Morgunblaðið - 06.03.2001, Síða 29

ÚR VERINU
MORGUNBLAÐIÐ ÞRIÐJUDAGUR 6. MARS 2001 29
stjórnmálaskóli
samfylkingarinnar
Innritun: Í síma 551-1660, á netfang: samfylking@samfylking.is eða á heimasíðu flokksins: Samfylking.is
Austurstræti 14, 4. hæð
15.-18. mars
Fimmtudagurinn 15. mars
19.00-19.30 Setning Stjórnmálaskólans.
Össur Skarphéðinsson, formaður Samfylkingarinnar setur
skólann og fer yfir stefnuna og framtíðina.
19.45-22.00 Ræðumennska og tjáning. Helgi Hjörvar, forseti
borgarstjórnar og Kristín Á. Ólafsdóttir, leikari.
Föstudagurinn 16. mars
17.00-19.00 Kvenfrelsið og framtíðarborgin.
Ingibjörg Sólrún Gísladóttir, borgarstjóri.
19.30-22.00 Greina- og fréttaskrif, netið og
stjórnmálin. Stefán Jón Hafstein,
fjölmiðlafræðingur
og Hreinn Hreinsson, ritstjóri.
Laugardagurinn 17. mars
12.00-13.00 Almannatengsl. Einar Karl Haraldsson, ritstjóri.
13.15.-15.00 Að mála bæinn rauðan. Jakob Frímann Magnússon,
tónlistarmaður og Ingvar Sverrisson, framkvæmdastjóri.
15.30 –18.00 Framkoma í fjölmiðlum. Mörður Árnason,
íslenskufræðingur, Flosi Eiríksson, bæjarfulltrúi og
Ásta Ragnheiður Jóhannesdóttir, þingmaður.
18.00-19.00 Þingstörfin. Alþingi heimsótt. Margrét Frímannsdóttir,
varaformaður Samfylkingarinnar.
19.00 Léttar veitingar í boði formanns Samfylkingarinnar.
dagskrá
Sunnudagurinn 18. mars
12.00-13.00 Flokksstarfið - ungliðahreyfingin. Katrín Júlíusdóttir, formaður
Ungra jafnaðarmanna og Björgvin G. Sigurðsson, framkvæmdastjóri
Samfylkingarinnar.
13.30-14.30 Hugtök og heiti í fjármálum og hagfræði. Ágúst Einarsson,
prófessor og formaður framkvæmdastjórnar Samfylkingarinnar.
14.45-16.00 Lýðræðissamfélag framtíðar. Bryndís Hlöðversdóttir,
þingflokksformaður Samfylkingarinnar.
16.15-19.00 Lokaverkefni.
FJÖLMÖRG mál er varða íslenskan
sjávarútveg voru á dagskrá fundar
fiskinefndar Matvæla- og landbúnað-
arstofnunar Sameinuðu þjóðanna,
FAO, er lauk á föstudag. Þar á meðal
var ný skýrsla sérfræðingahóps FAO
um ríkisstyrki í sjávarútvegi, en ís-
lensk stjórnvöld hafa unnið markvisst
að því, m.a. á vettvangi Alþjóðavið-
skiptastofnunarinnar, FAO og
OECD, að gert verði alþjóðlegt sam-
komulag um afnám ríkisstyrkja í
sjávarútvegi.
Meginniðurstöður skýrslunnar eru
þær að þrátt fyrir að sterk rök séu
fyrir því að ríkisstyrkir hafi áhrif á
viðskipti með sjávarafurðir og ýti
undir aukna sóknargetu og rányrkju
þá liggi ekki fyrir fullnægjandi upp-
lýsingar þessu til staðfestingar. Afla
þurfi frekari upplýsinga og svara
þurfi fjölmörgum spurningum. Nið-
urstaða sérfræðinganna vakti von-
brigði á fundinum og var skýrsla
þeirra harðlega gagnrýnd fyrir of
fræðilega nálgun viðfangsefnisins.
Að tillögu Íslands, sem studd var
m.a. af Argentínu, Ástralíu, Bandaríkj-
unum, Chile, Namibíu, Nýja-Sjálandi,
Noregi og Perú samþykkti nefndin að
vinnu sérfræðinganna yrði haldið
áfram og að leitað verði svara við þeim
spurningum sem þeir létu ósvarað.
Jafnframt var ákveðið að gefa aðild-
arríkjunum kost á að tefla fram sínum
sérfræðingum og upplýsingum um
áhrif ríkisstyrkja á viðgang fiskistofna
og viðskipti með sjávarafurðir. Auk
þessa var FAO falið að safna saman og
samræma upplýsingar um ríkisstyrki í
sjávarútvegi sem liggja fyrir hjá öðr-
um alþjóðastofnunum.
Sendinefnd Íslands kynnti á fund-
inum hvernig norrænu ríkin vilja að
unnið sé að umhverfismerkingum
sjávarafurða. Mælt var með því að
FAO fengi það hlutverk að þróa leið-
beinandi reglur og viðmið fyrir slíkar
merkingar til að koma í veg fyrir að
umhverfismerkingar sjávarafurða
verði að tæknilegum viðskiptahindrun-
um og villi um fyrir neytendum. Þá var
á fundinum samþykkt valfrjáls alþjóð-
leg framkvæmdaáætlun um ólöglegar,
óskráðar og ótilkynntar fiskveiðar.
Auk þessara mála voru til umfjöll-
unar mörg mál er varða hagsmuni ís-
lensks sjávarútvegs eins og hvort
CITES-samningurinn um viðskipti
með dýr og plöntur í útrýmingar-
hættu eigi að taka til viðskipta með
fiskafurðir. Í málflutningi íslensku
sendinefndarinnar var einnig lögð
sérstök áhersla á að hrint verði í
framkvæmd samstarfsverkefni Al-
þjóðabankans og FAO um aðstoð við
þróunarríkin við að byggja upp
ábyrga og sjálfbæra fiskveiðistjórn-
un. Íslensk stjórnvöld áttu verulegan
þátt í að móta þetta brýna verkefni,
enda hefur Ísland verið leiðandi í þró-
unaraðstoð á sviði sjávarútvegs.
Mörg þróunarríki eiga auðug fiskimið
og rúmlega 50% af fiskafurðum á al-
þjóðamörkuðum koma frá þróunar-
ríkjunum. Mörg þessara ríkja hafa
hins vegar enga eða litla fiskveiði-
stjórnun og mörg þeirra eru ber-
skjölduð fyrir rányrkju erlendra
fiskiskipa.
Fiskinefndin kemur saman annað
hvert ár í Róm og sækja fundina
fulltrúar ríflega 100 aðildarríkja
FAO. Formaður íslensku sendinefnd-
arinnar á fundi nefndarinnar var Kol-
beinn Árnason, sjávarútvegsráðu-
neyti.
Rætt um ríkisstyrki og
umhverfismerkingar
Skýrsla starfshóps sérfræðinga FAO gagnrýnd
RÍFLEGA 550.000 tonnum af loðnu
hefur nú verið landað af íslenzkum
skipum á vertíðinni frá því í sumar
samkvæmt upplýsingum Samtaka
fiskvinnslustöðva. Eftir standa þá
um 265.000 tonn af leyfilegum
heildarkvóta íslenzku skipanna.
Auk þess hefur á þessu tímabili ver-
ið landað rúmlega 16.000 tonnum af
loðnu af erlendum fiskiskipum.
Frá fimmtudegi og til gærdagsins
var alls landað um 57.000 tonnum af
loðnu, en bræla var um helgina og
víða er löndunarbið eða löng sigling
frá miðum til hafna, sem geta tekið
á móti loðnu. Í gær voru skipin eins
og áður við veiðarnar á Faxaflóa, en
ekkert veiðist fyrir austan. Mestu
af loðnu hefur nú verið landað á
Eskifirði, 51.400 tonnum, og næst-
mestu í Neskaupstað, 44.700 tonn-
um.
550.000 tonn á land
SKELVERTÍÐ lauk í Stykkishólmi
seinni hluta febrúar. Vertíðin hófst
um 10 ágúst og stóð því í 6 mánuði.
Alls var landað í Stykkishólmi á ver-
tíðinni um 6.600 tonnum af hörpu-
diski. Veiðarnar stunduðu 6 bátar, 4
bátar yfir 100 tonn og 2 minni bátar.
Aflahæsti báturinn var Grettir SH
104 sem landaði um 1.340 tonnum. Í
byrjun vertíðar störfuðu 3 skel-
vinnslur. Í skelvinnslu Sigurðar
Ágústssonar ehf. var tekið á móti um
3.200 tonnum af skel og hjá hinum
tveimur um 3.400 tonnum. Síðastliðið
sumar keypti Þórsnes ehf. skel-
vinnslu Rækjuness og voru fyrirtæk-
in sameinuð um áramótin. Eru þá eft-
ir tvær skelvinnslur í Hólminum og
við það fækkar störfum í landvinnslu
sem munar um. Skelveiðar eru einnig
stundaðar frá Grundarfirði, þar sem
tvær vinnslur voru til staðar, en
fækkar um helming á næstu vertíð.
Mikið magn af skel safnast fyrir á
landi eftir hverja vertíð. Ef gert er
ráð fyrir að innmaturinn í hörpudisk-
num sé 15% af þyngd hennar er hér
um að ræða 5.600 tonn af skel á ári.
Er það óhemju magn og reynist erfitt
að farga úrgangi svo að ekki verði
áberandi í umhverfinu. Það er slæmt
að geta ekki nýtt skelina því hún er
yfir 90% kalk. Er hér tækifæri fyrir
hugmyndaríkan einstakling að vinna
verðmæti úr henni, hráefnið er
ókeypis.
Morgunblaðið/Gunnlaugur Árnason
Mikið magn af skel safnast fyrir eftir hverja skelvertíð í Stykkishólmi.
Magnið er um 5.600 tonn af ári. Hér er um að ræða ódýrt hráefni til að
vinna kalk úr, sem mundi nýtast til að mynda bændum við túnræktun.
Skelvertíð lokið
í Stykkishólmi
Stykkishólmi. Morgunblaðið