Árbók Hins íslenzka fornleifafélags - 01.01.1921, Blaðsíða 80

80
í Síra Hólms og Chírurgí Backmanns máli« o. s. frv. — Ennfrem-
ur: »Nálægir kónglegir Embættismenn, nefnil. Herrar: Amtmadur
Vibe, Logmadur M. Olafsson og Vice-Logmadur St. Stephensen,
Landfógeti Fínne, Sýslumenn: V. Thorarinsson, J. Espólín og con-
stítúeradur Sýslumaður Jón Thorleifsson, ásamt Logréttumonnunum,
játa sameginlega, ad húsid sé óheilnæmara og verra hvorjum vind-
hjalli, og heilsa og líf þeirra í háska, sem þar neydast til inni ad
sitja. Hússins hrorlega astand, sé med Besigtelse í fyrra sýnt og
sannad, hafi því sídan hnignad, en ei framfarid; vegna þessa afsaka
bádir Logmennirnir sig frá, framvegis ad halda nockurn Rétt í
þessu húsi svoleidis ásigkomnu«.
En hverjum var að kenna að húsið var óhæfilegt og að ekki
var gert við það nje annað nýtt bygt? — Það er auðvitað, hver
einkum á sök á þeirri óhæfu, að alþingishaldið skyldi lagt niður á
hinum forna stað, og eftir lítinn tíma algerlega aftekið. I stað þess
að endurbæta þinghúsið og endurreisa sæmd vors forna alþingis
þóknaðist nú þeim, er mestu hefði mátt áorka í því efni, að drepa
niður hinu síðasta merki og minning sjálfstæðis vors.
IV. Lögberg.
Mannvirkið á eystri, lægri, barmi Almannagjár, skamt fyrir
norðan Snorra-búð, það er getið var um í upphafi þessa máls og
sagt var að S. V. hefði rannsakað 1880, er hið langstærsta mann-
virki á hinum forna þingstað. Auk þess er það gjört með tiltölu-
lega mestri fyrirhöfn, fyrir þá sök, að það er hlaðið þarna uppi á
beru berginu, svo að bera varð að hvern hnaus og hvern stein, og
það um ekki alls kostar greiðan veg til slíks starfs. Það er örðugt
að segja nokkuð ákveðið um, hversu mikið verk hefir legið í þessu
mannvirki í upphafi, en ekki ætla jeg það minna en ein 50 dags-
verk eða hálfs mánaðar vinnu fyrir 4 menn. S V. hefir lýst því
í Arb. 1880—81, bls 14—17l og þö ekki nákvæmlega nje alls kost-
ar rjett. Það er nú mjög lág, tungumynduð upphækkun, ójöfn ofan
og með þeim 2 skurðum í kross, er S. V. gerði 7.-8. júní 1880;
eru þeir nú löngu grasi grónir svo sem öll þessi upphækkun. I
skurðunum sums staðar og umhverfis mannvirkið er bergið bert og
virðist, þyktin á upphækkuninni vera um 0.25—1 m ; mest neðst.
1) Sbr. Árb. 1888—92, bls. 20 neðanm.