Morgunblaðið - 06.03.2001, Síða 12

FRÉTTIR
12 ÞRIÐJUDAGUR 6. MARS 2001 MORGUNBLAÐIÐ
5. mars 2001. 82. fundur. Dag-
skrá Alþingis þriðjudaginn 6.
mars 2001 kl. 1½ miðdegis.
1. Tekjuskattur og eign-
arskattur, stjfrv., 481. mál,
þskj. 767. – Frh. 1. umr.
(Atkvgr.)
2. Umgengni um nytjastofna
sjávar, stjfrv., 504. mál, þskj.
791. – Frh. 1. umr. (Atkvgr.)
3. Stjórn fiskveiða, stjfrv.,
120. mál, þskj. 807. – 3. umr.
4. Leit, rannsóknir og vinnsla
kolvetnis, stjfrv., 175. mál,
þskj. 808. – 3. umr.
5. Eftirlit með útlendingum,
stjfrv., 284. mál, þskj. 313. –
3. umr.
6. Kísilgúrverksmiðja við Mý-
vatn, stjfrv., 510. mál, þskj.
800. – 1. umr.
7. Stofnun hlutafélags um
Orkubú Vestfjarða, stjfrv.,
480. mál, þskj. 766. – 1. umr.
8. Hönnunarréttur, stjfrv.,
505. mál, þskj. 792. – 1. umr.
9. Sjálfbær orkustefna, þáltill.,
274. mál, þskj. 302. – Fyrri
umr.
10. Sinubrennur og meðferð
elds á víðavangi, frv., 178.
mál, þskj. 186. – 1. umr.
11. Tekjuskattur og eign-
arskattur, frv., 181. mál,
þskj. 190. – 1. umr.
12. Húsaleigubætur, frv., 195.
mál, þskj. 205. – 1. umr.
13. Þjóðfáni Íslendinga í þingsal
Alþingis, þáltill., 198. mál,
þskj. 208. – Fyrri umr.
VERIÐ er að hrinda tillögum
starfshóps í heilbrigðis- og trygg-
ingamálaráðuneytinu um breytingar
á Heyrnar- og talmeinastöð ríkisins
í framkvæmd. Árangursstjórnar-
samningur verður gerður við stofn-
unina og tekið með þeim hætti á
ýmsum vandamálum sem við er að
glíma. Þetta kom fram í svari Ingi-
bjargar Pálmadóttur, heilbrigðis- og
tryggingamálaráðherra, við fyrir-
spurn Ástu Möller, þingmanns Sjálf-
stæðisflokksins, á Alþingi fyrir
helgi.
Ásta spurði ráðherra m.a. hver
væri framtíðarskipan í heilbrigðis-
þjónustu heyrnarskertra og benti á
að heyrnarskerðing virðist vera að
aukast hér á landi. Samhliða hafi
spurn eftir þjónustu vegna heyrn-
arskerðingar aukist verulega á und-
anförnum árum.
„Sambærileg þróun hefur einnig
átt sér stað á Norðurlöndum.
Ástæðurnar eru helstar taldar vera
fjölgun aldraðra, betri og smærri
tæki, auk þess sem ungt fólk er nú
fremur en áður tilbúið að nota
heyrnartæki,“ sagði Ásta og nefndi
að um þúsund heyrnartækjum hefði
verið úthlutað á árinu 1996, en fjór-
um árum síðar hefðu tvöfalt fleiri
fengið slíkt tæki afhent.
„Margir heyrnarskertir eru á
biðlista eftir heyrnartækjum, ekki
síst eldra fólk. Áhrif skertrar heyrn-
ar nær langt út yfir heyrnarskerð-
inguna sjálfa. Hún veldur minnkaðri
virkni í mannlegum samskiptum, en
það getur leitt til einangrunar, sem
eykst eftir því sem biðtíminn er
lengri. Sjálfstraust viðkomandi bíð-
ur skaða og hann verður í auknum
mæli háður öðrum um túlkun á um-
hverfinu. Afleiðingin getur orðið
hraðari öldrun, minni lífsgæði og
aukin hætta á að viðkomandi þurfi
fyrr á aðstoð samfélagsins að
halda,“ sagði Ásta ennfremur.
Fram kom í svari Ingibjargar
Pálmadóttur að úttekt hefur verið
gerð á starfsemi Heyrnar- og tal-
meinastöðvarinnar á vegum stjórn-
enda stofnunarinnar og var hún
kynnt ráðuneytinu í apríl í fyrra. Til-
lögur ráðgjafarfyrirtækisins beind-
ust fyrst og fremst að innri starf-
semi stöðvarinnar og bent er á að
endurskoða þurfi skipun stjórnar og
endurskilgreina hlutverk stofnunar-
innar, móta framtíðarsýn og stefnu
og breyta lögum til þess að skapa
starfinu nauðsynlegan ramma.
Ráðherra upplýsti ennfremur að
verið væri að endurskoða lög um
Heyrnar- og talmeinastöðina og
myndi hún leggja fram frumvarp á
vorþingi. Í því væri sérstaklega til
skoðunar stjórn stöðvarinnar, hvort
skipa eigi gæðaráð sem væri m.a.
skipað fulltrúum þeirra samtaka
sem sinna hagsmunum skjólstæð-
inga stofnunarinnar og með hvaða
hætti þjónustu við skjólstæðingana
verði best fyrir komið.
Erfitt að fá lækna til starfa
„Erfitt hefur verið að fá lækna til
starfa og sérstaklega til afleysinga
og mun svo verða áfram að
óbreyttu. Því er mikilvægt að
tryggja að starfskraftar lækna, sem
menntaðir eru á þessu sviði, nýtist
stofnuninni sem allra best og má
hugsa sér að læknisfræðileg þjón-
usta við stofnununina sé veitt á
grundvelli þjónustusamnings við
háls-, nef- og eyrnadeild Landspít-
ala – háskólasjúkrahúss í Fossvogi.
Það er sérstaklega til skoðunar
þessa dagana. Formanni stjórnar
hefur verið falið að meta hve mikið
fjármagn þarf til þess að ná niður
biðlistum sem nú er við að glíma og
hve mikið þarf af viðbótarstarfsfólki
með fagmenntun. Niðurstöðu hans
er að vænta innan skamms,“ sagði
Ingibjörg.
Biðtími eftir heyrnarmælingu
að jafnaði þrír mánuðir
Heilbrigðisráðherra var spurður,
af þeim Svanfríði Jónasdóttur og
Kristjáni L. Möller, Samfylking-
unni, um hve langur biðtími væri að
jafnaði eftir þjónustu stöðvarinnar
og hve margir hefðu verið á biðlista
um síðustu áramót.
Fram kom í svari ráðherra að bið-
tími eftir heyrnarmælingu og lækn-
isskoðun er að öllu jöfnu þrír mán-
uðir. Um síðustu áramót voru um
650 einstaklingar á biðlista eftir
heyrnarmælingu og læknisskoðun.
Af þeim hópi eru um 86% 67 ára og
eldri.
„Á undanförnum árum hafa legið
niðri að mestu ferðir starfsmanna
Heyrnar- og talmeinastöðvarinnar
út á land. Þetta er bæði vegna
skorts á fjármagni og skorts á
starfsfólki. Í undirbúningi er að taka
slíkar ferðir upp að nýju enda eru til
fullbúnir heyrnarmælingarklefar
má segja á heilsugæslustöðvum um
allt land. Einnig verður skoðað
hvort stofnunin geti komið upp þjón-
ustueiningum á landsbyggðinni og
sinnt þar með skjólstæðingum sín-
um betur,“ sagði Ingibjörg Pálma-
dóttir ennfremur.
Rætt um breytingar á starfsemi Heyrnar- og talmeinastöðvar ríkisins
670 bíða eftir tækjum
ÞINGMENN á löggjafarsamkund-
unni fá til sín gríðarlegt magn
lesefnis í viku hverri og verða
vitaskuld að kunna skil á því
markverðasta hverju sinni. Það
tekur tekið á að blaða í skjölunum
meðan á þingfundi stendur og hér
sýnist syfja sækja að leiðtoga
vinstri grænna, Steingrími J. Sig-
fússyni. Hann er raunar frægur
fyrir að taka virkan þátt í um-
ræðum á þingi og hefur eflaust
aðeins verið að bíða eftir því að
komast í pontu og segja nokkur
vel valin orð.
Morgunblaðið/Golli
Blaðað í þingskjölum
Bókasafns- og
upplýsingafræði
LÖGUM um bókasafnsfræðinga
verður breytt verði stjórnarfrum-
varp þar að lútandi samþykkt á Al-
þingi, en í því felst að lagaákvæði um
lögbundið starfsheiti og námskröfur
bókasafnsfræðinga verða löguð að
þeim breytingum sem orðið hafa á
námi og þar með starfssviði bóka-
safnsfræðinga og tilkomu upplýs-
ingafræðinnar.
Heiti á námi bókasafnsfræðinga
við Háskóla Íslands hefur verið
breytt í bókasafns- og upplýsinga-
fræði til samræmis við þróun upplýs-
ingasamfélagsins og kröfur þess.
Nám í bókasafns- og upplýsinga-
fræði er nú sérskor innan félagsvís-
indadeildar Háskóla Íslands. Í frum-
varpinu er ennfremur lagt til að
námskröfur til þeirra sem sækja um
leyfi til þess að bera starfsheitið
bókasafns- og upplýsingafræðingur
verði gerðar skýrari.
HEIMILT er að sameina Hitaveitu
Suðurnesja og Rafveitu Hafnar-
fjarðar og stofna hlutafélag um
reksturinn sem nefnist Hitaveita
Suðurnesja, samkvæmt frumvarpi
til laga sem iðnaðar- og viðskipta-
ráðherra hefur lagt fram á Alþingi.
Samkvæmt því er ríkisstjórninni
heimilt að leggja hlutafélaginu til
hlut ríkissjóðs í Hitaveitu Suður-
nesja.
Samkvæmt frumvarpinu skulu
eignarhlutir í Hitaveitu Suðurnesja
skipast á eftirfarandi hátt: Reykja-
nesbær 43,5%, ríkissjóður Íslands
16,667%, Hafnarfjarðarbær
16,667%, Grindavíkurbær 9,38%,
Sandgerðisbær 5,825%, Gerða-
hreppur 5,058%, Vatnsleysustrand-
arhreppur 2,975%.
Í ákvæðum til bráðabirgða með
frumvarpinu kemur fram að sam-
eignarfélagar Hitaveitu Suðurnesja
og eigandi Rafveitu Hafnarfjarðar
bera áfram, gagnvart kröfuhöfum,
einfalda óskipta ábyrgð á skuld-
bindingum Hitaveitu Suðurnesja
annars vegar og Rafveitu Hafnar-
fjarðar hins vegar sem stofnast
hafa fyrir samruna fyrirtækjanna
og áður en hlutafélag er stofnað um
reksturinn. Innbyrðis skiptist
ábyrgð sameigenda Hitaveitu Suð-
urnesja samkvæmt eignarhlutföll-
um svo sem þau voru fyrir samruna
Hitaveitu Suðurnesja og Rafveitu
Hafnarfjarðar.
Ennfremur að á stofnfundi skuli
kjósa stjórn félagsins og skal hún
starfa þar til ný stjórn hefur verið
kosin á fyrsta aðalfundi eftir að
félagið hefur tekið til starfa. Hlut-
verk stjórnar fram að yfirtöku er að
undirbúa yfirtöku á rekstri Hita-
veitu Suðurnesja og Rafveitu Hafn-
arfjarðar en eftir það að stjórna
félaginu í samræmi við ákvæði laga.
Í fyrra náði stjórn Hitaveitu Suð-
urnesja samkomulagi við Hafnar-
fjarðarbæ um sameiningu Hitaveitu
Suðurnesja og Rafveitu Hafnar-
fjarðar. Jafnframt samþykktu að-
ilar að stefna að stofnun hlutafélags
um reksturinn undir nafni Hita-
veitu Suðurnesja enda næðist
skattalegt jafnræði við önnur orku-
sölufyrirtæki með hlutafélagsformi.
Í kjölfar þess að eigendur Hita-
veitu Suðurnesja og Rafveitu Hafn-
arfjarðar samþykktu sameininguna
var þess óskað við iðnaðarráðuneyt-
ið að lagt yrði fram frumvarp til
laga sem heimiluðu þessar breyt-
ingar.
Hlutafélag
um Hitaveitu
Suðurnesja
Kosið í
nefndir
ALÞINGI hefur kosið þrjá aðalmenn
og þrjá varamenn í stjórn Kristnihá-
tíðarsjóðs, skv. 3. grein nýsam-
þykktra laga um Kristnihátíðarsjóð.
Fram kom einn listi sem á voru
jafnmörg nöfn og þeir menn sem
skyldi kjósa. Samkvæmt því lýsti for-
seti yfir að kosnir væru án atkvæða-
greiðslu:
Aðalmenn: Anna Soffía Hauksdótt-
ir verkfræðingur, Anna Agnarsdóttir
sagnfræðingur, Þorsteinn Gunnars-
son rektor.
Varamenn: Þorsteinn Gunnarsson
arkitekt, Jón Páll Halldórsson, fyrrv.
framkvæmdastjóri, Þóra Guðmunds-
dóttir arkitekt.
Þá hafa fulltrúar einnig verið kosn-
ir til setu í sérnefnd um stjórnar-
skrármál, sbr. 42. gr. þingskapa.
Fram komu tveir listar sem á voru
jafnmörg nöfn og þeir menn sem
skyldi kjósa. Samkvæmt því lýsti for-
seti yfir að kosnir væru án atkvæða-
greiðslu: Sigríður A. Þórðardóttir, Jó-
hann Ársælsson, Einar K.
Guðfinnsson, Jón Kristjánsson, Guð-
mundur Árni Stefánsson, Tómas Ingi
Olrich, Ögmundur Jónasson, Þor-
gerður K. Gunnarsdóttir og Kristinn
H. Gunnarsson.
Sjávarset umhverfis
Reykjavík
Ekki laust
við efna-
mengun
SIV Friðleifsdóttir umhverfisráð-
herra segir að sjávarset umhverfis
Reykjavík sé ekki laust við mengun
af völdum efnisins PCB. Rannsóknir
hafi sýnt að mengunina megi að
mestu leyti rekja til fráveitna og
greinist mestur styrkur næst
gömlum skolútrásum. Þetta kom
fram í svari ráðherra við fyrirspurn
Katrínar Fjeldsted, Sjálfstæðis-
flokki, um PCB-mengun í Sundahöfn
og á fleiri stöðum í Reykjavík.
Ráðherra upplýsti að greiningar á
PCB í sjávarseti í og við Sundahöfn
sl. þrjú ár sýndu að í hverju tonni af
þurrkuðu sjávarseti væri á bilinu 12–
20 mg af PCB-efnum. PCB-mengun í
sjávarseti væri tiltölulega stöðug og
því væri þess ekki að vænta að þessi
mengun hyrfi á næstu árum. Hins
vegar hefðu verið settar reglur um
meðferð dýpkunarefnis og í nýlegri
flokkun Hollustuverndar ríkisins
flokkaðist sjávarset í og við Sunda-
höfn sem ómengað eða lítillega
mengað. Einnig sagði ráðherra að
framangreindar greiningar væru vel
undir sambærilegum umhverfis-
mörkum í Evrópu.
♦ ♦ ♦