Morgunblaðið - 18.04.2001, Qupperneq 20

LANDIÐ
20 MIÐVIKUDAGUR 18. APRÍL 2001 MORGUNBLAÐIÐ
Stykkishólmi - Atvinnumálanefnd
Stykkishólmsbæjar boðaði til fundar
um atvinnumál stuttu fyrir páska.
Tilgangur fundarins var að kynna
fyrir bæjarbúum ýmsa möguleika til
uppbyggingar atvinnu og menntunar
í bænum. Frummælendur voru Þor-
steinn Gunnarsson, rektor Háskólans
á Akureyri, Páll Kr. Pálsson, forstjóri
3P-Fjárhús, og Sigurður Ágústsson,
framkvæmdastjóri Sigurðar Ágústs-
sonar ehf.
Frummælendur kynntu sínar
stofnanir og fyrirtæki og ræddu þá
möguleika sem þar væri að finna til
atvinnuuppbyggingar.
Þorsteinn Gunnarsson gerði grein
fyrir því vinnuumhverfi sem við bú-
um við í þekkingarsamfélagi. Mennt-
un væri lykill framfara. Hann setti
fram nokkur atriði sem Hólmarar
ættu að gefa gaum til að efla atvinnu
og búsetu í bænum. Í fyrsta lagi
þyrfti að koma á fót framhaldsskóla á
Snæfellsnesi. Jafnframt þyrfti því að
efla fjarkennslu á framhaldsskóla-
stigi. Huga þyrfti að háskólanámi til
prófgráðu með fjarkennslusniði í
samstarfi við háskóla og Símenntun-
armiðstöð. Þá þyrfti að laða háskóla-
menntað fólk til búsetu í Stykkis-
hólmi eins og með því að byggja upp
rannsóknarverkefni. Byggja þyrfti
upp nýjar atvinnugreinar, gjarnan í
tenglsum við þá starfsemi sem er fyr-
ir hendi. Efla fjarvinnslu og læra af
þeirri reynslu þar sem hefur best tek-
ist erlendis og nefndi hann þar dæmi.
Hann ræddi einnig um kosti þess
að nýta nemendaverkefni háskóla-
stúdenta til að varpa ljósi á nýja
möguleika varðandi nýsköpun. Að
lokum sagði Þorsteinn að forsjálni og
frumkvæði heimamanna væri lykill-
inn að velgengni.
215 umsóknir um hlutafé
til 3P-Fjárhúsa
Páll Kr. Pálsson fjallaði um fjár-
festa og fjárfestingu í nýsköpunar-
verkefnum. Hann sagði að á Íslandi
væru komin mörg félög sem legðu
fram fjármuni til atvinnuuppbygg-
ingar en fjárfestar gerðu aukna kröfu
til arðsemi. Það kom fram að 215 að-
ilar hafi sótt um hlutafjárframlag til
3P-Fjárhúsa en samþykktar hafa
verið aðeins 15 umsóknir, þ.e. innan
við 10 %, og þar af ein frá Stykk-
ishólmsbæ.
Hann sagði að miklir möguleikar
væru í dag fyrir þann sem hefði góða
hugmynd til atvinnusköpunar, en
miklar kröfur væru gerðar til und-
irbúnings verkefna. 3P-Fjárhús
stofnaði fyrir stuttu ásamt Stykkis-
hólmsbæ fyrirtækið Heilsuefling
Stykkishólms ehf. Páll fór yfir hug-
myndir eigenda og hvað þeir sjá fyrir
sér. Fyrsta skrefið væri að vinna við-
skiptahugmynd og kanna hvort fjár-
hagsleg skynsemi væri í verkefninu.
Niðurstaða úr þeirri vinnu lægi fyrir í
haust.
Í máli Sigurðar Ágústssonar kom
fram viðhorf hans til atvinnurekstrar
á landbyggðinni. Hans fyrirtæki væri
að þróast í takt við tímann. Skortur
væri á vinnuafli í fiskvinnslu og þyrfti
að sækja fólk erlendis frá. Hann
sagði það vera slæmt og tryggja
þyrfti fasta búsetu.
Varðandi stöðu Stykkishólms
þyrfti að efla menntunartækifæri
ungs fólks, efla verslun og bæta við
íbúðarhúsnæði. Þá þyrftu bæjaryfir-
völd að skapa stafsskilyrði fyrir fyr-
irtæki. Að lokum taldi hann samein-
ingu sveitarfélaga á Snæfellsnesi
æskilega.
Að loknum framsöguerindum var
komið að fundarmönnum. Margar
spurningar vöknuðu og eins hug-
myndir. Atvinnusköpun á lands-
byggðinni er ekki einfalt mál. Þar
skiptir mestu máli að fá til liðs frum-
kvöðla sem hafa góðar hugmyndir og
eru tilbúnir að fylgja þeim eftir með
vinnu og fjármagni.
Fundur atvinnumálanefndar Stykkishólmsbæjar
Forsjálni og frumkvæði
heimamanna er lykillinn
Morgunblaðið/Gunnlaugur Árnason
Frummælendur á fundi um atvinnumál í Stykkishólmi: Sigurður
Ágústsson, Þorsteinn Gunnarsson og Páll Kr. Pálsson.
KRISTNIHÁTÍÐARÁRIÐ var
kvatt í Fáskrúðsfjarðarkirkju í
messu á páskadag. Ásta Kristín Guð-
mundsdóttir fermingarstúlka bar
páskakertið í kirkju og kveikti á tíu
smákertum við ljós þess, einu fyrir
hverja liðna öld kristni á Íslandi.
Hún raðaði þessum ljósum á hjarta-
lagaðan skjöld, fimm á hvorri rönd
við upphaf messunnar en lét eitt
kertið á oddi hjartans vera ljóslaust.
Við lok messunnar eftir að flutt
höfðu verið lokaorð til slita
kristnihátíðarársins kveikti Sigrún
Guðlaugsdóttir meðhjálpari ljós á
því kerti, tákni fyrir nýbyrjaða ell-
eftu öldina í kristni á Íslandi. Söfn-
uðurinn reis svo úr sætum og söng
sálmversið „Son Guðs ertu með
sanni“.
Kveikt á kertum fyrir
hverja öld í kristni
Morgunblaðið/Sigurjón Hjálmarsson
Kristnihátíðarárið var kvatt í Fáskrúðsfjarðarkirkju á páskadag. Ásta
Kristín Guðmundsdóttir fermingarbarn kveikti á kertum í upphafi
messunnar, en með henni á myndinni er séra Gísli Kolbeins.
Neskaupstað - Sú hefð er að skapast hér í Neskaupstað
að snemma á hverjum páskamorgni er gengið út í
Páskahelli en hann er í Fólkvangi Neskaupstaðar ut-
arlega við Norðfjörð.
Þar horfir göngufólkið á sólina koma upp, en gaml-
ar sögur herma að þaðan megi sjá sólina dansa við sól-
arupprás á páskadagsmorgni. Ekki fer sögum af að
sólin hafi dansað fyrir hópinn sem í þetta sinn fór í
Páskahellinn en fólk lét vel af gönguferðinni í góðu
veðri.
Gönguferð í Páskahelli
Morgunblaðið/Ágúst Blöndal
Ánægður hópur eftir gönguferð í Páskahelli á páskadag.
Neskaupstað - Blöðruselur synti
í land í Norðfirði á páskadag.
Hann var augljóslega veikur og
því var brugðið á það ráð að
bana selnum.
Blöðruselir eru flækingar við
Ísland og ekki algeng sjón í
Norðfirði, enda er blöðruselur-
inn íshafsselur sem heldur sig
mest á hafsvæðum með stórum
borgarísjökum og rekís. Á þess-
um árstíma eru fullorðnir selir
að yfirgefa kæpistöðvar, sem
m.a. eru við Jan Mayen og Ný-
fundnaland, og dreifa sér vítt og
breitt um Norður-Atlantshafið.
Blöðruselur synti
á land í Norðfirði