Árbók Hins íslenzka fornleifafélags - 01.01.1983, Síða 172

176
ÁRBÓK FORNLEIFAFÉLAGSINS
síðasta ári. Hallgerður Gísladóttir B.A. var í hálfu starfi við hin daglegu
verkefni eins og síðasta ár.
Sendar voru út þrjár spurningaskrár með hefðbundnu sniði, nr. 50
um matargerð og máltíðavenjur, nr. 54 um horn og bein og vinnslu úr þeim
efnum og nr. 57 um drykkjarfóng. Auk þess er rétt að nefna hér fyrirspurn
um manngerða hella, sem reyndar var send út í okt. 1982, en láðist að
geta í skýrslu síðasta árs.
Frosti Jóhannsson fil. kand. hélt í þrjá mánuði áfram að skipuleggja
heimildasöfnun þá um lifnaðarhœtti í þéttbýli, sem hafist var handa um í
fyrra. Komu út fimm nýjar spurningaskrár á því sviði, nr. 51 um launa-
vinnu í lattdi, 52 um heimilishœtti, 53 um fiskveiðar á vélbátum, 55 um föl-
skylduhætti og 56 um dagamun og félagslíf.
Ágúst Georgsson fil. kand. vann í hálfan annan mánuð við að koma
í aðgengilegt horf svörum um skútulífið, sem einkum söfnuðust á síðasta
ári.
Alls bættust 556 númer í heimildasafn deildarinnar, sem er langtum
meira en nokkru sinni fyrr á einu ári og a.m.k. 50% meira en í „með-
alári“. Er það raunar í réttu samræmi og hlutfalli við aukningu á föstu
starfsliði.
Heilbrigðis- og tryggingaráðuneytið tvöfaldaði þann styrk, sem
veittur var árið áður í tilefni af ári aldraðra til að eiga sarntöl við vist-
menn á dvalarheimilum. Var ástæðan sú, að þessi starfsemi hafði mælst
einkar vel fyrir naeðal vistmanna og starfsfólks. Þjóðháttadeildin útveg-
aði fólk til þess, og unnu á þessu ári Agnes Arnórsdóttir á Höfn í
Hornafirði og Hrafnistu í Reykjavík, Gyða Gunnarsdóttir á Hrafnistu í
Hafnarfirði, Kristín Ástgeirsdóttir á Hrafnistu í Reykjavík, Ingvar
Gunnarsson í Borgarnesi og á Akranesi, Frosti Jóhannsson á ísafirði,
Sigríður Sigurðardóttir á Dalvík, Ólafsfirði og Húsavík, Gerður
Róbertsdóttir og Hrefna Róbertsdóttir á Akureyri. Starf tveggja síðast-
nefndu var í nokkurri samvinnu við Menningar- og fræðslusamband
alþýðu, sem um sama leyti var að safna frásögnum aldraðs verkafólks
á Akureyri fyrir sögusafn verkalýðshreyfingarinnar. Allar hcimildir,
sem þannig safnast eða afrit þeirra, renna til þjóðháttadeildar.
Loks skal þess getið, að sögunefnd Reykjavíkur ákvað seint á árinu að
leggja nokkurt fé af mörkum til svipaðrar heimildaskráningar meðal
aldraðra Reykvíkinga með 200 ára afmæli höfuðstaðarins í huga árið
1986. Því verkefni var hinsvegar ekki lokið um áramót.“
Eftirgerðir safngripa. Á fyrra ári sagði fyrirtækið íslenzkir minjagripir
upp samningi sínum við safnið um eftirgerðir safngripa til sölu. f fram-
haldi af því gerði safnið samning við Guðbjart Þorleifsson gullsmið,