Ársrit Ræktunarfélags Norðurlands - 01.01.1959, Page 67

69
einstaklingar því kr. 9.228.00, og munu þessar fjárveitingar
vera í öfugu hlutfalli við fjárveitingar til flestra annarra
Búnaðarsambanda landsins.
Eftir 1935 og þó einkum eftir 1941 fóru fjárveitingar frá
Búnaðarfélagi Islands að vaxa til verulegra muna, og hafa á
síðustu árum numið um kr. 6.400.00 á ári. Þá hefur Sam-
bandið einnig fengið allverulegar fjárhæðir frá Búnaðar-
málasjóði frá 1948. En jöfnustu og drýgstu tekjur B. S. N. Þ.
haía frá byrjun komið frá innanhéraðs stofnunum, svo sem
hreppabúnaðarfélögum, sýslusjóði og kaupfélögum, því
þessar nefndu stofnanir hafa styrkt Sambandið frá stofnun
þess til þessa dags og ætíð reynzt bezt, þegar mest hefur við
legið.
Tekjur B. S. N. Þ. á þessurn fyrsta 25 ára starfsferli þess
hafa í stórum dráttum verið frá eftirtöldum aðilum og ver-
ið sem hér segir:
Frá Búnaðarfélagi íslands ......... kr. 68.970.00
— Hreppabúnaðarfélögum héraðsins — 50.800.00
— Búnaðarmálasjóði ................ — 35.486.00
— Kaupfélögum á Sambandssvæðinu — 23.440.00
- Ríkissjóði ...................... - 15.965.00
— Sýslusjóði ...................... — 12.750.00
— Aðrar tekjur .................... — 6.589.00
Samtals kr. 214.000.00
Tvo þriðju hluta þessara tekna hefur Sambandið hlotið
7 síðustu árin, svo nú er það betur tryggt fjárhagslega í
framtíðarstarfi sínu en það var, er það hóf göngu sína fyrir
25 árum, enda vonandi að það eigi ekki eftir að stríða við
jafn tilfinnanlegan fjárskort og það varð að berjast við
fyrstu starfsár sín.