Ársrit Ræktunarfélags Norðurlands - 01.01.1959, Side 73

sonar, garðyrkjufræðings í Reykjavík, er þá veitti forstöðu
Gróðrarstöðinni í Reykjavík og gerði þar víðtækar tilraunir
með ræktun margs konar garðjurta til manneldis. En til
þess að kynna bændum notkun tilbúins áburðar og til að
örfa útbreiðslu hans í sveitum landsins, gekkst Búnaðarfélag
Islands fyrir því að fá einstaka bændur, einkum í hinum
breiðari byggðum, til að gera skipulagðar tilraunir með hin
ýmsu áburðarefni, bæði hvert út af fyrir sig og eins tvö eða
fleiri saman. Fengu þeir bændur, er þessar tilraunir önnuð-
ust, tilraunaáburðinn ókeypis og jafnvel einhverja þóknun,
þar sem þessar tilraunir voru umfangsmestar. Flestar þessar
áburðartilraunir sýndu, að gömlu túnin, sem um áratugi
eða aldir höfðu fengið' húsdýraáburð, vantaði aðeins köfn-
unarefnisáburð og að þau gátu sprottið í áraraðir af köfn-
unarefnisáburði einvörðungu. Þessa reynslu notfærðu bænd-
ur sér, fyrst á þann hátt, að fyrst var köfnunarefnisáburður
borinn á gömlu túnin samhliða litlu magni af húsdýra-
áburði og síðar, eftir stofnun Sambandsins, þegar farið var
að auka nýrækt til verulegra muna, var borinn einvörðungu
tilbúinn áburður á gömlu túnin en allur húsdýraáburður,
er til féllst, tekinn í nýræktina. Kaup á tilbúnum áburði,
einkum köfnunarefnisáburði, hafa því farið sívaxandi frá
stofnun Sambandsins og þó sérstaklega eftir 1930, er Sam-
bandið réðst í að kaupa dráttarvélar til jarðvinnslu, og hef-
ur jarðræktin á Sambandssvæðinu vaxið hröðum skrefum
og notkun tilbúins áburðar aukizt að sama skapi, enda eru
nú kaup á tilbúnum áburði að verða einn af stærstu út-
gjaldaliðum í búrekstri bænda í þessu héraði.
Ef sundurliða ætti starfsemi B. S. N. Þ. með tölum og
sýna hvernig tekjum þess hefur verið varið, þessi 25 ár, sem
það hefur starfað, yrði það í stórum dráttum þannig:
1. Laun formanns og ferðakostn. stjórnarn. kr. 5.500.00
2. Laun og ferðakostn. starfsmanna ........ — 65.000.00
3. Fundakostnaður .......................... — 20.000.00
Flyt kr. 90.500.00