Ársrit Ræktunarfélags Norðurlands - 01.01.1959, Side 17

17
korau inn 14. okt. og sú fyrsta bar 4. nóv. og dreifðist burð-
urinn á tvo mánuði, því sú síðasta bar ekki fyrr en 4. jan.
1958. Undirbúningur sá, sem kvígurnar fengu fyrir burð,
eftir að þær voru teknar inn, varð því harla mislangur. Þar
sem ekki hafði verið unt að haga sæðingunni á kvígunum
eftir aldri, voru þær líka nokkuð misjafnar að aldri er þær
báru. Að meðaltali fengu Ægisdætur 46.5 kg af kjarnfóðri
fyrir burð, minnst 20 kg, mest 82 kg, en Vallardætur fengu
að meðaltali 40 kg, minnst 26 kg, mest 54 kg. Meðalaldur
Ægisdætra við burð var 806 dagar, minnst 749, mest 842,
en Vallardætur voru að meðaltali 809 daga gamlar er þær
báru, minnst 757, mest 842 daga.
Hvorki er unt að sjá, að mislangur undirbúningur undir
burð, eða aldursmunurinn hafi haft nokkur merkjanleg
áhrif á árangurinn, en um það er að sjálfsögðu mjög örðugt
að dæma við samanburð á svo fáum einstaklingum, sem hér
um ræðir. Þroskinn fer ekki heldur nákvæmlega eftir aldri.
Kvígurnar fengu hey eins og þær vildu éta. Fyrst framan
af fengu þær aðeins þurrhey, en um miðjan des. var farið
að gefa vothey, og fengu þær eftir það um hálfa gjöf af
votheyi þar til það þraut um 23. maí. Eftir það var gefið
þurrhey einvörðungu þar til kýr fóru út 14. júní.
Þurrheyið var engan veginn gott. Það var gróft og úr sér
sprottið, en annars sæmilega verkað og ázt dável. Votheyið
var vafalaust eðlisbetra en nokkuð misjafnt og ázt dálítið
misjafnt. Ekki var unt að merkja, að það ylli nokkrum telj-
andi breytingum þegar farið var að gefa votheyið eða þegar
það þraut. Athuganir, er gerðar voru á því, hve mikið kvíg-
urnar átu af heyi að meðaltali, leiddu í ljós, að fyrst eftir
að þær komu inn átu þær varla meira en 8—9 kg af þurr-
heyi, en eitthvað meira eftir að þær báru og eftir að farið
var að gefa votheyið virtust þær éta 6 kg af þurrheyi og 12
kg af votheyi að meðaltali. Votheyið var tiltölulega þurrt,
og er því reiknað með að kvígurnar hafi fengið af heyi um
5.0 F. E. á dag, og er þá heyfóðrið metið til hins ýtrasta.
2