Morgunblaðið - 10.02.2001, Side 9

FRÉTTIR
MORGUNBLAÐIÐ LAUGARDAGUR 10. FEBRÚAR 2001 9
HÆSTIRÉTTUR hefur staðfest úr-
skurð Barnaverndarráðs Íslands
sem svipti foreldra forræði dóttur
sinnar þar sem talið var að henni
væri ekki óhætt á heimili þeirra.
Faðir telpunnar var dæmdur fyrir
kynferðislega misnotkun á henni ár-
ið 1997 og tveimur árum síðar kom
enn upp grunur um misnotkun hans,
en þá var hann sýknaður. Í málinu
kom fram að móðirin hefur ekki
burði til að vernda dótturina og veita
henni næga stoð innan heimilisins.
Árið 1997 var faðir telpunnar sak-
felldur fyrir kynferðislega misnotk-
un á henni þegar hún var 6 ára göm-
ul. Hæstiréttur dæmdi hann í 12
mánaða fangelsi, en refsingin var
skilorðsbundin til 5 ára, með því
skilorði að félagsmála- og skólayfir-
völd gætu fylgst með heimilinu.
Á árinu 1999 kom enn upp grunur
um misnotkun mannsins á dóttur
sinni, sem þá var á tíunda ári.
Félagsmálaráð kærði hann til lög-
reglu og ákæra var gefin út á hend-
ur honum en hann sýknaður fyrir
dómi. Telpan, sem hafði verið vistuð
utan heimilisins frá því að grunur
um misnotkun reis, var kyrrsett þar
á grundvelli barnaverndarlaga með-
an athugun á högum hennar færi
fram. Með úrskurði barnaverndar-
nefndar 25. janúar 2000 voru for-
eldrarnir sviptir forsjá þar sem ekki
var talið að telpunni væri óhætt á
heimili þeirra.
Foreldrarnir höfðuðu mál til
ógildingar úrskurði barnaverndar-
yfirvalda. Héraðsdómur féllst á
kröfur þeirra, þar sem ekki þótti
hafa verið sýnt fram á að fullreynt
væri, með undangenginni meðferð-
aráætlun um stuðning og eftirlit
með heimilinu, að ekki mætti í sam-
vinnu við þau ná fram nægilegum
úrræðum til verndar hagsmunum
telpunnar án þess að svipta þau
forsjá hennar. Hæstiréttur taldi
hins vegar lagaskilyrðum forsjár-
sviptingarinnar hafa verið fullnægt
og taldi jafnframt aðstæður telpunn-
ar í heild bera með sér mikla áhættu
fyrir sálarheill og þroska hennar
væri hún tekin aftur á heimilið. Var
úrskurður barnaverndarráðs látinn
halda gildi sínu.
Hæstiréttur staðfestir forræðissviptingu
Talið að telpunni sé
ekki óhætt á heimilinu
HÆSTIRÉTTUR hefur dæmt
Stykkishólmsbæ til að greiða verk-
taka bætur vegna kostnaðar sem
hann lagði í við þátttöku á útboði
vegna lagningar hitaveitu í bænum.
Verktakinn átti lægsta tilboð, en
bæjaryfirvöld ákváðu að ganga til
samninga við heimamenn.
Auglýsing um útboð Stykkishólms
vegna lagningar hitaveitu birtist í
Morgunblaðinu og var um almennt
útboð að ræða. Níu tilboð bárust í
verkið og átti verktaki á Akureyri
lægsta tilboðið.
Ráðgjafi Stykkishólmsbæjar lagði
til að því tilboði yrði tekið, en á fundi
bæjarráðs var samþykkt að ganga til
samninga við aðila sem átti tæplega
267% hærra tilboð. Um var að ræða
fyrirtæki með aðsetur í Stykkis-
hólmi. Sú skýring var gefin á ákvörð-
uninni að mikilvægt væri að vinna
við stórvirki á borð við hitaveitu væri
unnin af heimamönnum.
Verktakinn á Akureyri taldi ómál-
efnaleg rök hafa ráðið ákvörðun bæj-
arins og krafðist skaðabóta. Hæsti-
réttur féllst á að framganga
bæjarins við útboðið og val á verk-
taka hefði verið í andstöðu við þau
meginsjónarmið um samskiptaregl-
ur og jafnræði milli bjóðenda, sem
lög um framkvæmd útboða hvíla á.
Verktakanum voru dæmdar bætur
fyrir þann kostnað sem hann lagði
sannanlega í vegna þátttöku í útboð-
inu, alls um 300 þúsund kr. ásamt
dráttarvöxtum frá desember 1998,
auk 200 þúsund króna málskostnað-
ar fyrir Hæstarétti.
Bætur
vegna vals
á verktaka
HÆSTIRÉTTUR hefur staðfest
úrskurð Héraðsdóms Austurlands
um að hafna kröfu um gæsluvarð-
hald yfir manni sem játað hefur á
sig skemmdarverk að bænum Hval-
nesi í Lóni og að hafa orðið valdur
að bruna húss þar hinn 12. janúar sl.
Sýslumaðurinn á Höfn í Horna-
firði fór fram á gæsluvarðhald yfir
manninum, sem er á þrítugsaldri,
eftir að hann hafði ásamt tveimur
öðrum brotist inn í geymslu að
Hvalnesi og síðan stolið tveimur
gömlum jeppum úr útihúsi. Eftir að
hafa ekið bifreiðunum um tún og
vegaslóða valt önnur þeirra. Mað-
urinn reyndi þá ásamt öðrum að
leggja eld að jeppanum. Við þessa
tilraun brenndust báðir mennirnir
nokkuð. Maðurinn hefur einnig ját-
að að hafa í félagi við þrjá aðra vald-
ið stórfelldum eignaspjöllum á íbúð-
arhúsinu að Hvalnesi í desember
1999. Hann þverneitaði lengst af að-
ild að því máli en játaði loks þegar
hann var handtekinn grunaður um
íkveikju að Hvalnesi.
Tjón vegna þessara skemmdar-
verka er metið á rúmlega 20 millj-
ónir króna.
Sýslumaðurinn krafðist gæslu-
varðhalds á þeirri forsendu að það
væri nauðsynlegt til að verja hags-
muni eigenda Hvalness enda hefði
maðurinn ítrekað sótt í að valda þar
skemmdarverkum.
Hagsmunir ekki
varðir til frambúðar
Héraðsdómur Austurlands hafn-
aði kröfunni á þeirri forsendu að
gæsluvarðhald í einn mánuð kæmi
ekki að haldi til að verja þessa hags-
muni til frambúðar. Hafa bæri í
huga að hann hefði ekki alltaf verið
einn á ferð og óvíst að hann væri
forsprakki skemmdarverkanna.
Maðurinn sem hefur játað skemmdarverk í Hvalnesi
Höfnun á gæsluvarðhalds-
kröfu staðfest í Hæstarétti
Engjateigi 5, sími 581 2141.
Opið virka daga frá kl. 10.00–18.00, laugardaga frá kl. 10.00–15.00.
Síðasta útsöluhelgi
Verðhrun


      
     
  !"  $ "!"

 


 
 
Opið lau.–sun. kl. 15–18, þri.–fim. kl. 20.30–22.30
eða eftir nánara samkomulagi. Ólafur.
Visa- og Euro-
raðgreiðslur
Eitthvert besta úrval landsins af
vönduðum gömlum dönskum
húsgögnum og antikhúsgögnum
Gili, Kjalarnesi
s. 566 8963/892 3041Antikhúsgögn
Smáskór
sérverslun með barnaskó
í bláu húsi við Fákafen - Sími 568 3919, opið virka daga 10-18, laugardaga 11-15
Enn meiri verðlækkun
30 - 70%
afsláttur
Síðasta vika útsölunnar
undirfataverslun,1. hæð Kringlunni, sími 553 7355
BODY SLIMMERS
NANCY GANS
Undirkjóll
m/fylltum
skálum
Undirkjóll
án spanga
NÝTTNÝTT
Suðurlandsbraut 50 (bláu húsin) sími 588 4545
Sigurstjarna
Dúndur útsala á ekta pelsum!
Allt að 75% afsláttur á meðan birgðir endast
Handunnin húsgögn allt að 50% afsláttur.
Mikið úrval af árshátíðardressum,
samkvæmisveskjum, gjafavöru,
öðruvísi ljósum o.fl.
Opið virka daga frá kl. 11-18 og
laugard. frá kl. 11-16.