Árbók Hins íslenzka fornleifafélags - 01.01.1983, Side 9

KUMLATEIGUR í HRÍFUNESI í SKAFTÁRTUNGU I
13
4. mynd. Frá rannsókninni 1981, karlmannskumlið er þar sem dökki bletturinn í bakkanum er,
rétt vinstra megin við girðingarstaurinn, en nánast fram af honum var hrosskumlið, sem rannsakað
var 1958. Snjór er á jörðu og nokkur eyri er fram að ánni, en árið eftir rann áin fast með bakk-
anum. Ljósm.: Kristján Eldjárn, sept. 1981.
óhreyft var, mátti greinilega sjá hvernig um hafði verið búið. Grafar-
botninn var um 1 m ofan við eyrina fram undan bakkanum eins og hún
er nú. Gröfin var tæpir 170 sm á lengd og um 75 sm á breidd um
miðju, en þetta mál er ekki mjög nákvæmt vegna þess að fremri (syðri)
langhlið var sködduð. Gröfin hefur sýnilega nokkuð mjókkað til end-
anna, sem voru bogadregnir, engin hvöss horn.
Gröfin hafði verið tekin gegnum 30-40 sm þykkt svart gjóskulag og
20-30 sm niður fyrir það niður í hart samanpressaðar fokmoldir og
svört gjóskulög. Hvað grafið hefur verið í gegnum ofan við hið mikla
gjóskulag, eða með öðrum orðum hvar yfirborð var þegar gröfin var
gerð, verður ekki með vissu sagt, vegna þess að of langt inn var hrunið
úr stálinu til að sjá mætti nyrðri hlið grafar skilja sig frá þetta hátt uppi.
En svo virðist sem yfirborð hljóti að hafa verið rétt ofan við dysjar-
steinana og hefur þá grafardýptin verið mest um 65 sm, sem sennilegt
virðist. Leiðið hefur verið lítið upphækkað og ekki tekið neitt að ráði
út fyrir grafarbarma.
Grafarfyllingin, sem samanstóð af dökkum gjóskublendingi með