Árbók Landsbókasafns Íslands - Nýr flokkur - 01.01.1987, Blaðsíða 61

STEFÁN EINARSSON
61
háttar, af því að ég hef ekki skrifað neitt sem nemur í enskum fræðum.
En háskólinn er frjálslyndur og hefur verið mér góður.
Þá eru nokkur orð um fjármálin. Sendi ég þér ávísunina tilbaka og
bið þig að borga af henni 50 kr. til Bókaútg. Heimskringlu (Kristinn
Andrésson), fyrir „Rétt“. Afganginn vil ég gjarna eiga inni hjá
Bókmenntafélaginu og láta það borga mér í bókum - félagsbókum,
eða öðrum, sem ég mun tiltaka við tækifæri.
Með kærum kveðjum til þín og fjölskyldunnar og beztu nýárs-
óskum.
Þinn einl.
Stefán Einarsson
The Fiske Icelandic Collection.
Cornell University Library,
Ithaca, N.Y. 1. sept. 1937.
Kæri vinur:
Mig langar til að grennslast eftir því, hvort þú mundir vilja taka
grein (20-30 vélr. síður) um Gunnar Gunnarsson í Skírni næst.
Greinina mundi ég sníða upp úr fyrirlestri, sem ég hélt um Gunnar í
fyrra og kemur kannske í ensku eða amerísku tímariti í ár.
Það hefur ekkert verið skrifað um Gunnar að gagni á íslenzku,
síðan Einar Benediktsson reit sína ómaklegu krítík í Skírni, nema
grein Laxness um Kirkjuna á fjallinu í Iðunni. En jafnvel sú grein,
þótt góð sé, gerir ekki öðrum ritum Gunnars óhlutdræg skil.
Mér fyndist það eiga vel við, að Skírnir flytti þessa grein, enda
hygg ég, að þú munir fallast á það. Ég bíð samt eftir þínu svari.
Ekki margt í fréttum. Ég hef verið að vinna að bókmenntasögunni,
og á nú að heita, að ég eigi alla höfuðkapítula hennar í uppkasti á
ensku (þar á meðal kapítula um þig, sem ég þó líklega verð að stytta
úr þeim 7 síðum, sem hann nú er. En ég eyk þá við hann og sendi
hann til íslenzku tímaritanna). Yfirleitt er mér illa lagið að stytta og
að semja survey, þú munt segja, að ég trúi á moldviðrið.
En sálarfræðilega ástæðan hygg ég sé sú, að ég er svo minnislaus,
hef verið það alla mína hundstíð, og hana nú!
Segðu mér af þér og því, sem heima gerist.
Þinn einl. vinur
Stefán Einarsson