Ársrit Ræktunarfélags Norðurlands - 01.01.1932, Síða 72

74
II. Samþykktir Búnaðarsambands Skagfirðinga.
1. gr. — Félagið heitir Búnaðarsamband Skagfirð-
inga, skammstafað B. S. S. Heimili þess og varnarþing
er á Sauðárkróki.
2. gr. — Tilgangur sambandsins er að koma til leið-
ar starfsemi meðal búnaðarfélaga innan Skagafjarð-
arsýslu í þvi augnamiði að vinna að bættum búnaðar-
háttum á félagssvæðinu. Tilgangi sínum hugsar sam-
bandið sér að ná með því:
a. Að vinna að samræmi í skipulagi, starfi og fram-
kvæmdum búnaðarfélaganna er í sambandið ganga,
og annast um jarðabótamælingar.
b. Styðja bændur og búnaðarfélög í starfi þeirra að
sérhverjum búnaðarumbótum svo sem grasrækt,
garðrækt og skógrækt svo og leiðbeiningum og út-
vegun fræs og plantna.
c. Vekja áhuga bænda á búfjártryggingum og kynbót-
um búfénaðar, vinna að fóðurtryggingum og stofn-
un eftirlits- og fóðurbirgðafélaga.
3. gr. — Sjái sambandið sér fært að hafa verksvið
sitt víðtækara en fram er tekið í 2. gr. getur aðalfund-
ur tekið ákvörðun um það.
4. gr. — Félagssvæðið er Skagafjarðarsýsla og eiga
öll búnaðarfélög á svæði þessu rétt á að gjörast félag-
ar í sambandinu. Búnaðarfélag, sem óskar upptöku í
sambandið, verður að senda formanni þess skriflega
beiðni um það, undirritaða af búnaðarfélagsformanni
og samþykta af félagsfundi. Beiðninni skal fylgja eft-
irrit af lögum eða samþyktum félagsins. Er þá for-
manni heimilt að veita búnaðarfélaginu sambandsrétt-
indi til næsta aðalfundar. Fullkomin upptaka fer fram
á næsta félagsfundi, enda hafi þá búnaðarfélagið und-
irritað skuldbindingu um það, aðfélagið sem sambands-