Árbók Landsbókasafns Íslands - Nýr flokkur - 01.01.1987, Blaðsíða 79

RICHARD BECK
79
þetta tækifæri til þess að þakka yður fyrir þau hvað sjálfan mig
snertir, því að margt hefi ég af ritum yðar lært, auk ánægjunnar, sem
þau hafa flutt mér, og verður mér oft til þeirra vitnað.
Með þökk fyrir góð orð um ritstörf mín og þjóðræknisstarf. Kærar
kveðjur.
Vinsamlegast
Richard Beck
The University of North Dakota
Grand Forks, 1 ágúst 1943
Department of Scandinavian Languages
Heiðraði vinur,
Sem nokkurn þakkarvott þess, hvers virði rit yðar hafa verið mér,
og sem dálitla viðurkenningu af hálfu okkar íslendinga í landi hér á
áhuga yðar á þjóðræknisstarfi okkar og vinsemd yðar í okkar garð,
skrifaði ég nýlega dálitla afmælisgrein um yður, er kom í Logbergi
vikuna sem leið. Sendi ég hana hérmeð, því miður hafa, eins og verða
vill í blöðunum, nokkrar villur slæðzt inn í greinina, og hefi ég látið
endurprenta í næsta blaði erindið, sem ég vitna til í greinarlok úr
kvæði Jakobs Thorarensen til yðar. Takið þér svo viljann fyrir verkið.
Vil ég bæta því einu við, að ég hlakka mikið til þess að sjá greinasafn
yðar Huganir. Pá las ég með athygli frásögnina um nýútkomna Iðnsögu
íslands, sem þér hafið annazt um útgáfu á, og veit ég, að þar er bæði
hið prýðilegasta og þarfasta rit á ferðinni.
Með kærri kveðju.
Yðar einlægur
Richard Beck
The University of North Dakota
Grand Forks, 8. apríl 1944
Department of Scandinavian Languages
Kæri dr. Guðmundur Finnbogason,
Nú er það ég sem skulda yður afsökun fyrir að hafa látið dragast
alltof lengi að svara hinu einkar vinsamlega bréfi yðar frá 8. nóv. s.l.,
sem mér barst um hátíðaleytið. Þakka ég hermeð fyrir það og þá eigi
síður fyrir eintakið af bók yðar Huganir, sem mér þótti afar vænt um
að fá, og hefi ég í huga að geta hennar í öðruhvoru íslenzka