Morgunblaðið - 18.04.2001, Qupperneq 31

LISTIR
MORGUNBLAÐIÐ MIÐVIKUDAGUR 18. APRÍL 2001 31
Skeifunni 17, 108 Reykjavík
Furuvöllum 5, 600 Akureyri
OPIÐ VIRKA DAGA KL. 8 -19 • LAUGARDAGA KL. 10 -16
495,-
– ekki bara s
tundum!Alltaf ód
ýrir
Sími 550 4100
300.-
Verð hjá Pennanum
Esselte timaritaboxí
65%
hærra verð hjá
Pennanum!
j
SÝNINGIN „Here, there and
everywhere“, eftir þau Erlu S.
Haraldsdóttur og Bo Melin, fjallar
um hið mögulega og ómögulega í
umhverfinu. Við erum vön að horfa
á kvikmyndir og láta villa um fyrir
okkur með hvers kyns umturnun
umhverfisins svo að raunveruleg
staðsetning hlutanna fer veg allra
vega. Þannig getur gata í Vest-
urbænum orðið umgjörð húss í
Austurbænum en þó þarf umhverf-
ið innandyra ekki að stemma við
ytra byrðið.
Sumum kemur þetta afar ank-
annalega fyrir sjónir svo að þeir
geta varla þolað staðreyndarask ef
þeir þekkja til aðstæðna.
Íslendingar áttu til dæmis lengi
erfitt með að sætta sig við það að
á hvíta tjaldinu væri bifreið ekið
ákveðna götu í Vesturbænum og
beygt fyrirvaralaust inn á hliðar-
götu í Breiðholtinu þó svo að
ókunnugum fyndist það afar eðli-
legt.
Eflaust eiga íbúar New York-
borgar stundum erfitt með að
sætta sig við kvikmyndir sem eiga
að gerast á þeim bænum en eru
óvart teknar upp á strætum Tor-
onto í Kanada þar sem mun ódýr-
ara er fyrir bandarísk kvikmynda-
fyrirtæki að athafna sig.
Erla S. Haraldsdóttir hefur búið
í Svíþjóð frá tíu ára aldri, að frá-
skildum menntaskólaárunum. Hún
stundaði nám við Listaháskólann í
Stokkhólmi, San Francisco Art
Institute og Valand-listaháskólann
í Gautaborg, þaðan sem hún út-
skrifaðist 1998. Bo Melin er hins
vegar borinn og barnfæddur Svíi,
menntaður við Konstfack – List-
iðnaðarháskólann – í Stokkhólmi,
og Valand. Hann útskrifaðist það-
an 1997.
Sýning þeirra í gallerí@hlemm-
ur.is er byggð á innskotum frá San
Francisco og Berlín, sem þau læða
inn í stórar víðramma myndir sín-
ar af vel þekktum götum í miðborg
Reykjavíkur. Þannig verður til
framandlegt sjónarhorn, svo sem
með grænmetis- og ávaxtasala á
velþekktu, reykvísku götuhorni
þar sem engu slíku er til að dreifa,
eða skilti með austurlensku letri
og ókunnuglegum vegfarendum,
sem á einhvern hátt skera sig úr
venjulegri andlitsflórunni í höfuð-
borginni.
Svona prettum kynntust sjón-
varpsáhorfendur fyrir skömmu í
draumsýn Hrafns Gunnlaugsson-
ar, þar sem höfð voru endaskipti á
húsum og grænum svæðum í borg-
inni. Erla og Melin fara mun fínna
í sakirnar svo á stundum tekur
tíma að uppgötva breytingarnar.
Ólíkt því þegar þau breyttu Skog-
hall, vinalegum litlum bæ í Mið-
Svíþjóð, í niðurnítt stórborgarút-
hverfi, færa þau aukið alþjóðlegt
götulíf í hjarta Reykjavíkur.
Er litskrúðugra götulíf ekki ein-
mitt það sem við söknum einna
helst í miðborginni? Á breiddar-
gráðu þar sem bítandi næðingur-
inn heftir afslöppuð samskipti
fólks á strætum úti verð-
ur til eirðarlaus þrá eftir
erlendri veðráttu. Ljós-
myndir Erlu S. Haralds-
dóttur og Bo Melin eru
skínandi innlegg í um-
ræðuna um það hvernig
við vildum helst sjá
mannlíf á strætum og
torgum Reykjavíkur
þróast.
Eftir þetta skemmti-
lega og vel útfærða fram-
lag vantar bara tillögur frá skipu-
lagsfræðingum um það hvernig
breyta megi borgar- og bæjarlífi á
Íslandi í eilítið mannvænna og
skemmtilegra horf með hjálp yl-
stræta og hvers konar vermireita.
Nóg eigum við nú af heita vatninu
eða hvað?
MYNDLIST
g a l l e r i @ h l e m m u r . i s
Til 29. apríl. Opið fimmtudaga til
sunnudaga kl. 14–18.
LJÓSMYNDIR –
ERLA S. HARALDS-
DÓTTIR & BO MELIN
Hér, þar og alstaðar
Eitt af verkum Erlu S. Haraldsdóttur og Bo Melin í galleríi@hlemmur.is.
Halldór Björn Runólfsson
Morgunblaðið/Halldór B. Runólfsson