Morgunblaðið - 19.09.2000, Qupperneq 61

MORGUNBLAÐIÐ
ÞRIÐJUDAGUR 19. SEPTEMBER 2000 61
Taflfélagið Hellir fyrsti Norð-
urlandameistari taflfélaga
Norðurlandameistarar Hellis: Hannes Hlífar Stefánsson, Davíð Kjartans-
son, Davíð Ólafsson, Gunnar Bjömsson (liðsstjóri), Helgi Áss Grétarsson,
Bjöm Þorfinnsson, Jón L. Ámason, Karl Þorsteins og Helgi Ólafsson.
SKAK
i c c
NORÐURLANDAMÓT
TAFLFÉLAGA
16. sept. 2000
TAFLFÉLAGIÐ Hellir sigraði
með yfirburðum á Norðurlandamóti
taflfélaga, sem haldið var á Netinu
um helgina. Þetta var í fyrsta skipti
sem bestu taflfélög allra Norður-
landanna kepptu sín á milli og því
var þetta sögulegur viðburður sem
vakti mikla athygli á hinum Norður-
löndunum eins og sjá má á ítarlegri
umfjöllun á fjölmörgum vefsíðum.
Skipulagning og framkvæmd
keppninnar var í höndum Taflfé-
lagsins Hellis í samvinnu við strik.is
og stærsta „skákklúbb“ heimsins,
ICC (Internet Chess Club). Margir
höfðu áhyggjur af því, að tæknileg
vandamál myndu koma í veg fyrir að
keppnin gæti orðið áhugaverð. Sú
varð ekki raunin og Ijóst er, að
tæknilega séð er orðinn góður
grundvöllur fyrir keppni af þessu
tagi. Eina liðið sem lenti í tæknileg-
um vandræðum var það sænska,
sem hafði fengið aðstöðu hjá IBM í
Svíþjóð. Það kom í ljós, að svokallað-
ur eldveggur, sem er ætlaður til að
verja tölvukerfi IBM gegn óboðnum
gestum, kom í veg fyrir að Svíarnir
gætu teflt í keppninni. Þeir urðu því
að gefa allar sínar viðureignir.
Islenska liðið mætti í húsnæði
strik.is klukkan 12 á laugardag og
þar var ekki hægt að kvarta yfir að-
stöðunni. Strik.is er á fimmtu hæð í
hinu nýja húsnæði Nýherja í Borg-
artúni og einu áhyggjurnar vegna
aðstöðunnar voru þær að frábært
útsýnið mundi draga úr einbeitingu
liðsmanna. Þær áhyggjur reyndust
ástæðulausar og eina vandamálið
sem liðið átti við að etja var það að
sumir liðsmenn þess höfðu litla eða
enga reynslu af því að tefla á Net-
inu.
Fyrsta viðureign Hellis var gegn
Svíum. Þeir tilkynntu um tæknileg
vandamál áður en viðureignin hófst,
og lið Hellis beið þolinmótt vel fram
yfir þann tíma þegar keppnin átti að
hefjast. U.þ.b. hálftíma eftir að
keppnin hófst kom tilkynning frá
Svíum um það, að þeim hefði ekki
tekist að tengjast ICC og gæfu því
sínar viðureignir í keppninni. Hellir
leiddi því keppnina eftir fyrstu um-
ferð með sex vinninga, en Norð-
menn voru í öðru sæti eftir 4-2-sig-
urgegn Færeyjum.
I annarri umferð mætti Hellir
Dönum og sigraði 4I4-V4. Norðmenn
fengu hins vegar Svía og söxuðu því
verulega á forskot Hellis, sem hafði
10‘/2 vinning, en Norðmenn 10. Þetta
leit því út fyrir að geta orðið
skemmtilegt kapphlaup milli Hellis
og Norðmanna, en Finnar voru í
þriðja sæti með 6 vinninga.
í þriðju umferð mætti Hellir svo
helstu keppinautunum, Norðmönn-
um. Hellir kom sér tryggilega fyrir í
efsta sæti mótsins með því að sigra
4-2. Hellir var því með 14% vinning,
en Norðmenn og Finnar voru í 2.-3.
sæþi með 12 vinninga.
í næstsíðustu umferð jók Hellir
forystuna í fjóra vinninga með 5-1-
sigri gegn Færeyingum. Þeir liðs-
menn sem voru óvanir því að tefla á
Netinu voru nú farnir að taka við
sér. Hellir var kominn með 19%
vinning, en Finnar voru í öðru sæti
með 15% vinning. Hellir virtist því
sem næst vera búinn að tryggja sér
meistaratitilinn, en mikil spenna
ríkti um það hver mundi hreppa
annað sætið, því Danmörk og Nor-
egur voru einungis einum vinningi á
eftir Finnum.
Lið Hellis tryggði sér síðan efsta
sætið á mótinu með 4-2-sigri gegn
Finnum í fimmtu og síðustu umferð
mótsins. Baráttunni um annað sætið
lauk hins vegar með sigri Noregs
(Bergens Schakklub). Lokaröðin á
mótinu varð þessi:
ísland (Taflfélagið Hellir) 23% v.
2. Noregur (Bergens Schakklub)
18% v. 2. Finnland (Taraus) 17% v.
4. Danmörk (SK34 Nykobing F)
16% v. 5. Færeyjar (Havnar Telv-
ingarfelag) 14 v. 6. Svíþjóð (Sollent-
una SK) 0*
Stórmeistarinn Helgi Ólafsson
náði bestum árangri Hellismanna,
vann alla andstæðinga sína, en Helgi
er sterkasti netskákmaður okkar Is-
lendinga, og einn af stigahæstu
skákmönnum á ICC með yfir 3000
stig. Karl Þorsteins, sem þarna
tefldi í fyrsta skipti á Netinu, vann
einnig allar þrjár skákirnar sem
hann tefldi. Lið Hellis var þannig
skipað: 1. Hannes Hlífar Stefánsson
3% v. af 52. Helgi Ólafsson 5 v. af 53.
Helgi Áss Grétarsson 4 v. af 54. Jón
L. Arnason 3% v. af 55. Karl Þor-
steins 3 v. af 36. Bjöm Þorfinnsson 2
v. af 31 vm. Davíð Kjartansson 1% v.
af 22 vm. Davíð Ólafsson 1 v. af 2.
Haraldur Baldursson var skák-
dómari hér á landi, en óháður skák-
dómari var á skákstað hjá öllum lið-
unum.
Góður árangur Melaskóla
Taflfélagið Hellir var ekki eitt um
að takast á við frændur vora á Norð-
urlöndum um helgina. Melaskóli var
hársbreidd frá því að tryggja sér
sigur á Norðurlandamóti barna-
skóla, sem fram fór á Gausdal Hoi-
fjellshotel í Noregi. Melaskóli varð
hálfum vinningi á eftir sigurvegur-
unum frá Svíþjóð:
1. Svíþjóð 15% v.
2. ísland (Melaskóli) 15 v.
3. Noregur 112 v.
4. Noregur II 8 v.
5. Danmörk 7 v.
6. Finnland 2% v.
Fyrir Melaskóla kepptu: Dagur
Arngrímsson, Hilmar Þorsteinsson,
Viðar Berndsen, Víkingur Fjalar
Eiríksson og Aron Ingi Oskarsson.
Dagur Arngrímsson, sem tefldi á
^ !
fyrsta borði, sýndi mikla yfirburði á :
mótinu og sigraði alla fimm and-
stæðinga sína. Víkingur Fjalar, sem
tefldi fjórar skákir, sigraði einnig
alla sína andstæðinga. Annars varð
árangur íslensku liðsmannanna ,
þessi:
Dagur Arngrímsson 5 v. af 5
Hilmar Þorsteinsson 3% v. af 5 <**
Viðar Berndsen 1% v. af 5
Víkingur F. Eiríksson 4 v. af 4 ;
Aron Ingi Óskarsson 1 v. af 1
íslandsmótið í atskák 2001
i
Kristján Eðvarðsson og Stefán <
Kristjánsson sigruðu í undanrásum :
Atskákmóts Islands sem fram fóru
16.-17. september. Tefldar voru 9
umferðir með 25 mínútna umhugs- i
unartíma. Kristján og Stefán hlutu 7
vinninga. Röð efstu manna varð i
þessi:
1.-2. Kristján Eðvarðsson og !
Stefán Kristjánsson 7 v. 3. Sigur-^ '
björn Björnsson 6% v. 4.-6. Arnar i
E. Gunnarsson, Bragi Þorfinnsson
og Jón Viktor Gunnarsson 6 v. 7.-8.
Sævar Bjarnason og Ólafur Isberg
Hannesson 5% v. 9.-10. Bergsteinn i
Einarsson og Ingvar Þór Jóhannes-
son 5 v. Sex efstu keppendurnir
unnu sér rétt til að tefla í úrslitum
Atskákmóts Islands 2001 sem vænt-
anlega fara fram í janúar næstkom-
andi. Alls tóku 26 keppendur þátt í
mótinu. Teflt var í félagsheimili
Taflfélags Reykjavíkur. Ríkharður
Sveinsson og Kristján Örn Elíasson
voru skákstjórar.
Námskeið Skákskóla
Islands heQast
Kennsla í byrjenda- og fram-
haldsflokkum Skákskóla íslands
hefst nú í vikunni. Um er að ræða 10
vikna námskeið. Þá hefst kennsla I
fullorðinsflokkum um næstu mán-
aðamót, en þau hafa verið mjög vin-
sæl, enda er viðfangsefnið þess eðlis
að allir skákmenn hafa gaman af og
námskeiðin eru í reynd hin besta
skemmtun. Skráning í alla flokka
skólans stendur nú yfir en skrifstofa
skólans er opin frá kl. 10 til 13 alla
virka daga. Sími 568 9141. Einnig er
hægt að skrá sig á netinu siks@itn,-
is.
Skákmót á næstunni
22.9. Hellir & SA. Félagakeppni
25.9. Hellir. Atkvöld
Daði Örn Jónsson
beint í hjartastað...
að stórkostlegri flugeldasýningu, þar sem hver á
fætur öðrum komst á flug og skein ýmist sem hæglát sól
eða sprakk með hávaða og látum...“
S.H. Mbl. 31/12 1999
„Flugeldasýning í Iðnó... stórbrotin...
sigur fyrir alla sem að henni standa...
heilsteypta og magnaða sýningu... ótrúlega áhrifaríkt... lifir lengi í minningunni.
H.F. DV 3/1 2000
„Besta sýningin í bænum... virkilega frábær, ótrúlega mögnuð..."
K.B.J. Bylgjan 3/1 2000
„Virkilega skemmtileg sýning... mæli hiklaust með henni..."
G.B. RÚV 3/1 2000
„... afar vel heppnuð, frábær...
sorglegt, skemmtilegt...
tvímælalaust verk sem óhætt er að mæla með...“
G.H.S. Dagur 4/1 2000
Leikfélag Islands
11