Árbók Hins íslenzka fornleifafélags - 01.01.1983, Qupperneq 181

SKÝRSLA UM ÞJÓÐMINJASAFNIÐ 1983
185
skýrslu 1979, var komið til geymslu inn í stærra húsið frá Vopnafirði,
í Árbæjarsafni.
Þá ber þess að geta, að mikið átak var gert í söfnun gamalla bátavéla,
einkum glóðarhausvéla, sem voru allsráðandi í fiskiskipaflotanum fyrir
daga dieselvélanna. Réðst Pétur G. Jónsson í að fara norður á Vatnsnes
og sækja þangað ýmsar gamlar bátavélar, sem að minnsta kosti sumar
hverjar verður hægt að gera vandlega upp sem sýningargripi. Þá hélt
hannn áfram viðgerð hinnar gömlu Alpha-vélar frá 1913, sem nefnd var
í síðustu skýrslu.
Fundur þjóðminjavarða Norðurlanda.
Dagana 4.-6. september var haldinn á Akureyri fundur þjóðminja-
varða Norðurlanda og yfirmanna friðunarmála, þar sem þau heyra ekki
beint undir þjóðminjavarðaembættin. Hafa þessir fundir verið haldnir
yfirleitt á hálfs annars árs fresti í löndunum til skiptis og stóð til að
halda fund hér á landi árið 1982, sem varð að fresta af óviðráðanlegum
sökum.
Fundinn sóttu þjóðminjaverðir Noregs og Svíþjóðar, fulltrúi þjóð-
minjavarðar Finnlands og yfirmaður friðunarmála í Danmörku, og
einnig annað starfsfólk embættanna, alls 17 manns. Frá íslandi sóttu
fundinn auk þjóðminjavarðar, Jóna Ósk Guðjónsdóttir skrifstofustúlka,
Runólfur Þórarinsson deildarstjóri í menntainálaráðuneytinu og Hjör-
leifur Stefánsson arkitekt. Hann skýrði sérstaklega ýmsa þætti viðgerð-
armála gamalla bygginga, friðanir og viðgerðir bygginga á Akureyri og
sýndi Grundarkirkju.
Fundir þessir hafa orðið með tímanum umræðufundir um verndun
menningarminja yfirleitt, og var hér rætt um fjölmörg sameiginleg efni
á þessu sviði. Þá var farið í skoðunarferðir um Eyjafjörð, að Laufási og
Goðafossi, svo og að Gásum. - Hinir erlendu þátttakendur höfðu fæstir
komið til íslands áður og má fullyrða, að fundurinn hafi verið mjög
gagnlegur og lærdómsríkur fyrir alla, er hann sóttu. — Menntamálaráðu-
neytið og Akureyrarbær veittu góðan stuðning til þcss að fundinn
mætti halda.
Þjóðminjalög.
Nefnd sú, sem fyrrverandi menntamálaráðherra skipaði til endur-
skoðunar þjóðminjalaga árið 1981 lauk störfum á árinu og skilaði
frá sér lagauppkasti til menntamálaráðherra hinn 9. desember. — Er
í uppkasti þessu um veruleg nýmæli að ræða og breytingar, svo sem að