Morgunblaðið - 03.03.2001, Síða 2

FRÉTTIR
2 LAUGARDAGUR 3. MARS 2001 MORGUNBLAÐIÐ
Fylgstu
með
nýjustu
fréttum
www.mbl.isGríðarleg spenna
í úrvalsdeildinni / B2
Þórður Guðjónsson
í hópnum hjá Derby / B1
4 SÍÐUR20 SÍÐUR
Sérblöð í dag
Á LAUGARDÖGUM
ÞEGAR eldurinn kom upp fyrir of-
an Hard Rock í Kringlunni á
fimmtudag varð vegfarandi fyrstur
til að gera Slökkviliðinu viðvart um
kl. 17.01. Þá hafði logað inni í loft-
ræstistokk veitingahússins um
stund án þess að eldurinn kæmi
fram á brunaboðum Kringlunnar.
Að sögn Hrólfs Jónssonar, slökkvi-
liðsstjóra í Reykjavík, mun ástæða
þess hafa verið sú að viðvörunar-
kerfi hússins fóru ekki í gang fyrr
en stokkurinn fór að gefa sig. Var
þá strax tilkynnt innan úr Kringlu
um eldinn. Hrólfur segir bruna
sem þessa oft erfiða viðfangs, þ.e.
þegar eldur sé ofan við öll viðvör-
unarkerfi húsa. Þess vegna verði
bruna gjarnan fyrst vart utan frá
án þess að nokkurn inni gruni hvað
sé á seyði.
Einar I. Halldórsson, fram-
kvæmdastjóri Kringlunnar, segir
að eigið eldvarnareftirlit Kringl-
unnar hefði ekki miklu breytt í
brunanum sem olli milljónatuga
tjóni í Kringlunni í fyrradag. Eld-
varnareftirlitið krafðist fyrir ári
síðan að Kringlan kæmi upp eigin
eldvarnareftirliti, samkvæmt reglu-
gerð frá 1994, og hefur verið unnið
að undirbúningi þess í Kringlunni í
vetur.
„Það kviknar í útblásturskerfinu
frá Hard Rock og logar í fitu innan
í stokknum og ég sé ekki að það
hefði verið eðlismunur á eigin eld-
varnarkerfi og kerfi Eldvarnareft-
irlitsins,“ segir Einar I. Halldórs-
son.
Viðbragðsáætlanir
endurskoðaðar
Fram hefur komið að erfiðlega
hafi gengið að fá Kringlugesti til að
yfirgefa brennandi bygginguna en
aðspurður segir Einar I. Halldórs-
son að ekki hefði endilega gengið
betur að rýma húsið þótt bruna-
æfing hefði farið fram með gestum,
þar sem reynsla hefði hugsanlega
getað fengist á þetta atriði.
„Ástandið var ekki þannig að það
væri ástæða til að rýma allt húsið.
Það var engin hætta í stærstum
hluta hússins.“ Aðspurður hvort
samskiptum við gesti verði öðruvísi
háttað í því skyni að auðvelda rým-
ingu ef kviknar í aftur, segir Einar
að vitaskuld verði farið yfir við-
bragðsáætlanir í samvinnu við
Slökkviliðið og dregnir lærdómar
af því.
Kringlan hefur hafið undirbún-
ing að eigin eldvarnareftirliti og
segir Einar að það muni einkum
fela í sér formbreytingu á því eft-
irliti sem nú er. Þá verði sameinuð
á einni hendi annars vegar verk
sem Kringlan hefur séð um varð-
andi fyrirbyggjandi ráðstafanir og
prófanir á kerfum og hins vegar
opinbert eftirlit Eldvarnareftirlits-
ins.
Veitingastaðurinn Hard Rock
verður lokaður næstu daga á með-
an hreinsunarstarf fer fram eftir
brunann og endurnýja þarf blásara
í loftræstistokknum. Varahlutir eru
ekki til í landinu enda mun bún-
aðurinn vera sérstakrar tegundar
og vandaður og jafnvel hafa komið
í veg fyrir að enn verr færi. Bogi
Jónsson, sem annaðist hreinsun á
brunaleifunum í gær, fullyrðir að
stokkurinn sem kviknaði í sé einn
af örfáum stokkum hérlendis sem
gerðir séu samkvæmt bandarískri
brunareglugerð hvað varðar efnis-
þykkt og hreinsimöguleika. Hann
segir að verr hefði farið ef stokk-
urinn væri sömu gerðar og þeir
stokkar sem algengastir eru hér-
lendis.
„Um 95% allra stokka eru venju-
legir þunnir blikkstokkar sem
þurfa mjög lítið til að fara í sundur
ef kviknar í þeim,“ segir hann.
„Hitinn sem myndast við eld af
þessu tagi er gífurlegur og er ekki
von á góðu þegar stokkarnir eru
klæddir af í timburhúsum. Með ár-
unum safnast mikil fita innan í
þeim og vanalega eru þeir ekki
hreinsaðir fyrr en þeir stíflast. Í
Bandaríkjunum er sett í reglugerð
að hreinsa eigi slíka stokka allt að
tvisvar á ári. Hér á landi þykir gott
ef stokkarnir eru hreinsaðir einu
sinni á líftíma veitingastaðanna.
Stokkurinn í Hard Rock var
hreinsaður síðast fyrir sjö árum.“
Að sögn Boga gera bandarískir
staðlar ráð fyrir að þykkt óhrein-
indanna megi ekki fara yfir einn
millimetra. Hérlendis sé hins vegar
ekki óalgengt að 5 sm lag af fitu og
óhreinindum sé innan í stokkum,
þegar kemur að því að hreinsa þá.
„Í flestum fylkjum Bandaríkj-
anna fæst veitingaleyfið ekki fram-
lengt nema sýnt sé fram á að
stokkarnir hafi verið hreinsaðir,“
segir hann.
Fyrir um tveimur árum var sam-
eiginlegur loftræstistokkur nokk-
urra veitingastaða í Kringlunni
hreinsaður og hafði stokkurinn þá
ekki verið hreinsaður í sjö ár. 60 kg
af fitu voru innan í stokknum.
Eigið eldvarnareftirlit
í Smáralind
Að sögn Árna Árnasonar, sviðs-
stjóra brunasviðs verkfræðistof-
unnar Línuhönnunar hf., sem ann-
ast brunahönnun Smáralindar,
verða eigin eldvarnir í húsinu og
hafa þær verið þróaðar í nánu sam-
starfi við Brunamálastofnun og
Eldvarnareftirlitið, sem hefur gert
kröfu um að fullmótuð eldvarnar-
áætlun liggi fyrir áður en bygg-
ingin verði tekin í notkun. Ekki fá-
ist leyfi til að opna húsið fyrr en
slík áætlun liggi fyrir og samþykkt
af Eldvarnareftirlitinu.
„Eldvarnareftirlit í húsinu verð-
ur á hendi Smáralindar og því mun
Eldvarnareftirlitið ekki fara sjálft í
ítarlegar skoðanir á húsinu. Að
vissu leyti má því segja að verið sé
að einkavæða eftirlitið í þessari
stóru byggingu,“ segir Árni. Að
sögn hans er ekki útilokað að
brunaæfing með gestum Smára-
lindar muni fara fram í tilrauna-
skyni til að kanna hversu langan
tíma það taki að rýma bygginguna í
raunverulegum eldsvoða.
Eldvörnum í verslunarhúsinu í
Smáralind, sem er 90 þúsund fer-
metrar, verður m.a. háttað þannig
að húsinu verður skipt niður í
brunahólf með því að hvert leigu-
rými verður sjálfstætt brunahólf.
Göngugötu innandyra milli versl-
ana og þjónustustaða verður skipt
niður í þrjár einingar þar sem
svæðið verður hólfað af með sér-
stökum reykskermum. Á bygging-
unni verður reyklosunarbúnaður
tengdur við viðvörunarkerfi. Í
gegnum hátalarakerfi verður hægt
að flytja fólki boð um hvernig eigi
að yfirgefa bygginguna og ljós sett
upp þar að lútandi. Þá verða settar
leiðbeiningareglur um reglubundna
hreinsun loftræstistokka.
Slökkviliðsstjóri um bruna í loftræstistokk yfir Hard Rock í Kringlunni
Erfitt þegar eldurinn er fyr-
ir ofan viðvörunarkerfi húsa
Morgunblaðið/Golli
Bogi Jónsson, sem annast þrif á brunaleifunum í loftstokki veitingastaðarins Hard Rock, sagði að mikill hiti
myndaðist við eld af því tagi sem blossað hefði upp í fyrradag.
Flóttamað-
ur bankaði
upp á í mið-
bænum
ÚTLENDUR karlmaður bankaði á
dyr húss í miðbæ Reykjavíkur í
fyrrinótt og bað öryggisvörð að að-
stoða sig við að komast í samband
við lögreglu.
Við komuna á lögreglustöð sagð-
ist maðurinn vera pólitískur flótta-
maður og leitaði hælis hér á landi að
sögn lögreglu. Maðurinn var yfir-
heyrður í gær. Hann var skilríkja-
laus en kvaðst vera íranskur. Hann
mun dvelja í gistiheimili Rauða
krossins þar til hann fær úrlausn
sinna mála.
Hjá útlendingadeild lögreglunnar
í Reykjavík er verið að kanna upp-
runa mannsins og hvernig hann
komst til landsins.
Hjá útlendingaeftirlitinu fengust
þær upplýsingar að 24 útlendingar
hefðu leitað hælis hér á landi á síð-
asta ári. Það væri talsverð aukning
miðað við fyrri ár.
Skipstjóri Bald-
urs sektaður
fyrir vanrækslu
HÉRAÐSDÓMUR Vesturlands hef-
ur dæmt skipstjóra á Breiðafjarðar-
ferjunni Baldri til að greiða 120.000
króna sekt fyrir að hafa með yfir-
sjónum og vanrækslu orðið valdur að
því að ferjan sigldi á Brimsker á
Breiðafirði 30. ágúst sl.
Við áreksturinn skemmdist skipið
nokkuð neðan sjólínu og nokkrir
skipverjar og farþegar urðu fyrir
minniháttar meiðslum. Maðurinn
játaði skýlaust brot sitt fyrir dómi.
Tilkynnt um
vopnaðan mann
í Kringlunni
LÖGREGLAN í Reykjavík var
með talsverðan viðbúnað við versl-
unarmiðstöðina Kringluna á fjórða
tímanum í gær vegna tilkynningar
sem barst um að maður með vopn
innanklæða væri hugsanlega á leið
inn í húsið.
Lögreglan lét öryggismiðstöð
Kringlunnar þegar vita og sendi
einkennisklædda lögreglumenn og
óeinkennisklædda á vettvang.
Tilkynning barst um hinar grun-
samlegu mannaferðir um klukkan
15. Lögreglumenn og öryggisverð-
ir leituðu í húsinu en urðu ekki
varir við grunsamlegar mannaferð-
ir.
Óttast var að viðkomandi gæti
ógnað gestum eða starfsfólki. Um
tíma voru sex lögreglubílar á verði
við útganga og útkeyrslur hússins.
Flestir lögreglubílanna fóru af
vettvangi um klukkan 15:45 en
allri hættu var aflýst á fimmta tím-
anum eftir að bönkum hafði verið
lokað.
♦ ♦ ♦
♦ ♦ ♦