Eimreiðin - 01.01.1904, Blaðsíða 50

jarðfræðislegum skilningi mjög forn bergtegund, en einmitt innan
um hinar fornu bergtegundir finnast oft dýrmætir steinar og málm-
ar. Pað sé fjarri mér, að vekja tálvonir um auð í fjöllunum á
íslandi, en eitt vildi ég brýna fyrir öllum, sem um þau fara, að
gæta sem bezt að öllum afbrigðilegum steintegundum,
sem þeir finna. Allir dýrmætir málmar og steinar finnast í fyrst-
unni á þann hátt, að vart verður við þá á yfirborðinu, þar sem
meira kann að vera dýpra í jörð niðri. Einkum eru gildrög og
lækjarfarvegir hneigð fyrir að opinbera leyndardómana. Móðir
vor, jörðin, er ríkari en margur hyggur, og það er erfitt að gizka
á hvar eða hvenær það kemur að henni að vera gjafmild.
pt. Kaupmannahöfn í janúar 1904.
G. M.
R i t s j á.
MATTHÍAS JOCHUMSSON: LJÓÐMÆLI I,—II. (Seyðisfirðí
1902—3). Varla er svo aumur íslendingur, að hann myndi eigi óska
sér að eiga öll ljóðmæli Matthíasar Jochumssonar í vandaðri ótgáfu.
Herra Davíð Östlund á því þökk og heiður skilið fyrir að hafa ráðist
í að gefa almenningi kost á slíkum fjársjóði, og auðséð er, að hann
gerir flest, sem í hans valdi stendur, til þess að útgáfan verði sem
prýðilegust og höfundinum samboðin. Pappírinn er góður, letrið sjálft
fagurt, en ekki er laust við, að það sé á einstöku stað lítið eitt máð
og sumstaðar ögn klest; en varla er orð á því gerandi. Framan við
fyrsta bindið eru tvær myndir af höfundinum, önnur frá 1872, hin
tekin 1893.
Auðséð er samt á þessari bók, eins og fleiru, sem gefið er út á
íslandi, að hjá oss liggur ekki dauðahegning við prentvillum. Þær eru
helzt til margar og margvíslegar. Leiðréttingar við 1. bindi eru heil
blaðsíða og í 2. bindi er 3. flokkur talinn IV., og bls. 255 prentuð
á undan bls. 254. Slíkt ætti ekki að sjást í neinni bók og sízt svo
dýrmætri sem þessi er.
Niðurröðun kvæðanna virðist mér all-ábótavant. í hvoru bindinu
um sig er þeim raðað í flokka, einkum eftir því, á hvaða tímabili þau
eru ort; en ekki er það gert með fullri samkvæmni; sum kvæðin hafa
verið sett í flokk sér eftir öðrum einkennum, þannig er t. d. 4. flokk-
ur í II. bindi »úr leikritum« og eru þar saman komin kvæði úr leik-
ritum skáldsins frá ýmsum tfmum. Innan hvers flokks er tímaröðinni
ekki fylgt og loks eru þýddu kvæðin sumpart í sérstökum flokkum,
sumpart innan um frumsömdu kvæðin. Þetta gerir ljóðasafnið óhand-
hægra.