Eimreiðin - 01.01.1904, Blaðsíða 66

66
súlent á Bretlandi, er sé launaður af landssjóði og standi undir umsjón
landsstjómarinnar og Búnaðarfélagsins; hann á að gera íslenzkar land-
búnaðarafurðir sem mest og bezt kunnar á markaðinum í útlöndum og
leiðbeina bændum og kaupmönnum í öllú, sem að því máli lýtur. —
Með fyrirlestri þessum er öðru hefti lokið.
18. »Um íslenzkar fóður- og beitijurtiri. eftir Stefdn Stefánsson.
Höf. lýsir fyrst fóðurjurtum alment og færir rök fyrir því, að íslenzk
fóðurjurtafræði verði eingöngu að byggjast á íslenzkum rannsóknum,
íslenzkri reynslu. Síðan skiftir hann ísl. fóðurplöntum í 2 stóra flokka
(jurtkendar og trékendar plöntur), flokkunum í deildir og lýsir hverri
deild fyrir sig (Sbr. Eimr. IX, 140).
19. »Skógræktin á íslandi« eftir C. E. Flensborg er allöng og
merkileg ritgerð. Höf. hefur ritað um sama efni á dönsku og þess
hefur verið getið allnákvæmlega í »Eimr.« (VII, 234 og VIII, 235).
svo hér er eigi ástæða til að fara fleiri orðum um ritgerð þessa.
20. sNokkur orð um fjárhúsabyggingar o. fl,« eftir síra Sigurb
Stefánsson. í 9. árg. Búnaðarritsins hélt Benóní Jónasson því fram, að
fjárhús ættu að vera »fleirstæðuhús« en ekki »einstæðuhús«. S. S. ritar
nú nákvæmar um þetta byggingarlag og reynslu sína í því efni. Hann
færir full rök fyrir því, að fleirstæðuhús með jámþaki verði miklu
betri en einstæðuhús með torfþaki og jafnvel ódýrari, þegar á alt
er litið.
21. »Nautgriparæktunarfélög« eftir Gubjón Guðmundsson er frum-
varp til laga fyrir nautgriparæktunarfélög með skýringum og athuga-
semdum. — Með grein þessari endar þriðja hefti.
22. »Undirstaða búnaðarframfara«. Skólakennari Björn fensson
ritaði 1902 greinar í »ísafold« um undirstöðu búnaðarframfara og vildi
láta plægja túnin og breyta þeim í sáðland o. s frv. Til þess að
ræða mál þetta var fundur haldinn í Búnaðarfélaginu 8. nóv. 1902.
Agrip af umræðunum birtist hér í Búnaðarritinu. f*ær era alllangar,
og er mikið á þeim að græða.
23. »Ræktunarsjóðurinn« eftir Þórhall Bjarnarson er skýrsla um
Ræktunarsjóð íslands. Vextir af sjóðnum námu árið 1901 um 5450
kr. 32 menn fengu verðlaun (50—200 kr. hver), er námu alls 3425
kr, Var þá óeytt af vöxtunum um 2000 kr., sem lagðar vóru við
innstæðuna.
24. —26. »Búnaðarmálafundur«, »Garðyrkjukensla« eftir Einar
Helgason og »Ritgerðir um búnað og atvinnumál;« alt stuttar skýrslur.
27. »Búnaðarfélag íslands (félagatal)« er síðasta skýrslan í fjórða
heftinu. Tala félaga var í árslok 1902 480, en hefur síðan vaxið að
mun (sbr. Eimr. IX, 233).
Búnaðarritið er einna þýðingarmesta tímaritið, sem kemur út á
Islandi. f’að ætti að vera lesið á hverju einasta heimili á landinu.
Framfarirnar á íslandi hafa orðið miklu stórstígari, síðan Búnaðarfélag
Islands tók til starfa, en áður. En þetta er þó aðeins góð byijun:
Búskapurinn á íslandi tekur enn þá stórkostlegum framförum og at-
vinnuvegimir batna á margan hátt, eftir því sem búnaðarþekking og
atvinnuafl eykst í landinu.
Ferðaskýrslur búfræðinganna í Búnaðarritinu eru oft skipulega