Morgunblaðið - 18.04.2001, Qupperneq 28

ERLENT
28 MIÐVIKUDAGUR 18. APRÍL 2001 MORGUNBLAÐIÐ
Professionails
naglaskólinn
• Alþjóðlegur naglaskóli sem útskrifar
naglafræðinga með diplóma sem
gildir í 20 löndum.
Upplýsingar í síma 588 8300
Sunna Guðmundsdóttir.
Tísku og ljósmyndaförðun - leikhús-
og kvikmyndaförðun. Naglaásetning-
ar í Professionails skólanum.
Umsögn: Námið í Professionails na-
glaskólanum hefur veitt mér þekk-
ingu og stuðning til lengri tíma.
Metnaðarfull kennsla og tenging við
aðra nemendur skólans hefur veitt
mér mikla ánægju.
Ég vinn í fullu starfi við naglaásetningar í Gullsól í
Mörkinni. Hef unnið við sjónvarpsþætti, stuttmyndir,
tískusýningar, kvikmyndir o.fl. Fjölbreytt vinna sem
gefur mér mikla lífsfyllingu.
FörðunarskóliNO NAME
Lukka Berglind Brynjarsdóttir.
Tísku- og ljósmyndaförðun og leik-
hús- og kvikmyndaförðun
Umsögn: Skemmtilegt og
fjölbreytilegt nám sem hefur nýst
mér ótrúlega vel. Hefur veitt mér
tækifæri til að vinna á fjölbreyttum
vettvangi með skemmtilegu fólki. Ég
hef verið með kynningar, haldið
námskeið, farðað fyrir tímarit, tískusýningar og
sjónvarpsauglýsingar. Hef einnig unnið við helstu
tískuviðburði ársins eins og Futurice, Ford og ungfrú
Ísland.is. No name skólinn hefur opnað mér dyr að
krefjandi og skemmtilegri atvinnu.
* Útskrifar förðunarfræðinga.
* Tísku- og ljósmyndförðun 6-12 vikur.
* Kvikmynda- og leikhúsförðun13 vikur.
* Sumarskóli byrjar 21. maí.
Haustskóli 10. sept.
Upplýsingar í síma 588 6525.
Skeifunni 17, 108 Reykjavík
Furuvöllum 5, 600 Akureyri
OPIÐ VIRKA DAGA KL. 8 -19 • LAUGARDAGA KL. 10 -16
9.990,-
– ekki bara s
tundum!Alltaf ód
ýrir
Sími 550 4100
7.990.-
Verð hjá Pennanum
HP prentduft 74A
25%
hærra verð hjá
Pennanum!
j
FRÉTTIR um að japanska krón-
prinsessan Masako sé hugsanlega
þunguð hafa vakið gífurlega at-
hygli í Japan og gáfu japönsk dag-
blöð mörg hver út sérblöð í tilefni
fréttatilkynningar embættismanna
hirðar Japanskeisara.
Masako, sem er 37 ára, hefur sætt
auknum þrýstingi um að ala erf-
ingja að keisaratigninni. Hún missti
fóstur fyrir tveimur árum en þá
voru embættismenn gagnrýndir
fyrir að hafa greint frá þungun
hennar of snemma. Blaðamanna-
fundurinn á mánudag endurspegl-
aði þá gagnrýni. Var þar tekið afar
varfærnislega til orða og sagt að
prinsessan „bæri þess merki“ að
vera barnshafandi.
Samkvæmt núgildandi lögum í
Japan erfist keisaratignin ekki í
kvenlegg og er því vonast til þess að
Masako beri dreng undir belti. Ekki
hefur fæðst drengur í keisarafjöl-
skyldunni síðan Akishino, yngri
bróðir krónprinsins Naruhito, kom
í heiminn 1965. Akishino sem nú er
næstur Naruhito í erfðaröðinni að
keisaratitlinum á þrjár dætur en
lögin um erfðirnar hafa sætt vax-
andi gagnrýni í Japan undanfarið.
Keisarafjölskyldan hefur ekki
sýnt mikla tilburði í áttina að breyt-
ingu á lögunum. Breska dagblaðið
Independent greindi þó frá því fyrir
nokkrum árum að barnleysi krón-
prinsins og konu hans hefði orðið til
þess að fjölskyldan sendi erindreka
sinn til Evrópu til að grennslast fyr-
ir um það hver reynsla evrópskra
konungdæma hefði verið af því að
breyta slíkum lögum.
Masako hefur notið mikillar sam-
úðar japansks almennings vegna
þessara mála. Hún gekk að eiga
Naruhito árið 1993 og hefur helgað
sig embættisstörfum síðan. Masako,
sem er menntuð í Harvard-háskóla í
Bandaríkjunum, starfaði áður en
hún giftist í japanska utanríkis-
ráðuneytinu en lagði framann á
hilluna fyrir hjónabandið.
Áður en Masako missti fóstrið
fyrir tveimur árum höfðu japanskir
fjölmiðlar fjallað mikið um væntan-
legan erfingja. Þrátt fyrir að sú um-
fjöllun hafi verið gagnrýnd slógu
dagblöð fréttinni upp í fyrradag og
birtu nýjar og gamlar myndir af
væntanlegum foreldrum.
Japanska keisarafjölskyldan nýt-
ur mikillar virðingar í Japan. Henni
hefur frá lokum heimsstyrjald-
arinnar síðari verið bannað að hafa
afskipti af stjórnmálum en litið er á
fjölskylduna sem tákn japönsku
þjóðarinnar. Samkvæmt þjóðsög-
unni er núverandi keisari, Akihito,
125. keisari Japans, kominn af keis-
aranum Jimmu sem komst til valda
660 árum fyrir Krist.
Eftirvænting í Japan vegna hugsanlegrar þungunar
Keisari á
leið í
heiminn?
Tókýó. AFP.
AP.
Kona í Tókýó les fréttir af hugsanlegum erfingja keisaratignarinnar í
sérútgáfu japansks dagblaðs í fyrradag.
SLOBODAN Milosevic, fyrrverandi
forseti Júgóslavíu, var á ný fluttur í
fangaklefa sinn í Belgrad sl. föstu-
dag eftir læknisskoðun á hersjúkra-
húsi. Stjórn sósíalistaflokksins, þar
sem Milosevic gegndi formennsku,
sendi frá sér yfirlýsingu þar sem
sagði að heilsu leiðtogans fyrrver-
andi hrakaði dag frá degi en hann er
sagður vera með allt of háan blóð-
þrýsting. Var þess krafist að hann
fengi betri meðhöndlun og vísað til
siðferðisvitundar ráðamanna í því
sambandi.
„Háþrýstingur við núverandi að-
stæður getur valdið alvarlegu áfalli
og dauða,“ sagði í yfirlýsingunni.
Milosevic fékk hjartaáfall í liðinni
viku og var tvo daga á sjúkrahúsi.
Dómari úrskurðaði að hann skyldi
fluttur aftur í fangelsið eftir að
læknar þarhöfðu sagt að hann væri
við nógu góða heilsu til þess. Sósíal-
istaflokkurinn fullyrti að Milosevic
hefði ekki fengið viðunandi skoðun á
sjúkrahúsinu.
Um 2.000 manns söfnuðust saman
við stjórnarbyggingar í Belgrad á
laugardag og heimtuðu að Milosevic
yrði sleppt úr fangelsi. Þátttakendur
báru þjóðfána Júgóslavíu og Serbíu
og myndir af forsetanum fyrrver-
andi. „Með því að handtaka vin okk-
ar og forseta, Slobodan Milosevic,
vilja menn afmá hluta af sögu okkar
og þvinga okkur til að skammast
okkar fyrir hann,“ sagði Zivorad
Igic, einn af ráðamönnum sósíalista-
flokksins.
Allt fór friðsamlega fram. Gengið
var að húsakynnum dómstóla og var
ætlunin að afhenda embættismönn-
um skriflegar kröfur um að Milosev-
ic yrði leystur úr haldi en enginn tók
við skjalinu.
Heilsa Milosevic
Þjakaður
af há-
þrýstingi
Belgrad. AFP, Reuters.
ANIANO Desierto, aðalsaksóknari
í málinu gegn Joseph Estrada,
fyrrverandi forseta Filippseyja
felldi í gær niður fimm af átta
kærum á hendur forsetanum fyrr-
verandi. Desierto segir að með nið-
urfellingunni geti hann einbeitt sér
að alvarlegustu ákærunum á hend-
ur Estrada, sem snúa að meintum
fjárdrætti úr opinberum sjóðum og
ýmiskonar ólöglegri auðsöfnun.
Gefin var út ákæra á hendur
Estrada á mánudaginn þar sem
hann er sakaður um misferli og
meinsæri. Estrada gaf sig fram við
lögreglu en var síðan látinn laus.
Desierto lagði fram hinar ákær-
urnar fyrir tveimur vikum, en
Estrada er sakaður um að hafa
þegið andvirði tæpra átta milljarða
króna í mútur í embættistíð sinni.
Glæpurinn getur varðað dauða-
refsingu, en talið er ólíklegt að
slíkur dómur verði kveðinn upp.
Desierto sagði í gær að hann
myndi nú draga fimm kærur til
baka, fjórar er varða brot á lögum
um misferli og eina er varðar sið-
ferðisbrot. Kvað hann fjárdráttinn
vera aðalatriðið og því eðlilegt að
beina athyglinni fyrst og fremst að
ákærum er hann varða.
Estrada óttast að fá ekki
réttláta málsmeðferð
Lögfræðingur Estrada, Cleofe
Verzola, sagði Desierto hafa gert
sig sekan um lagalegt klúður er
hann lagði fram kærurnar. Það
hefði berlega komið í ljós nú er
hann dró þær til baka. Estrada
hefur sagt að hann búist ekki við
réttlátri meðferð fyrir dómstólum.
Estrada var bolað burt úr for-
setaembættinu 20. janúar sl. eftir
að friðsamleg mótmæli gegn hon-
um höfðu staðið yfir í nokkra daga.
Arftaki hans í embætti, Gloria
Macapagal Arroyo, sór embættis-
eið sama dag. Estrada átti þá yfir
höfði sér sex vikna réttarhöld sem
leitt hefðu getað til embættis-
missis.
Nokkrar ákær-
ur gegn Estrada
felldar niður
Manila. AFP, AP.
Málaferli á Filippseyjum
GERHARD Schröder, kanzlari
Þýzkalands, hyggst senn vitja
grafar föður síns, sem féll í síðari
heimsstyrjöld, en þýzka vikublað-
ið Bild am Sonntag greindi frá því
í gær, að búið væri að finna
greftrunarstað föðurins í rúm-
ensku sveitaþorpi. Þeir feðgarnir,
Gerhard og Fritz Schröder, hitt-
ust aldrei.
„Ég er hrærður og ánægður
með að vita loks hvar faðir minn
er grafinn,“ er haft eftir kanzl-
aranum. „Ég mun vitja grafarinn-
ar fljótlega, í þeim friði sem ég
vonast til að mér gefist,“ sagði
hann.
Fritz Schröder var 32 ára und-
irliðþjálfi í þýzka hernum þegar
hann féll í átökum við skæruliða í
fjallahéraði í Rúmeníu í október
1944. Hann sá aldrei son sinn Ger-
hard, sem fæddist 7. apríl 1944.
Með aðstoð stofnunar, sem
helgar sig leit að greftrunarstöð-
um þýzkra hermanna og umsjá
hermannagrafreita, hafði Gunhild
Kamp-Schröder, eldri systir Ger-
hards, lengi leitað grafar föður
þeirra. Í síðustu viku fékkst það
loks staðfest, að hann hefði verið
grafinn ásamt átta öðrum her-
mönnum við kirkju í þorpi því sem
nú heitir Ceanu Mare.
AP
Í þessari gröf í þorpinu Ceanu Mare, nærri borginni Cluj í norð-
vesturhluta Rúmeníu, er faðir Schröders kanzlara talinn hafa ver-
ið grafinn ásamt fleiri þýzkum hermönnum í október 1944.
Gröf föður
Schröders fund-
in í Rúmeníu
Berlín. AFP.