Morgunblaðið - 06.03.2001, Síða 6

FRÉTTIR
6 ÞRIÐJUDAGUR 6. MARS 2001 MORGUNBLAÐIÐ
TÍU ára dreng frá Blönduósi,
Brynjari Árna Stefánssyni, var
bjargað úr snjóflóði í brekkunni
skammt fyrir ofan efstu íbúðar-
hús á Heiðarbraut á Blönduósi á
sunnudag. Ekki mátti miklu muna
að illa færi því háræðar drengsins
voru farnar að springa en það ber
vott um að súrefni hafi verið farið
að skorta. Þarna voru saman fjór-
ir drengir en þeir eru auk Brynj-
ars, bróðir hans Daníel Valgeir 12
ára og bræðurnir Andri Þorleifs-
son 12 ára og Svanur Ingi Björns-
son 9 ára.
Andra segist svo frá að skyndi-
lega hafi stór snjófleki runnið af
stað með hann og og ýtt Svan
bróður hans á undan sér og ein-
ungis höfuð og fætur hans hafi
staðið upp úr snjónum. Þegar
snjóflekinn hafi stöðvast byrjaði
hann strax að reyna að grafa
bróður sinn upp og þurfti að berja
með krepptum hnefa ofan á snjó-
flekann til að losa um Svan. Með-
an hann var að þessu birtist Dan-
íel Valgeir nánast eins og af
himnum ofan út úr kófinu. Þegar
þeir voru búnir að losa Svan átt-
uðu þeir sig á því að Brynjar var
hvergi að sjá.
Eftir stutta stund rak Daníel
augun í fót bróður síns í snjónum
og þeir byrjuðu strax að grafa.
Andri, sem var með farsíma,
hringdi er hér var komið sögu í
móður sína og síðan í Neyðarlín-
una. Eftir það gerðust hlutirnir
hratt.
Feður drengjanna ásamt íbúum
í nærliggjandi húsum komu strax
á vettvang og telja menn að
Brynjar hafir náðst upp úr flóðinu
eftir 10 mínútna vist. Í samtali við
Morgunblaðið sögðu þeir félagar
að þeir bræður Brynjar og Daníel
hafi verið komnir upp á brekku-
brún og staðið á snjóhengju fyrir
ofan þá bræður Andra og Svan.
Þegar flekinn fór af stað með
Andra gaf snjóhengjan sig sem
þeir bræður stóðu á og þeir hurfu
inn í kófið en aðeins Daníel birtist
út úr því eins og fyrr greinir.
Þegar þeir komu auga á fót
Brynjars heyrðu þeir hann kalla á
hjálp og fundu að hann hreyfði
fótinn. Sjálfur segist Brynjar ekki
muna mikið eftir vistinni í snjón-
um en þó man hann eftir röddum
sem smátt og smátt fjöruðu út.
Háræðar farnar að springa
Að sögn foreldra Brynjars
mátti litlu muna að illa færi því
læknir sem annaðist Brynjar á
Heilbrigðisstofnunni á Blönduósi
sagði að háræðar hefðu verið
farnar að springa en það ber vott
um að súrefni hafi verið farið að
skorta. Brynjar, sem gisti á
sjúkrahúsinu í fyrrinótt, var
nokkuð hress eftir þessa hrakn-
inga en hann kvartaði undan
eymslum vegna tognunar.
Fyrr um morguninn hafði verið
töluverð hríð á Blönduósi en veð-
ur var heldur farið að ganga nið-
ur þegar þeir félagar fóru út að
leika sér. Móðir Andra hvatti
hann til að hafa með sér GSM-
síma því henni leist ekki á veðrið.
Þessi sími kom svo sannarlega að
góðum notum og það er samdóma
álit allra þeirra sem við er rætt að
drengirnir hafi brugðist hárrétt
við aðstæðum og barið kjarkinn
hver í annan þegar kraftar voru
að þrjóta við að grafa Brynjar
upp. Þeir félagar voru nokkuð
vissir um það að þeim hefði ekki
tekist hjálparlaust að grafa
Brynjar úr flóðinu.
Bjargað úr snjóflóði í brekku fyrir ofan efstu íbúðarhús á Heiðarbraut á Blönduósi
Komu auga á
fót drengsins
upp úr snjónum
Morgunblaðið/Jón Sigurðsson
Strákarnir voru brattir að fengnum farsælum endi, frá vinstri: Svanur Ingi Björnsson, Andri Þorleifsson,
Daníel Valgeir Stefánsson og Brynjar Árni Stefánsson.
Blönduósi. Morgunblaðið.
ÖKUMAÐUR og þrír
farþegar jeppa sluppu
furðuvel eftir 100 metra
langa bílveltu á Ennis-
hálsi milli Bitrufjarðar og
Kollafjarðar á laugar-
dagsmorgun. Kona sem
ók bifreiðinni og sonur
hennar sem sat í framsæt-
inu voru flutt með þyrlu
Landhelgisgæslunnar á
Landspítala – háskóla-
sjúkrahús í Fossvogi, en
tveir piltar sem sátu í aft-
ursætum bifreiðarinnar
sluppu ómeiddir og hlupu
eftir hjálp á bæinn Skrið-
insenni. Að sögn piltanna
tveggja var nánast enginn
aðdragandi að slysinu og
voru þeir sammála um að
tíminn hefði verið óralengi að líða
meðan bifreiðin valt niður brattann.
Allir voru með bílbeltin spennt og
telur lögreglan á Hólmavík það hafa
átt stóran þátt í að bjarga mannslíf-
um. Konan var útskrifuð af spítala á
sunnudag en sonur hennar, Konráð
Úlfarsson, liggur enn á barnadeild
Landspítalans, þó ekki alvarlega slas-
aður. Líðan hans er eftir atvikum góð,
að sögn foreldra hans.
Valt fram af hömrum
Slysið varð með þeim hætti að bíl-
stjórinn missti stjórn á jeppa sínum
þegar hann ók niður Ennisháls að
sunnanverðu með þeim afleiðingum
að jeppinn valt út af veginum niður á
sléttan bala. Þaðan valt hann síðan
fram af hömrum og hafnaði loks á
hjólunum í móum neðan við hamrana.
Talið er að jeppinn hafi oltið um 100
metra langa vegalengd niður 30
metra lóðrétta fallhæð. Að sögn lög-
reglunnar á Hólmavík fór jeppinn 5 til
8 veltur og er gjörónýtur. Lögreglu-
varðstjóri sagði aðkomuna hafa verið
mjög ljóta og gat þess að á lögreglu-
mannsferli sínum hefði hann séð fólk
fara verr út úr slysum þar sem bif-
reiðar hafa ekki skemmst eins mikið
og jeppi fólksins.
Skriðu út um afturgluggann
Piltarnir tveir sem sátu í aftursæt-
um jeppans, þeir Sigurður Kristjáns-
son, 13 ára, og Kolbeinn Skagfjörð Jó-
steinsson, 14 ára, sluppu ómeiddir úr
slysinu og tókst þeim að skríða út um
afturgluggann og tilkynna slysið á
bænum Skriðinsenni skammt frá
slysstað. „Bíllinn var um hálfa mínútu
að velta niður af vegin-
um en mér fannst það
taka hundrað ár,“ sagði
Sigurður. „Ég lokaði
augunum meðan bíllinn
var að velta og beið eftir
að þessu færi að ljúka.
Ég reyndi að passa mig
á því að fá ekki glerbrot
framan í mig og skall
nokkrum sinnum með
höfuðið upp í þak. Beltin
hafa örugglega bjargað
okkur enda fannst mér
ég vera mjög öruggur.“
Strákarnir voru skot-
fljótir að koma sér út úr
bílflakinu eftir að hann
staðnæmdist loks neðan
við hamrana. „Við sáum
að bíllinn var alveg í
klessu svo það var ekki mikið að sjá,“
sagði Sigurður. Þeir Kolbeinn fóru
síðan eftir bendingu bílstjórans heim
að bænum. „Við vorum fimm mínútur
að hlaupa heim að bænum og höfðum
engan tíma til að hugsa um neitt á
leiðinni. Þegar við komum að bænum
héldum við fyrst að enginn væri
heima, því enginn kom til dyra þegar
við bönkuðum. Þá bönkuðum við aftur
og þá var svarað. Viðbrögð fólks á
bænum voru mjög þægileg og það
gerði allt rétt, hringdi strax í Neyð-
arlínuna og við erum heimilisfólki
rosalega þakklátir.“ Sætisfélagi Sig-
urðar, Kolbeinn Skagfjörð Jósteins-
son, kaus eins og vinur hans að hafa
augun lokuð á meðan bíllinn valt nið-
ur af veginum og reyndi að hugsa um
eitthvað annað en það sem var að ger-
ast. „Mér fannst þetta taka heila eilífð
og ég vonaði að þetta tæki enda sem
fyrst,“ sagði hann. „Það kom mér á
óvart að ég skyldi ekki vera slasaður
þegar út úr flakinu kom. Bílbeltin
hafa bjargað lífi mínu,“ bætti hann við
með áherslu.
Foreldrar Konráðs Úlfarssonar
vildu koma á framfæri þakklæti til
Sigurðar og Kolbeins sem og heim-
ilisfólks á Skriðinsenni og sjúkra-
flutningafólks.
Farþegi í bíl sem valt ofan í fjöru 100 metra frá veginum
Hálf mínúta varð
sem hundrað ár
Morgunblaðið/Magnús H. Magnússon
Þeir Kolbeinn Skagfjörð Jósteinsson (t.h.) og Sigurður
Kristjánsson sluppu vel úr bílveltunni.



    

 
  

 

  

 

 
  
#

$%

   &
''
(




 
 * 




   *' +
%
 
 
 


 


# 
!"
# %% 
 

  






 
TALIÐ er að snarræði og reyk-
skynjari hafi bjargað fertugum
manni og þriggja ára dóttur hans er
eldur kom upp í íbúðarhúsi þeirra á
bænum Brimnesi í Fáskrúðsfirði í
gærmorgun. Faðirinn vaknaði þeg-
ar skynjari í svefnherberginu fór í
gang. Hann stökk út úr rúminu og
ætlaði fram í svefnherbergisálmu en
sá að það þýddi ekki því allt var orð-
ið fullt af reyk. Hann var með
slökkvitæki í herberginu sínu og
notaði það til að brjóta rúðu í her-
berginu, tók dóttur sína sem svaf í
sama herbergi í fangið og stökk út
um gluggann.
„Þetta mátti ekki tæpara standa
og þau geta þakkað reykskynjaran-
um björgunina,“ sagði Eiríkur Guð-
mundsson, faðir mannsins sem
bjargaðist og býr í næsta húsi. Þrí-
býli er í Brimnesi, en nú búið á
tveimur bæjum.
Eiríkur sagði að húsið hefði fuðr-
að upp á mjög skömmum tíma, lík-
lega um hálftíma. Mjög hvasst var
og eldmatur mikill í timburhúsinu,
sem var á einni hæð og byggt 1987.
Hann sagði að sonur sinn hefði kom-
ist í buxur áður en hann stökk út um
gluggann með dóttur sína í fanginu.
Hann var með kuldagalla í bíl sínum
sem stóð fyrir utan húsið og gat
klætt sig þar áður en hann hljóp yfir
til foreldra sinna til að láta vita.
Bærinn Brimnes er um 5 km fyrir
utan Fáskrúðsfjörð, í norðanverðum
firðinum.
Slökkviliðið fljótt á vettvang
Eiríkur sagði að slökkviliðið hafi
komið ótrúlega fljótt á staðinn, en
það varð ekki við neitt ráðið. „Húsið
er algjörlega ónýtt og allt sem inni í
því var. Þetta var ógurlegt bál. Það
er allt brunnið sem brunnið gat,“
sagði hann.
Tilkynning um eldinn barst á
fimmta tímanum í gærmorgun í
gegnum Neyðarlínuna. Slökkvilið,
lögregla og björgunarsveitarmenn
frá Fáskrúðsfirði voru komin á vett-
vang klukkan 05:12. Nokkur ófærð
var í Fáskrúðsfirði vegna hvassviðr-
is og snjókomu og gerði það slökkvi-
liðsmönnum erfitt fyrir. Feðginin
sluppu ómeidd. Ekki er vitað um
eldsupptök.
Morgunblaðið/Albert Kemp
Nánast ekkert stendur eftir af húsinu eftir brunann.
„Geta þakkað
reykskynjara
björgunina“