Ársrit Ræktunarfélags Norðurlands - 01.01.1932, Qupperneq 73

75
deild undirgangist samþyktir og reglur sambandsins
eins og þær eru og kunna að verða. Úrsögn úr sam-
bandinu er bundin við aðalfund og gildir frá næstu
áramótum, enda sé félagið skuldlaust við sambandið.
5. gr. — Hvert búnaðarfélag innan sambandsins
greiði árlega 3 — þrjár — krónur af hverjum félags-
manni sínum í sambandssjóð, gjalddagi árgjalds er 10.
október. Þau búnaðarfélög sem ekki hafa greitt gjöld
sín samfleytt 2 ár, skoðast gengin úr sambandinu.
6. gr. — Sambandinu stjórnar fulltrúaráð og sam-
bandsstjórn. Hver deild (búnaðarfélag) hefur rétt til
að senda einn mann á fund sambandsins fyrir hverja
15 félagsmenn og helmingsbrot eða meira og eru þeir
fulltrúaráð. Allir félagsmenn hafa málfrelsi og tillögu-
rétt en fulltrúar einir og stjórnarnefndarmenn atkvæð-
isrétt. Fulltrúaráð kýs 5 manna stjórn til 5 ára á að-
alfundi og skal einn stjórnarnefndarmaður ganga úr á
ári hverju í fyrstu skiftin eftir hlutkesti. Formaður
skal valinn af stjórn. Hver stjórnarnefndarmaður vel-
ur sjálfur einn varamann. Stjórn ræður öllum málefn-
um sambandsins milli funda, þar á meðal ráðningu
starfsmanna. Hún hefur umráð og ábyrgð á sambands-
sjóði sem og á öllum fjárreiðum sambandsins. Kostnað
við stjórn sambandsins skal greiða samkvæmt reikn-
ingi samþyktum af aðalfundi.
7. gr. — Sambandið heldur einn aðalfund á ári á
þeim stað og tíma er stjórnin ákveður. Þar skulu lagð-
ir fram endurskoðaðir reikningar sambandsins og
kosnir endurskoðendur til næsta árs. Aðalfundur kveð-
ur á um störf sambandsins komandi ár og kýs fulltrúa
á búnaðarþing. Þá er aðalfundur lögmætur er til hans
hefur verið boðað skriflega með 3ja vikna fyrirvara
og mættir eru fulltrúar frá fullum helmingi sambands-
deilda. Afl atkvæða ræður úrslitum mála. Kostnaður af