Árbók Landsbókasafns Íslands - Nýr flokkur - 01.01.1987, Blaðsíða 41

HALLDÓR HERMANNSSON
41
Ég sendi safninu bók um kortlagningu Perús úr loftinu. Eg geri ráð
fyrir, að menn hafi ekki mikla interesse fyrir Perú þarna heima, en
það sem er merkilegt við bókina er ekki Perú sjálf, heldur kort-
lagningaraðferðin, sem þið ef til vill gætuð lært eitthvað af. Ef þið ekki
hafið bók Edw. F. Gray’s um Leif Eiríksson, þá skal ég gjarna senda
ykkur eintak, sem ég hef aflögu. Ég geri ráð fyrir, að þið fáið kannske
hjá Matthíasi Þórðarsyni eintak af ensku bókinni hans um Vínlands-
ferðirnar, annars get ég kannske látið safnið fá eintak.
Það væri að óska, að kjallarahæðin, nágranni ykkar, ætti það eftir
að verða undirstaða undir safnahúsi. Það væri gott, ef Matthías fengi
færi þar til að koma vel fyrir sínu fornleifasafni.
Með beztu kveðju til þín og konu þinnar,
þinn einlægur
Halldór Hermannsson
catchword: orð, oft sett neðst á síðu í gömlum bókum til að sýna, hvaða orð komi fyrst
á næstu síðu. Það hefur stundum verið kallað griporð á íslenzku.
The Fiske Icelandic Collection,
Cornell University Library,
Ithaca, N.Y. 20. okt. 1931
Kæri vinur,
Ég geri ráð fyrir, að þið takið vikuritið Nature og að þú hafir tekið
eftir greinum þeim, sem þar hafa staðið um „acromegaly“ meðal
Norðmanna að fornu. Það er þýðing Eddison’s á Eglu, sem hefur
komið þeim umræðum á stað og líka grein eftir prof. Hansen um
„homo gardensis“. Ég hélt, að þetta mundi sérstaklega interessera
þig í þínum genealogisku rannsóknum, og því datt mér í hug að vekja
athygli þína á þessum greinum, ef þú skyldir ekki hafa tekið eftir
þeim. Þær eru í Nature 8. og 29. ág. og 19. sept. síðastl.
Ég hef nýlega fengið Bókmenntafélagsbækurnar og þar lesið
greinar þínar í Skírni, sem eru góðar að vanda; hljóðbreytinga-
greinina þekkti ég áður frá Zeitschr. f. deut. Phil., hún er sérlega
merkileg og eftirsóknarverð. En jafnómerkilegar eru skólaendurminn-
ingar Finns. Hann rubbar þessu upp í snatri hugsunarlaust bæði um
efni og stíl. Hann þarf sannarlega ekki að vera að birta það fyrir
okkur, að í hans tíð var öll áherzla lögð á málfræðina við kennsluna,
og nota það sem átyllu til að ráðast á H.Kr.Fr. Hann getur þess, að