Morgunblaðið - 18.04.2001, Page 24

VIÐSKIPTI
24 MIÐVIKUDAGUR 18. APRÍL 2001 MORGUNBLAÐIÐ
ÓLI Björn Kárason, Ágúst Einarsson, Einar
Sigurðsson og Hjörtur Nielsen hafa stofnað
sérstakt fjárfestingarfélag sem keypt hefur
40% hlut í Útgáfufélaginu DV en Útgáfufélagið
á að taka að sér rekstur og sjá um útgáfu DV.
Frjáls fjölmiðlun á enn meirihluta í Útgáfu-
félaginu eða 60% hlut en Frjáls fjölmiðlun er í
meirihlutaeigu Sveins R. Eyjólfssonar og Eyj-
ólfs Sveinssonar.
Aðspurður segir Óli Björn Kárason, ritstjóri
DV, að hér sé auðvitað fyrst og fremst um fjár-
festingarsamvinnu þeirra félaganna að ræða.
„Undirbúningur að stofnun sérstaks hluta-
félags um rekstur og útgáfu DV hefur staðið
nokkuð lengi eða í nokkra mánuði. Í þeim und-
irbúningi, sem ég tók þátt í, lýsti ég áhuga á
því að fá að kaupa hlut í útgáfufélagi blaðsins.
Menn settust síðan niður og þetta varð nið-
urstaðan. Við erum einfaldlega að mynda sam-
starfsvettvang á milli okkar hóps, sem ég leiði,
og Frjálsrar fjölmiðlunar.“
Aðspurður segir Óli Björn að enn eigi eftir
að skipa stjórn Útgáfufélagsins DV og ekki
liggi enn fyrir hvernig hún verði skipuð, það
skýrist á næstu vikum.
„Ég er sannfærður um að Útgáfufélagið DV
er arðvænlegt fyrirtæki og þess vegna komum
við inn í félagið. Þeir sem koma að þessu eru
gamlir félagar mínir af Viðskiptablaðinu og
tóku þátt í því með mér að stofna það á sínum
tíma ásamt Frjálsri fjölmiðlun. Þannig að þetta
er bara enn eitt samstarfið sem ég fer í með
þessum þremur félögum mínum og Frjálsri
fjölmiðlun.“
Tilbúnir að mæta harðnandi samkeppni
Aðspurður hvort einhverjar sérstakar breyt-
ingar séu í vændum í útgáfu DV segir Óli Björn
að menn ætli sér að herða róðurinn enn frekar.
Á síðustu misserum og mánuðum hafi orðið
töluverðar breytingar á blaðinu og menn muni
halda áfram að þróa það. „Við erum auðvitað að
horfa fram á hörkusamkeppni núna á næstu
dögum og við ætlum okkur að vera í stakk bún-
ir til þess að mæta henni af fullri hörku.“
Aðspurður um hugmyndina að stofnun sér-
staks útgáfufélags um DV segir Óli Björn að
hún sé raunverulega sú að Frjáls fjölmiðlun
hafi á undanförnum árum þróast út í það að
vera nokkurs konar regnhlífarfyrirtæki með
ýmis fyrirtæki á sviði útgáfu, fjölmiðlunar og
prentunar svo eitthvað sé nefnt. DV hafi í raun
verið eina starfandi fyrirtækið innan Frjálsrar
fjölmiðlunar án þess að vera sjálfstætt félag.
Þetta sé því mjög eðlileg aðgerð í því ljósi,
kaup þeirra félaganna hafi einfaldlega komið í
framhaldinu.
Sérstakt útgáfufélag stofnað um rekstur DV
Frjáls fjölmiðlun með 60%
STJÓRN SVÞ, Samtaka verslunar
og þjónustu, var nýlega á ferð um
byggingarsvæði verslunarmið-
stöðvarinnar í Smáralind undir
leiðsögn Pálma Kristinssonar fram-
kvæmdastjóra fyrirtækisins. Pálmi,
sem áður stjórnaði framkvæmdum
við gerð Hvalfjarðarganganna, seg-
ir að unnið sé eftir aðgerðaáætlun
sem hefur fengið heitið ,,10.10.
10:00 og vísar til áætlunar um tíma-
setningu á vígslu verslunarmið-
stöðvarinnar í haust.
Sem dæmi um stærð verslana í
Smáralind má nefna að verslun
Hagkaups verður 10.440 fermetrar
en það jafngildir samanlagðri
stærð Nýkaupa í Kringlunni, Hag-
kaupa í Smáranum og Hagkaupa í
Skeifunni. Smáralind verður alls
um 63.000 fermetrar. Það verða um
100 þjónustufyrirtæki í samstæð-
unni, flest verslanir en einnig 5
kvikmyndasalir og fjöldi annarra
afþreyingarkosta.
Gert er ráð fyrir að 5–6 milljónir
viðskiptavina komi árlega í Smára-
lind og að 800–1.200 manns vinni í
húsinu að meðaltali þegar það er
fullbúið.
Stjórn SVÞ
í Smáralind
FORSTJÓRAR breskra fyrir-
tækja, sem lenda í svindlmálum,
eiga á hættu að verða dæmdir frá
rétti til að reka fyrirtæki í 2–15 ár.
Nýjar tölur um slík mál frá síðasta
ári sýna að fjöldi forstjóra sem
misstu leyfi til fyrirtækjarekstrar
sló öll met. Fleiri mál voru tekin í
rannsókn en áður, hins vegar var
fjöldi ábendinga um grun færri en
áður. Mörg málanna koma til
rannsóknar eftir ábendingar frá
almenningi, að sögn Financial
Times.
Alls voru 1.502 forstjórar dæmd-
ir á síðasta ári fyrir svindl af ein-
hverju tagi, en 1.488 árið áður. Ný
mál sem tekin voru til rannsóknar
voru átta prósentum fleiri en árið
áður, svo alls voru mál er varða
1.593 forstjóra tekin til rannsókn-
ar. Um er að ræða mál er tengjast
fjárdrætti og fjársvikum í
tengslum við gjaldþrotamál.
Flest svindlmál
í fataiðnaði
Svikamálin raðast áberandi á
einstaka geira. Flest málin tengj-
ast fataiðnaði, sem hefur lengi haft
fremur illt orð á sér í Bretlandi,
bæði varðandi skatt og önnur skil
til hins opinbera og hvað varðar
aðbúnað starfsfólks og virðingu
fyrir réttindum þeirra. Alls tengd-
ust þrettán prósent málanna fata-
iðnaðinum eða 190 mál, sem lauk
með sakfellingu.
Næst á eftir fataiðnaðinum kom
byggingariðnaðurinn, þar sem 169
forstjórar hlutu dóm fyrir svik af
einhverju tagi. Af öðrum greinum,
sem svikamál af þessu tagi setja
svip sinn á, má nefna ráðgjöf af
öllu tagi og sölu og rekstur örygg-
is- og þjófavarnarkerfa. Tvær iðn-
greinar sluppu við öll svikamál af
þessu tagi, húsgagnaiðnaðurinn og
verslunarrekstur, en síðastnefndi
geirinn hefur annars oft áður ein-
kennst af stórum svikamálum.
Flest málanna tengdust London,
en annars má finna svindlara í
hópi forstjóra víðast hvar um land-
ið.
Almenningur hvattur til að
benda á þá óprúttnu
Lög um þessi efni voru sett 1986
og síðan þá hafa um fimm þúsund
forstjórar verið dæmdir eftir þess-
um lögum. Vægustu viðurlögin eru
tveggja ára fangelsi og sekt upp á
fimm þúsund pund, um 600 þúsund
íslenskar krónur.
Reynslan hefur hins vegar sýnt
að þeir harðsnúnustu í þessum
hópi láta sér ekki segjast við sekt-
ir og jafnvel fangelsisvist, og þess
vegna þótti tilvalið að setja á fót
upplýsingalínu. Til að auðvelda yf-
irvöldum að fylgjast með þeim,
sem hafa verið dæmdir, var opnuð
bein símalína til yfirvalda 1998,
þar sem hægt er að hringja inn og
tilkynna ef eitthvað grunsamlegt
er á ferðinni. Þetta tilboð hins op-
inbera til almennings um að hjálpa
til við að upplýsa um forstjóra,
sem stunda rekstur eftir að hafa
verið dæmdir, getur falið í sér
upplýsingar um að viðkomandi
sinni enn viðskiptum eða gefi út
falskar ávísanir í nafni fyrirtækja
sinna. Bæði koma einstaklingar
með ábendingar svo og fólk í við-
skiptalífinu sem hefur orðið fyrir
barðinu á óprúttnum náungum.
Fjöldi forstjóra
sem svindla
slær öll met
London. Morgunblaðið.
REKSTRARTEKJUR móðurfélags-
ins EJS hf. voru 2.422 milljónir króna
á síðasta ári og hækkuðu um 7,3% á
milli ára. Hagnaður fyrir afskriftir
var 231 milljón króna en var 236
milljónir króna árið áður. Rekstrar-
tekjur samstæðunnar voru 3.144
milljónir króna á síðasta ári og dróg-
ust saman um 1,4% á milli ára. Hagn-
aður ársins eftir skatta var 8,4 millj-
ónir króna en 202 milljónir króna árið
áður. Eigið fé í árslok var 1.183 millj-
ónir króna og eiginfjárhlutfall móð-
urfélags 56% og samstæðu 49,2%.
Uppbygging og rekstur EJS-sam-
stæðunnar, sem nú samanstendur af
10 fyrirtækjum, tók miklum breyt-
ingum á síðasta ári, sem allar miða að
því að tryggja framtíðarvöxt og af-
komu samsteypunnar, að því er fram
kemur í fréttatilkynningu. Meðal
þeirra breytinga sem hér um ræðir er
viðamikil endurskipulagning á
rekstri einstakra dótturfélaga, sér-
staklega Hugar hf, umfangsmikil
vöruþróun og fjárfesting EJS Int-
ernational fyrir erlenda markaði og
stækkun samsteypunnar með stofn-
un og þátttöku í rekstri á fimm nýjum
fyrirtækjum.
Hagnaður EJS
minnkar um 96%
● SAMSTARFSSAMNINGUR um
sameiningu fréttaritstjórna Vísis.is
og Fréttablaðsins hefur verið und-
irritaður og byrjar Fréttablaðið að
segja fréttir og annast fréttarit-
stjórn á Vísi.is frá og með nk.
fimmtudegi, að því er segir í frétta-
tilkynningu.
Í tilkynningunni segir að með
sameiningunni sé mörkuð sú
stefna að fréttirnar birtist fyrst á
Vísi.is og síðan birti Fréttablaðið
heildaryfirlit yfir fréttir og viðburði
dagsins. Þá segir að fréttastjórn
Vísis.is flytjist yfir á nýja dagblaðið
en jafnframt verði áfram í gildi
samningar við DV og Stöð 2.
Fimm af níu blaðamönnum á
Vísi.is verða framvegis hluti rit-
stjórnar nýja fréttablaðsins. Með
sameiningunni fjölgar blaðamönn-
um Fréttablaðsins í 21, sam-
kvæmt því sem haft er eftir Einari
Karli Haraldssyni, ritstjóra Frétta-
blaðsins, í tilkynningunni.
Fréttaritstjórnir
sameinaðar
KURT Hellström, forstjóri Erics-
son, mun á föstudag kynna næstu
áætlun um endurskipulagningu fyr-
irtækisins. Tilkynningin gæti orðið
þess efnis að segja þurfi uppp 30%
starfsmanna Ericsson. Á föstudag
verður afkoma Ericsson á fyrsta
fjórðungi þessa árs kynnt en fyrir-
tækið sendi sem kunnugt er frá sér
afkomuviðvörun í síðasta mánuði. Í
kjölfarið var tilkynnt um fyrirhug-
aðar uppsagnir á fjórða þúsund
manns.
Ericsson þarf
jafnvel að
segja upp 30%
starfsfólks
Ósló. Morgunblaðið.