Tímarit Hins íslenzka bókmentafélags - 01.01.1884, Blaðsíða 53

53
akfœri gafst. Hann fékk til kirkjusmíðisins hina beztu
smiði, sem til vóru, og vóru þeir stundum 30 eða enn
fleiri; enn yfirsmiðrinn var Guðmundr Guðmundsson
frá Bœ í Borgarfirði, hinn mesti þjóðhagi hér á landi.
Ár 1650 var miðkirkjan reist, enn kór og forkirkja
nokkuru síðar. Kirkjubyggingin kostaði fjögr hundruð
hundraða og þrjátíu hundruð á landsvísu. Biskupinn
gaf kirkjunni marga góða gripi og dýrindis messu-
skrúða. Til byggingarinnar gaf hið íslenzka verzlun-
arfélag 100 dali. Aldrei á seinni tímum hafði nokk-
urt hús úr tré verið eins rambyggilega bygt hér á
landi og vandað að allri gerð. Skálholtsstað allan
reisti biskup að nýju úr sterkum og nýjum viðum.
1653 brigðaði hann jörðina Björk í Flóa, sem
Gísli biskup Jónsson hafði selt undan dómkirkj-
unni.
í stjórn Skdlholts skóla sýndi Brynjúlfr biskup ó-
þreytandi árvekni og frábæran dugnað. Hann unni
alskonar fróðleik og vísindum, hafði mestu mætr á
lærdómsmönnum og mat þá stórmikils, og með því
hann vissi, að mentunarstofnanir eru undirstaða félags-
heilla í andlegum og veraldlegum efnum, ef þær eru
eins og þær eiga að vera, kostaði hann kapps um, að
alt fœri sem best fram í skólanum, bæði að því er
snerti ástundun lærisveina og reglusemi og siðprýði
þeirra; þess vegna tók hann ekki aðra fyrir skóla-
meistara og skólakennendr enn þá, sem hann vissi, að
vóru lærðir reglumenn og höfðu góða vitnisburði frá
háskólanum fyrir lærdóm og siðprýði. Enn þótt hann
tœki hart á hirðuleysi kennenda og yfirsjónum skóla-
pilta og léti þá ætið sæta nokkurri refsingu, var hann
þó ætíð vægr og vorkunnsamr, nema þegar þrjózku
var beitt, því hann sagði, að sá, sem ekki lærði að
hlýða, yrði óhœfr til að stjórna. Með þessu kom
hann því til leiðar, að kennendr og slcólapiltar sýndu