Frjáls verslun - 01.04.1997, Síða 43

Sigurður er stærsti eigandi ísfélagsins sem er foðurleifð hans og elsta starf-
andi írystihús landsins.
FV mynd: Sigurgeir Jónasson.
Dreifingin í aldri þeirra er þannig að
Sigurður hefur sést með „tvö sett“ af
peyjum með sér og er yngra settið jafn-
an með í för um þessar mundir. Þannig
beitir Sigurður þeim uppeldisaðferðum
sem hann vandist sjálfur í æsku, að
kynnast atvinnulífinu frá fyrstu hendi
frá upphafi.
Sigurður mun hafa gefið sundlaug-
inni rennibraut fyrir fáum árum og er
það eitt af fáum dæmum um slíkar gjaf-
ir frá honum. Gárungarnir sögðu hins
vegar að hann hefði keypt rennibrautina
til að geta setið óáreittur í pottinum
meðan synir hans skröttuðust í renni-
brautinni.
DUGLEGUR í STJÓRNMÁLUM
Sigurður er virkur í starfi Sjálfstæðis-
flokksins í Eyjum og sat í bæjarstjórn
fyrir flokkinn árum saman eða til ársins
1994. Hann telur ekki eftir sér að skrifa
greinar í flokksblaðið, safna auglýsing-
um og aka svo sonum sínum og vinum
þeirra meðan þeir dreifa blaðinu í hvert
hús eins og venja er í Eyjum. Þar kemur
í ljós það sem vinir hans telja einn
helsta kost hans, nefnilega hve alþýð-
legur hann er og vel skipulagður og hef-
ur alltaf tíma til þess að gera það sem
hugur hans stendur til.
Gagnrýnisraddir segja á móti að Sig-
urður sé allt of valdamikill í hinu litla
samfélagi Eyjanna þar sem hann drottni
yfir mönnum í atvinnulífinu og það hafi
áhrif á stjórnmálaáhrif hans og öfugt.
Þeir telja að hann ætti að einbeita sér að
atvinnulífinu en láta stjórnmálamönnum
eftir stjórnmálin.
Sigurður á marga kunningja en fáa
vini. Hann er félagi í Akógesfélaginu í
Vestmannaeyjum. Það er félag með
leynilega stefnuskrá sem starfar með
líkum hætti og hefðbundinn karlaklúbb-
ur einu sinni í mánuði yfir veturinn.
Konur eru ekki tækar í Akóges og eng-
inn utan félags veit almennilega um
hvað starfið snýst. Faðir Sigurðar var
meðal stofnenda og stafurinn E í nafni
félagins upphafsstafurinn í nafninu
hans.
Sigurður er handgenginn systkinum
sínum en hefur sérstaklega gott sam-
band við Agúst, bróður sinn, og eru þeir
mjög nánir. Meðal náinna vina hans má
einnig nefna Gunnlaug Sævar Gunn-
laugsson, forstjóra Faxamjöls, og Bald-
ur Guðlaugsson lögfræðing en þessir
menn sitja báðir í stjórn Isfélagsins.
Af heimamönnum í Eyjum má nefna
Guðjón Hjörleifsson bæjarstjóra til vina
Sigurðar og Arnar Sigurmundsson, for-
mann Samtaka fiskvinnslustöðva. Þessir
kumpánar starfa saman í stjórnmálum
og hafa myndað sterk vinatengsl þess
utan. Einnig mætti nefna Þórarinn Sig-
urðsson pottfélaga úr sundinu en Þórar-
inn þessi er rafverktaki og formaður
Hrekkjalómafélagsins í Vestmannaeyj-
um og situr í stjórn Isfélagsins.
Sigurður er ekki félagi í hinu ill-
ræmda félagi hrekkjalómanna en mun
vera boðsgestur þess við sérstök tæki-
færi, s.s. á skötukvöldum.
Þannig sýnir nærmyndin af Sigurði
Einarssyni okkur mann sem hefur
ávaxtað vel sitt pund með gætni, aðsjálni
og vinnusemi, samviskusaman ijöl-
skylduföður og harðfylginn atvinnurek-
anda. 33
Nýir, stæltir
og sterkir bílar
til leigu um
land allt.
Við bjóðum nýja bfla sem uppfylla
ströngustu kröfur Ilertz, á sex stöðum á
landinu. Þú getur skilað bflnum á þeirn
afgreiðslustað sem þér hentar best.
Revkjavík:
Aðalskrifstofa, Flugvallarvegi
Reykjavíkurflugvelli
Sími: 50 50 600
Símbréf: 50 50 650
Akureyri:
Akureyrarflugvöllur
Sími: 461 1005/461 2200
Egilsstíiðir:
Egilsstaðaflugvöllur
Sími: 471 1210/471 1208
llöfn:
Ilornafjarðarflugvöllur
Sími: 478 1250/478 1750
Keflavík:
Flugstöð Leifs Eiríkssonar
Sími: 425 0221
Vestinannaeyjar:
Vestmannaeyjaflugvöllur
Sími: 481 3300
43