Árbók Hins íslenzka fornleifafélags - 01.01.1983, Page 178

182
ÁRBÓK FORNLEIFAFÉLAGSINS
kirkjan hið snotrasta hús. - Þjóðminjasafnið lánaði þangað gripi svo að
hún mætti kallast fullbúin, altaristöflu frá Melum í Melasveit, prédikun-
arstól úr Staðarkirkju í Grindavík og gamla skírnarfatið frá Sjávarborg-
a’rkirkju var sett þangað aftur. Kirkjan er á fornleifaskrá og eign
safnsins.
Lokið var viðgerð málarastofu Arngríms Gíslasonar í Gullbringu í
Svarfaðardal, sem lengi hefur verið á fornleifaskrá en dregizt hafði mjög
úr hömlu að gera við. Seðlabanki íslands hafði boðizt til að kosta við-
gerðina í minningarskyni við dr. Kristján Eldjárn og sá Hjörleifur Stef-
ánsson arkitekt um hana. Eru stofan og húsið í Gullbringu nú hin allra-
snotrustu hús og stofan einstök sinnar gerðar, fyrsta málarastofa á ís-
landi. — Má þá geta þess, að fyrir jólin kom út bók dr. Kristjáns Eld-
járns um Arngrím málara, fremsta alþýðulistamann íslands á 19. öld.
Lokið var viðgerð Grundarkirkju í Eyjafirði, sem safnið hefur haft
hönd í bagga með alla tíð og kostað að miklu leyti, einkum fyrir fram-
lög úr Þjóðhátíðarsjóði. Er nú aðeins eftir að endurnýja grindverkið
umhverfis kirkjuna, en það verður fært út svo að hún njóti sín betur,
einkum ef ný tré verða gróðursett utar eftir því sem hin gömlu falla.
Enn var unnið að endursmíð stærra verzlunarhússins frá Vopnafirði í
Árbæjarsafni og sá Pétur G. Jónsson um viðgerðina. Voru settir gluggar
á húsið og kvistur á þakið sunnanvert, en vegna ótíðar varð ekki meira
gert. — Húsið er nú notað sem geymsla, settar inn þar gamlar bátavélar
og einn gamall vélbátur, Norðurljósið.
Þess má geta hér vegna þess sem sagði í síðustu skýrslu um gamla
húsið í Vogi, að þeir Hjörleifur Stefánsson og Þórarinn Eldjárn fengu
eignarheimild á því og réðust í að taka það ofan og setja viðina í
geymslu. Má þá setja það upp aftur síðar annars staðar þar sem það
kann að þykja eiga heima, en mikið þarf að endurnýja af viðum þess.
— Loks ber að nefna, að Lilja Árnadóttir hóf rannsókn á gömlu
byggðinni á Eyrarbakka, sem er einn liður í húsakönnun þeirri, sem
hafizt hefur verið handa um á nokkrum stöðum, einkum á vegum
Húsafriðunarnefndar. Er slík könnun undirstaða þess, að frekari rann-
sókn eða friðun húsa geti átt sér stað.
í Nesstofu var unnið talsvert í múrverki, einkum endurnýjaðir veggir
milli apóteks og herbergis lyíjasveins og milli þess herbergis og lyíja-
stofu (laboratorís). Einnig var kannað eldstæðið þar, steyptur stöpull
undir háfinn yfir því og lögð timburgólf í apótekið og móttökuher-
bergi, grafið fyrir lögnuin úr húsinu og hafinn undirbúningur að
endurnýjun hitalagnar. Ekki hrökk fjárveiting ársins fyrir þessum