Tímarit Hins íslenzka bókmentafélags - 01.01.1885, Side 22

bendingar um það, hve nær sláttr var vanr að byrja;
en í Grágás er sláttr talinn að byrja um mitt sumar
og standa í átta vikur, og hefir sá sláttutírai auðvitað
verið vanalegastr, þá er Grágás var skráð. En aptr
geta menn af sögunum með nokkurri vissu farið nærri
um, hversu lengi menn héldu slætti áfram að haustinu
á tímabili því, sem hér ræðir um, þó að það auðvitað
hafi hlotið að vera nokkuð mismunandi eptir veðri og
öðrum ástæðum. þá er Barði Guðmundsson frá Ás-
bjarnarnesi fór suðr yfir heiði, að hefna Halla bróður
síns, þá var Gísli þorgautsson, er Barði drap, og bræðr
hans, að enda við að slá Gullteig, og var það fimtu-
daginn 22 vikur af sumri. 22 vikur vóru og af sumri,
er þ*orsteinn Egilsson á Borg fór að heimboði til
frænda síns þorgeirs á Álptanesi og Steinarr sonr On-
undar sjóna réð á hann; sá þá fólk af engjum viðreign
þeirra og fór til og skildi þá; má af þessu hvoru-
tveggja sjá, að slætti var fram haldið þangað til mán-
uðr var til vetrar, og kemr það heim við það sem
Grágás segir. í hverri rækt og hversu stór túnin hafi
verið, verðr eigi sagt, en þó er víst, eptir kúpenings-
fjöldanum að dæma, að þau hafa verið miklu stærri en
nú á tímum og að öllum lfkum betr ræktuð. í sögu
Finnboga hins ramma er raunar getið um svo vel
sprottið tún, að eigi varð minna af að bera en fyrir
komst til þerris, en sú saga er nú raunar að mörgu
mjög óáreiðanleg1.
Auk túns og engja notuðu fornmenn og, eins og
vér, beitiland. Beitilandið skiptist aptr í afréttir og
haga. Afréttir kölluðust lendur þær, er notaðar vóru til
beitar að sumrinu fyrir geldan sauðfénað og naut, og
1) Grrágás, Konungsbók. Kmh. II. bls. 91. Vígastyrs og Heið-
arvíga saga, kap. 25. bls. 349; kap. 27. bls. 357. Egils saga, kap.
88, bls. 223. Einnboga saga, kap. 40. bls. 80.