Árbók Hins íslenzka fornleifafélags - 01.01.1983, Side 121

FORN GRAFREITUR Á HOFI í HJALTADAL
125
hennar verið sú sama og hinna grafanna, mun varla geta skeikað miklu
frá upphaflegri legu hennar og staðsetningu hennar á teikningunni.
Við greiningu beinanna var eingöngu hægt að styðjast við útlit þeirra
og gerð. Nokkur vafi leikur á hvort bein ofan mjaðmagrindar tilheyri
K-82 eða K-84. Til K-82 eru talin hluti af kúpuhvolfi, 7 löng leggbein,
flest talsvert sködduð og bæði mjaðmarbein, sem einnig eru talsvert
sködduð. Pessi bein eru úr roskinni (maturus-senilis) konu.
K—83 var staðsett norðanmegin í skurðinum og hafði vélskóflan tekið
af suðvesturhorni hennar. Fótarbeinin fyrir neðan hné vantaði í gröfina,
en sum þeirra fundust á skurðbakkanum. Sá hluti grafarinnar sem lent
hafði fyrir utan skurðinn var nú grafinn upp og rannsakaður. Reyndist
lega hennar vera nákvæmlega í NV—SA. (Mynd 6). Vel mátti greina
hvar grafið hafði verið niður fyrir líkinu á sínum tíma, þar eð jarðveg-
urinn í gröfinni var nokkuð lausari í sér en umhverfis hana. Gröfin
hefur verið breiðust um miðjuna og mjókkað til endanna. Mesta breidd
hennar varð ekki mæld af því að sneiðst hafði af suðurhliðinni, en við
höfðalagið var breiddin um 30 cm. Lengd grafarinnar var heldur ekki
hægt að mæla.
Frá yfirborði niður að hauskúpu mældust 30 cm og 50 cm niður á
botn grafarinnar, þar sem dýpst var, undir höfðalaginu. Höfuðið lá fast
út við NV-gaflinn og vinstri handleggir og fætur fylgdu eftir óreglu-
legum útlínum norðausturhliðar grafarinnar, svo að þröngt virtist hafa
verið um líkið í gröfinni. Hendur voru krosslagðar á brjósti.
Beinin eru misjafnlega vel varðveitt. Flest voru þau lin viðkomu
þegar þau fundust og mörg smærri beinanna svo morkin að vonlaust
var að ná þeim upp. Höfuðkúpan var heil að undanskildunr andlitsbein-
unum sem vantaði. Þar að auki náðust upp viðbein, upphandleggsbein,
vinstri og hægri hverfileggur, öll talsvert sködduð, hluti af vinstri og
hægri öln, mjaðmargrindarbeinin bæði, lærleggir, sköflungar og vinstri
sperrileggur, öll talsvert sködduð. Beinin eru úr ungri (juvenilis) konu.
Þunn dökk rák sást undir beinagrindinni og til hliðar við hana. Sýni
var tekið af þessu lagi til að kanna hvort þarna væri um að ræða leifar
af kistu eða öðrum umbúnaði. Við smásjárrannsókn fundust hins vegar
engin merki um viðarleifar, klæði eða annað, sem gæti hafa verið utan
um líkið, aðeins rætur, beinaleifar, svartur salli sem ekki hefur verið
greindur frekar, og fjölmörg sveppagró.
í öðru sýni sem tekið var á milli mjaðmabeinanna fundust leifar af
dökku gjóskulagi, sennilega frá forsögulegum tíma.
Þriðja sýnið var tekið af því sem virtist vera torfusnepill ofan á bein-
unum. í því reyndust vera beinaleifar og viðarleifar, sem virtust vera