppnis-
aðila þeirra til að lækka sín
verð, að því er fram kemur í
frétt The Wall Street Journal.
Með því væri verslunarkeðjan
að nýta sér stærð sína og mark-
aðshlutdeild til að selja vörurn-
ar undir kostnaðarverði, sem
brýtur gegn þýskum lögum um
viðskiptahætti. Þó að neytendur
hagnist á þessum verðlækkun-
um til skemmri tíma, skaðar
þetta minni aðila í smásölu sem
ekki geta keppt við þessi lágu
verð, að mati samkeppnisyfir-
valda.
Talsmaður Wal-Mart, Ian
McLeod, segir að verslunar-
keðjan hafi óskað eftir frekari
skýringum frá samkeppnisyfir-
völdum.
Wal-Mart hóf verslunarrekst-
ur í Þýskalandi árið 1997 og
rekur þar 95 verslanir. McLeod
segir að farið verði að þýskum
lögum og verð hækkuð, en jafn-
framt segir hann að nokkurrar
margræðni gæti í túlkun þess-
ara laga.
Haustráðstefna Skýrslutæknifélagsins
Stjórnun upplýsingatækni
leiðir til árangurs
Grand Hótel Reykjavík
miðvikudaginn 20. september 2000
Skráning og upplýsingar
http://www.sky.is
Skýrslutæknifélag íslands
Sími 553 2460, netfang sky@sky.is
skrifstofuskápar - einfaldlega betrí

^mbl.is j
LLTAf= e!TTH\SA£> NÝl /