Morgunblaðið - 31.10.2000, Síða 4

4 ÞRIÐJUDAGUR 31. OKTÓBER 2000
MORGUNBLAÐIÐ

FRÉTTIR
Minjavernd vinnur að endurgerð gömlu pakkhúsanna í þorpinu í Flatey
Stefnt að upp-
byggingu
ferðaþjónustu
MINJAVERND hefur unnið að end-
urbyggingu gömlu pakkhúsanna í
þorpinu í Flatey og segir Þorsteinn
Bergsson framkvæmdastjóri við
það miðað að nota húsin við ferða-
þjónustu í framtíðinni. I tilefni af
frétt um áhuga annarra aðila á að
byggja upp ferðaþjónustu á vestan-
verðri eyjunni segir Þorsteinn að
vegna þess hversu umhverfíð er við-
kvæmt þurfi að fara með mjög yfir-
veguðum hætti í uppbyggingu þar.
Gömlu pakkhúsin standa í kjama
þorpsins í Flatey og mynda sam-
fellda húsalinu við norðanvert
Kauptorgið.
Ilúsin vom munaðarlaus, eins og
Þorsteinn Bergsson tekur til orða,
og í vanhirðu þegar Minjavernd
gerði samning við Flateyjarhrepp
um vörslu þeirra. Flateyjarhreppur
var síðar sameinaður öðrum hrepp-
um sýslunnar í Reykhólahrepp. I
samningnum fólst að Minjavernd
tæki að sér að endurbyggja húsin
og finna þeim einhver not við hæfí.
Stofnunin hefur lagt nokkurt fé í
endurbygginguna, oft eina til tvær
milljónir kr. á ári, alls um tuttugu
milljónir kr., að sögn Þorsteins.
Endurgerð eins hússins er langt
komin en vinna við hin tvö er komin
nokkuð áleiðis.
„Við höfum Iengi haft það í huga
að þessi hús gætu nýst vel til þjón-
ustu við ferðamenn og höfum horft
til þess hlutverks í framtíðinni,"
segir Þorsteinn. Segir hann við það
miðað að hægt væri að taka 20-40
manna hópa í gistingu og mat.
Hann tekur þó fram að Minjavernd
muni ekki fara sjálf út í slíkan
rekstur heldur leita eftir samstarfi
við aðra aðila sem gætu þá tekið
þátt í að fjármagna verkið og Ijúka
endurgerð húsanna.
Fram kom í Morgunblaðinu um
helgina að hópur fjárfesta undir
forystu Þorsteins Jónssonar ætti í
viðræðum við eiganda frystihússins
í Flatey og hreppsnefnd um upp-
byggingu ferðaþjónustu í frystihús-
inu og byggingu sumarhúsa þar í
nágrenninu.
Viðkvæm náttúra
Þorsteinn Bergsson segir að þess-
ar hugmyndir séu það nýtilkomnar
að sér hafi ekki gefíst tækifæri til
að kynna sér þær en hann myndi
setja sig í samband við viðkomandi.
Telur hann hugsanlegt að hug-
myndir þeirra gætu farið saman, að
minnsta kosti að hluta. „Við viljum
kanna hvort ekki fara saman áhugi
og hagsmunir sem hægt væri að
virkja á réttan máta,“ segir Þor-
steinn Bergsson.
Hann getur þess að frystihúsið sé
afar illa farið og þurfi að rífa að
minnsta kosti helming þess og hinn
helmingurinn sé svo skemmdur að
hann nýtist aldrei til hótelrekstrar
eða ráðstefnuhalds nema með end-
urbyggingu frá grunni. Hugsanlegt
væri hins vegar að nýta þann hluta
hússins fyrir höfnina og til að setja
upp einhvers konar opið safn.
Þá segir hann að deildar mein-
ingar séu um það hvort yfirleitt sé
rétt að reisa nýbyggingar í Flatey.
En ef byggja ætti sumarhúsabyggð
þarna væri rétt að gera það á vest-
urhluta eyjarinnar, í nágrenni
frystihússins eins og hugmyndir eru
um.
Þorsteinn lætur þess getið að
náttúra Flateyjar sé viðkvæm og
eyjan þoli ekki nema takmarkaðan
fjölda ferðamanna. Því þurfi að fara
að framkvæmdum með mjög yfir-
veguðum hætti.
Fannst
látinn í bil
LÖGREGLAN á Bolungarvík aug-
lýsti í gærmorgun eftir bíl sem í var
einn maður. Hófst leit á sunnudags-
kvöld og hélt áfram á mánudags-
morgun en bíllinn fannst í höfninni á
Bolungarvík laust fyrir hádegi í
gær. Maðurinn var þá látinn.
Samkvæmt upplýsingum lög-
reglunnar í Bolungarvík var farið að
svipast um eftir bílnum á
sunnudagskvöld. Var hans síðan
leitað um norðanverða Vestfirði, allt
til Hólmavíkur, fram á nótt og tóku
björgunarsveitarmenn þátt í leit-
inni. Leit hófst að nýju í gærmorg-
un og þegar leitað var í höfninni
fannst bíllinn og var ökumaður hans
þá látinn.
Morgunblaðið/GPV
Tæplega 20 milljónir
króna hafa safnast
SAMKVÆMT tölum frá Rauða
krossi íslands höfðu síðdegis í gær
safnast um 19,5 milljónir safnast í
átakinu „Gengið til góðs“ sem fram
fór á laugardaginn. Að sögn .Þóris
Guðmundssonar, upplýsingafulltrúa
Rauða krossins, á sú tala eftir að
hækka þar sem ekki hafa borist tölur
frá öllum stöðum, auk þess sem tekið
verður á móti framlögum í síma
næstu tvær vikur.
Þóiir segir að misvel hafi gengið að
fá sjálfboðaliða til að taka þátt í söfn-
uninni. „Sums staðar fengum við yfrið
nóg eins og til dæmis í Kópavogi þar
sem við dekkuðum allan bæinn á
tveimur tímum,“ segir Þórir og bætir
við að alls hafi náðst til 80 til 90%
landsmanna.
Að sögn Þóris var í langflestum til-
vikum tekið mjög vel á móti fólki.
„Það voru nær allir tilbúnir að taka
þátt í þessu. Það var mikil jákvæðni i
gangi og menn skildu vandamálið,"
segir Þórir og bætir við að margir hafi
beðið með peninga tilbúna fyrir söfn-
unina. „Sums staðar hafði fólk meira
að segja hengt umslag á útidyrahurð-
ina merkt Til Rauða krossins,“ sagði
Þórir Guðmundsson að lokum. Sími
söfnunarinnar er 907 2020 og þegar
hringt er skuldfærist viðkomandi sími
fýrir 500 króna framlagi.
Tyrfaí sjálf-
boðavinnu
Grindavík. Morgunblaðið.
KNATTSPYRNUMENN í Grinda-
vík undirbúa nú næsta sumar á
óvenjulegan hátt. Verið er að tyrfa
nýjan grasvöll og eru knattspyrnu-
menn partur af vösku liði við verk-
ið. „Það sannast enn og aftur að
þegar margir taka til hendinni er
þetta lítið mál. Við fengum góðar
undirtektir bæjarbúa, leikmanna
og stjórnarmanna í þessa vinnu.
Þetta er jákvætt því menn eiga orð-
ið part f vellinum og leikmenn
verða á heimavelli næsta sumar,“
sagði Ingvar Guðjónsson, fram-
kvæmdastjóri.
Laga þarf
300 Troop-
er-jeppa
BÍLHEIMAR ehf., umboðsaðili Is-
uzu, hafa að ósk framleiðandans inn-
kallað um 300 Isuzu Trooper-jeppa
vegna galla á svokölluðum spíssa-
þéttingum. Að sögn Hannesar
Strange, sölustjóra hjá Bílheimum,
hefur þessa galla ekki orðið vart í bíl-
um hér á landi. Isuzu gerir engu að
síður kröfu um að skipt sé um þétt-
ingamar.
Hannes segir að viðgerðin taki
rúma eina klukkustund og er hún
viðskiptavinum fyrirtækisins að
kostnaðarlausu. Hannes segir að við-
skiptavinir geti haft sína hentisemi
hvenær skipt er um þéttingarnar en
ekki sé um alvarlegan galla að ræða.
------UH--------
Forsætis-
raðherra
Dana flytur
erindi
PAUL Nyrup Rasmussen, forsætis-
ráðherra Dana, flytur framsögu um
stöðuna eftir atkvæðagreiðslu Dana
um evruna á morgunfundi Dansk-ís-
lenska verslunarráðsins á Grand Hót-
eli Reykjavík, Hvammi, á þriðjudag-
inn í næstu viku. Fundurinn hefst kl.
9. Mun danski ráðherrann svara fyr-
irspurnum í kjölfar framsögunnar.
Ráðherrann kemur til landsins á
sunnudag vegna þings Norðurlanda-
ráðs sem hér verður haldið og heldur
heim á leið á þriðjudag eftir að hann
hefur flutt eríndið á fundinum.
----------------
Fíkniefni
fundust í Geysi
BANDARÍSKUR skipverji á flutn-
ingaskipinu Geysi hefur játað eigu
sína á hálfu kílói af fíkniefninu maríj-
úana sem fannst við leit Tollgæslunn-
ar í Keflavík og Ríkistollstjóra í skip-
inu á laugardag. Hefur skipverjinn
verið úrskurðaður í farbann til 17.
nóvember nk. og stendur til að gefa út
ákæru á hendur honum á næstu dög-
um. Fannst fíkniefnið í jámskáp á brú
skipsins þar sem geymdar eru línu-
byssur og neyðarblys.
Flutningaskipið er í eigu skipafé-
lagsins Atlantsskip og var skipið í
Njarðvíkurhöfn þegar efnið fannst.
Samkvæmt upplýsingum Morgun-
blaðsins játaði maðurinn, sem er á
þrítugsaldri, að eiga efnið við yfir-
heyrslm- hjá lögreglunni í Keflavík.
Sagðist maðurinn hins vegar hafa
ætlað að neyta efnisins sjálfur og
kvað það myndi taka hann um eitt og
hálft ár að neyta þessa magns.
EMIJSSiöi]
númer eitt
Nvrwe-r e-íif í nofvPvm bílvivil
www.bllÞlhUio.ÍÞ * www.bllelhlny.l61 www.bltething.te
iii duiu Miid nuuicu iuu vu
2500, nýskráður 4. 9. 1998,
ekinn 32 þ. km, leðurinnrétt-
ing, spoiler, álfelgur. Ásett
verð 2.290.000, ath. skipti.
Nánari upplýsingar hjá
Bílaþingi Heklu, sími 569 5660.
Laugavegi 174.105 Reykjavfk. slmi 569-5500
BÍLAÞINGfjlEKLU
Inga Jóna Þórðardóttir um framkvæmdir borgarinnar
Borgarstjóri getur ekki
vikið ser undan ábyrgð
INGA Jóna Þórðardóttir, oddviti
sjálfstæðismanna í borgarstjórn,
segir í samtali við Morgunblaðið að
ljóst sé að eitthvað verulegt hafi farið
úrskeiðis við að halda utan um kostn-
að við byggingarframkvæmdir
vegna menningarmála í Reykjavík.
Eins og fram kom í Morgunblaðinu á
laugardag hefur kostnaður við um-
ræddar framkvæmdir farið 286
milljónir króna fram úr áætlun á
þessu ári, 100 milljónir vegna Lista-
safns Reykjavíkur í Hafnarhúsinu,
167 milljónir vegna bílageymslu og
tengibyggingar milli Kringlunnar og
Borgarleikhússins og 20 milljónir
vegna Safnahússins í Tryggvagötu.
Inga Jóna segir að Ingibjörg Sól-
rún Gísladóttir borgarstjóri geti ekki
vikið sér undan ábyrgð í þessu máli.
„Þetta kallar auðvitað á að borgar-
stjóri, sem æðsti yfirmaður borgar-
innar, geri grein fyrir málinu. Borg-
arstjóri lætur að því liggja í samtali
við Morgunblaðið á sunnudag að
þessar upplýsingar hafi komið henni
á óvart, en ef svo er vakna auðvitað
spurningar um yfirstjórn borgarinn-
ar og eftirlit borgarstjóra með fram-
kvæmdum og fjármálum," segir
Inga Jóna.
,jUlt bendir til þess að heildar-
áætlun vegna endurbyggingar
Listasafnsins muni fara 215 milljónir
króna fram úr áætlun, en að sumu
leyti kemur það ekki á óvart því að
okkar mati var upphafleg áætlun,
sem gerð var árið 1993, ekki raun-
hæf. Eins setti það framkvæmdir úr
skorðum og olli auknum kostnaði að
ákveðið hafði verið að opna safnið til
bráðabirgða fyrir kosningar 1998.
Hvað varðar uppbygginguna á
Kringlusvæðinu eru þetta ótrúlegar
tölur sem hér eru kynntar. Ljóst er
að kostnaður hefur tvöfaldast og
hafa borgarráði ekki enn verið gefn-
ar neinar haldbærar skýringar á því
hvað gerðist. En af þeim upplýsing-
um sem við höfum þegar fengið er
ljóst að þetta hefur gjörsamlega far-
ið úr böndunum og við munum kalla
eftir skýringum frá borgarstjóra,“
segir Inga Jóna.