Morgunblaðið - 03.03.2001, Qupperneq 33

LISTIR
MORGUNBLAÐIÐ LAUGARDAGUR 3. MARS 2001 33
Á MÚLANUM, 2. hæð í Húsi
málarans, leikur kvartettinn Öij-
en/Qvick Conspiracy frumsamið
efni og útsetningar á þekktum
ópusum úr djassfunkgeiranum á
sunnudagskvöld kl. 21.
Kvartettinn er skipaður Jo-
han Öijen gítar, Erik Qvick
trommur, Ólafi Jónssyni tenór
sax, David Þór Jónssyni hljóm-
borð og Jóhanni Ásmundssyni
bassa.
Johan Öijen, f. 1966, tók mast-
erspróf frá Ingesund tónlistar-
skólanum 1994 og fluttist síðan
til Stokkhólms þar sem hann
vinnur nú við lausaspila-
mennsku. Johan vinnur líka við
Kulturama tónlistaskólann og
Mellansels lýðháskólann. Hann
kemur fram með eigin hljóm-
sveit, Sub5, og með Hipbop Con-
stellation sveit Lasse Lindgrens
um gjörvalla Svíþjóð. Hann hef-
ur leikið og hljóðritað m.a. með
Deborah Brown, Edward Neg-
ussie, Philip Harper, Bohuslæn
Big Band og Lina Nyberg.
Erik Qvick, f. 1973, hitti Johan
fyrst er hann stundaði nám við
Ingesund tónlistarháskólann.
Erik nam einnig við tónlistar-
skóla FÍH sem skiptinemi vet-
urinn 1996. Eftir útskrift fluttist
Erik til Gautaborgar þar sem
hann vann jöfnum höndum við
spilamennsku og kennslu. Hann
leikur með eigin tríói, Tic!, og
með Hipbop constellation sveit
Lasse Lindgrens. Um þessar
mundir starfar Erik við kennslu
hjá tónlistarskóla FÍH.
Aðgangseyrir er kr. 1.200 en
600 fyrir nema og eldri borgara.
Djassfunk
á Múlanum
Uppboðsfyrirtækið
Svarthamar heldur
listaverkauppboð í
Listamiðstöðinni
Straumi á morgun,
sunnudag, kl. 16. Boðin
verða upp 90 verk eftir
íslenska listamenn,
gömlu meistarana jafnt
sem yngri höfunda. Af
þessu tilefni verða þeir
listamenn sem nú starfa
í Straumi með vinnustof-
ur sínar opnar gestum
og gangandi. Opið er í
dag kl. 13–18 og á morg-
un, sunnudag, kl. 13–15.
Þeir sem nú starfa í
vinnustofunum eru leirlistarkonurn-
ar Ingibjörg Klemenzdóttir og Helga
Unnarsdóttir, málararnir Jónas Við-
ar og Pétur Þór Gunnarsson, ljós-
myndarinn Marissa Navarro Arason
og rithöfundurinn Jón Arason.
Ásgrímur, Kjarval,
Scheving og Blöndal
„Á uppboðinu eru verk eftir Krist-
ján Davíðsson, m.a. ein andlitsmynd,
stórglæsileg vatnslitamynd eftir Ás-
grím Jónsson af Strúti og Eiríksjökli,
mynd af Hrafnabjörgum eftir Jó-
hannes Kjarval og ýmsar smámyndir
eftir Scheving og Blöndal,“ segir
Bárður G. Halldórsson, listaverkasali
hjá Svarthamri, þegar hann er beðinn
um að nefna nokkur verkanna sem
hann hyggst bjóða upp. Þá nefnir
hann styttu af Jóhanni Sigurjónssyni
eftir Gerði Helgadóttur. Þetta mun
vera frummyndin en Bárður segir að
eina afsteypa hennar sem hann viti
um sé í eigu Þjóðleikhússins. Einnig
tiltekur Bárður litla olíu-
mynd eftir Jón Helgason
biskup, olíumynd eftir
Svavar Guðnason og
verk eftir Alfreð Flóka.
Þá verða boðin upp
allmörg verk eftir núlif-
andi listamenn og nefnir
Bárður sem dæmi Jónas
Viðar, Pétur Þór, Elías
B. Halldórsson, Temmu
Bell, Hallgrím Helgason,
Kristján Guðmundsson
og Tryggva Ólafsson.
Uppboðinu stjórnar
Haraldur Blöndal.
„Ég hef ekki haft upp-
boð í nokkur ár, eða síð-
an 1997, en mér finnst eðlilegt að það
sé einhver samkeppni á þessum lista-
markaði. Eftir að Gallerí Borg lagði
upp laupana og Guðmundur Axelsson
hætti sínum uppboðum hefur Gallerí
Fold setið ein að listaverkauppboð-
um. Þannig að nú er ég að fara út í þá
samkeppni. Undanfarin ár hefur ver-
ið mikil umræða um listaverkafalsan-
ir en ég held að hún sé nú að réna.
Menn eru að átta sig á því að falsanir
eru ekki eins algengar og af hefur
verið látið, þó að það sé náttúrulega
alltaf eitthvað um þær,“ segir Bárð-
ur.
Antíkuppboð í haust
Spurður um framhald á listaver-
kauppboðum á vegum Svarthamars
segir hann að fyrirhugað sé að efna til
næsta uppboðs í maí og svo aftur í
haust. „Einnig er áformað uppboð í
haust á mjög vandaðri franskri antík
sem kemur frá þekktum antíksala í
Frakklandi,“ segir Bárður.
Býður upp 90
listaverk
Bárður G.
Halldórsson
ÓLAFUR H. Torfason heldur fyr-
irlestur í Skálholtsskóla á morgun,
sunnudag, kl. 14 um kross kristninn-
ar á Íslandi. Fyrirlesturinn nefnist
Krossmörkin íslensku, kirkjugripir
og útikrossar frá landnámi til sam-
tímans og er í tengslum við sýningu
Þorgerðar Sigurðardóttur og Önnu
Torfadóttur sem nú eru staðarlista-
menn Skálholts. Fyrirlesturinn
byggist m.a. á örnefnakortum og er í
tengslum við myndröð Þorgerðar
sem unnin er á síðasta ári í tilefni
2000 ára kristni í heiminum. Á fyr-
irlestrinum verða einnig sýnd mynd-
dæmi.
Í tengslum við sýninguna var í vik-
unni helgiathöfn við tveggja og hálfs
metra háan kross við Þorláksbúð,
norðaustur af kirkjunni.
Frá athöfn við Þorláksbúð í Skálholti.
Fyrirlestur um krossinn
SÓLRISUHÁTÍÐ Ísfirðinga stendur
nú yfir og verður fjölbreytt dagskrá
fram til sunnudagsins 11. mars. M.a.
frumsýnir Leikfélag MÍ leikritið
Land míns föður í sal MÍ annað kvöld,
sunnudagskvöld, kl. 20.30. Bók-
menntakvöld verður á morgun,
mánudag, kl. 20.30. Þar munu rithöf-
undarnir Kristín Marja Baldursdóttir
og Arnaldur Indriðason lesa úr verk-
um sínum. Þriðjudaginn 6. mars leika
Blásarakvintett Reykjavíkur og
píanóleikarinn Philip Jenkins í sal MÍ
kl. 12. Þeir munu einnig koma fram í
Hömrum um kvöldið, kl. 20, á Sólrisu-
tónleikum og miðnætursýningu á
Land míns föður. Felix Bergsson sýn-
ir brot úr verki sínu Hinn fullkomni
jafningi í sal MÍ á miðvikudag kl. 12
og stýrir umræðum. Kl. 20.30 stýrir
Egill Helgason þáttarstjórnandi um-
ræðum meðal fulltrúa vefritanna um
„stjórnmálaviðhorfið“ á Hótel Ísa-
firði. Víkingur Ólafsson leikur á píanó
í sal MÍ kl. 12 og kl. 20.30 í Hömrum á
fimmtudag og leikfélag MÍ sýnir kl.
20.30. Söngkeppni Menntaskólans á
Ísafirði verður í Alþýðuhúsinu kl. 23 á
föstudag. Sólrisudansleikur verður í
Sjallanum og hefst hann kl. 23 á laug-
ardagskvöld. Dagskránni lýkur með
lokasýningu leikfélags MÍ kl. 20.30.
Sólrisuhátíð Ísfirðinga