Ársrit Ræktunarfélags Norðurlands - 01.01.1959, Page 35

37
Ö ryggi árangursins.
Hér að framan liefur verið gerður margvíslegur saman-
burður. Fyrst og fremst milli systrahópa undan tveimur
nautum, bæði hvað mestu dagsnyt, mjólk í 301 dag, fitu %
og fitueiningar áhrærir. Þá liafa þessir systrahópar verið
bornir saman við mæður sínar varðandi mestu dagsnyt að
1. kálfi og fitu %. Að lokum liafa svo þessir systrahópar ver-
ið bornir saman við 87 jafnöldrur á sambandssvæðinu, og
þá gerður samanburður á hæstu dagsnyt, rnjólk á 1. mjalta-
skeiði, fitu % og fitueiningum. Allur hefur þessi saman-
burður linigið í einn farveg, þann, að Ægisdætur hafa sýnt
verulega yfirburði, en Vallardætur reynzt miklu lakar, eða
gefið hæpinn ávinning. Segja má, að dómur þessi sé byggður
á mörgum forsendum og því sæmilega öruggur. Öryggi hans
má einnig meta að stærðfræðilegum leiðum. Það mat hefur
verið lagt á niðurstöðurnar að svo miklu leyti, sem fært þótti
eða ástæða til. Það yrði of langt mál að færa rök fyrir þessu
mati eða þeim forsendum, er það byggist á, en segja má í
stórum dráttum, að það dæmi eftir þeim mismun, er verður
milli hinna ýmsu samanburðarhópa annars vegar og milli
einstaklinganna innan samanburðarhópanna hins vegar. Því
meiri sem sá fyrrtaldi verður í hlutfalli við hinn síðarnefnda,
því öruggari er mismunur hópanna, eða því meiri líkindi
eru fyrir því, að um raunhæfan mismun sé að ræða, en
hending ein geti ekki verið að verki. Reiknaðar eru út svo-
kallaðar T- og F-tölur og öryggið ákveðið eftir þeim og þar
til gerðum töflum. Ein # merkir, að öryggið sé minnst 90%,
tvær **, að það sé minnst 95% og þrjár *** að það sé 99%
eða meira. Útreikningar gerðir eftir þessum aðferðum sýna
eftirfarandi öryggi eða raunhæfni: