Ársrit Hins íslenska fræðafjelags í Kaupmannahöfn - 01.01.1920, Qupperneq 42

42
forv. Thoroddsen
það gat verið alt of hættulegt. í*rátt fyrir þetta hafa
Gyðingar meiri óbeit á Filisteum en Kananítum, jafnvel
þó friður sje, það er eins og þeir finni til þess að það er
óskyld og annarleg þjóð, auk þess voru þeir ógeðfeldir at
því þeir voru óumskornir, en það þýddi hjá Gyðingum
sama sem óskírður eða heiðinn hjá kristnum mönnum.
Pað er engum efa bundið, að Filistear eru nýkomnir
annarstaðar að í þessi lönd þegar þeir koma fram á
sjónarsvæði sögunnar í Palestínu um i ioo árum f. Kr.
Þegar Hebrear fyrst vinna undir sig Kanaan um 1200 f.
Kr., er Filistea hvergi getið og þó er sagt (Dóm. 1, 18)
að Júda hafi unnið borgirnar Assa, Askalon og Ekron,
sem einmitt lágu í miðju Filistealandi sem seinna varð.
Hvaðan Filistear hafa komið er örðugt að ákveða með
vissu. Gamla Testamentið segir (Amos 9, 7; 5. Mós. 2,
23) að Filistear hafi komið úr Kaptorlandi, en það er
haldið að það sje sama og Krít, og á einum stað (1. Sam.
30, 14) eru Filistear nefndir Kretítar. Kaptor er líklega
sama sem Kefto eða Keftor á egypskum áletrunum, en
það er Krít. Hvort sem nú Filistear hafa komið beint
þaðan, þá mun víst, að þeir eru komnir einhversstaðar
frá grískum löndum. Á áletrunum Ramses III. Egypta-
konungs (1208—1180 f. Kr.) eru Filistear kallaðir Pulasati,
og þar sjest að þeir eru að brjótast til landa, og á suður-
leið. Par segir að Ramses III. Faraó hafi nálægt Líbanon
barist við sæþjóðir með þessu nafni, sem komu frá eyj-
unum í Grikklandshafi og frá suðvesturströndum Litlu-
Asíu, og fóru með báli og brandi yfir strandhjeruðin.
Faraó þykist hafa unnið sigur á þessum óaldarseggjum
og rekið þá í sjó fram, en það munu digurmæli ein,
þeir hafa þá að minsta kosti komið fljótt aftur, því litlu
síðar eru þeir búnir að fá bólfestu við Líbanon og unnu
undir sig alla strandlengjuna frá Karmel suður að Gasa.
Teim lenti brátt saman við Gyðinga bæði af ísraels og